سيبرالكس - Cipralex دواء المفروض انه مضاد للاكتئاب و اثارة الجانبية بسيطه انا اتكتبلى من دكتور بس ممارس عام مش متخصص و عايز اعرف اذا كان حد جربة و جاب معاه نتيجة ...
عرض للطباعة
سيبرالكس - Cipralex دواء المفروض انه مضاد للاكتئاب و اثارة الجانبية بسيطه انا اتكتبلى من دكتور بس ممارس عام مش متخصص و عايز اعرف اذا كان حد جربة و جاب معاه نتيجة ...
الاحسن تروح لمتخصص .. الادوية دي ممكن تكون آمنة لكن كفاية انك هتلعب في الكيميا بتاعت مخك وممكن ماتعرفش تبطلو .. وممكن تكون مش محتاجه اصلا او محتاج تاخد دوا تاني معاه
واكتر اثر جانبي هو زيادة الوزن
حاول تخليك في الزانيكس لو فيه منه في مصر
ده شئ يرجع لحضرتك إذا كنت عاوز تقول أو ما تقولش ..بس ممكن أعرف حضرتك بتشتكي من إيه..عشان ممكن أفيد حضرتك في الدكتور المتخصص اللي ممكن حضرتك تروحله
انا خارج مصر و العقار اتوصفلى اثناء و جودى فى قطر
الحقيقه مكنتش بشتكى من شىء معين مجرد انى كان عندى الم فى كتفى و اخدت بنادول تقريبا اكتر من 3 حبات على مدار 24 ساعه فحسيت بتعب بسبب البنادول فرحت المستشفى الدكتور قالى انت مجرد عندك وساوس و خد العلاج ده و هيريحك
الكلام ده من فوق السنه انا ما اشتريتهوش خوفا من انى اتعود عليه
انا خلال ال5 سنين الى فاتو دخلت الجيش سنه و كانت فتره صعبه و كلها ضغط عصبى و خرجت منه على بدايه الثورة و قعدت فى البيت فتره بدون عمل ثم سافرت من 2011 لحد الأن خلال فتره السفر مريت ب3 محاولات ارتباط و فشلت الثلاثه اخرهم من شهرين......
الظروف دى مخليانى مكتئب و محبط + ضغط الشغل و الغربة و ده مأثر على تصرفاتى
انا فى العادى يعنى من قبل ما اسافر حتى شبه دائم الاحساس بالاحباط من الحياه فى مصر و طبيعه الشغل و كده
بس الموضوع ده زاد مع الغربه بقيت اكثر عصبيه و انطوائية واندفاعا و ده بيأثر على تعاملاتى مع الناس حوليا...
غير ان موضوع الانفعال و العصبية الشديدة بقت تأثر على جسمى فى صورة مشاكل فى القلب و ضيف تنفس و صداع و مشاكل فى النوم دايما معاملتى الناس اختلفت خلال3 سنين الى فاتو تحديدا حتى اهلى بقيت اعملهم معامله سيئة و حتى علاقتى بربنا تأثرت و بقى يجيلى وساوس و سوء ظن بالله مع انى حاولت اقرب و عملت عمره مرتين و مقدم على حج حاليا مع انى دلوقتى ساكن فى المدينة المنورة و بينى و بين المسجد النبوى 10 دقائق مشى .... بس برضه لم يتغير شىء فى حالى
موضوع الكيماويات و الادوية كان اخر شىء افكر فيه الحقيقه بس مش قادر الاقى شىء بديل ...
مشاكلك كلها لها علاج و مش شرط علاج دوائى
جرب تروح لدكتور نفسى و حسب حالتك هيمشى معاك. . . حاليا افضل انواع العلاج النفسى اسمه العلاج المعرفى cognitive therapy
فسيبك من انك تاخد علاج مع نفسك كده لان غالبا مش هتكون النتيجة كويسة و اسأل على دكتور نفسى كويس و روحله. . .
لالالا الزانيكس ادمااااااااااااان رسمى ... ده بقى جدول اول كمان
على فكره السيبرالكس المدام عندى بتاخده وبردوا الزانكس وبلاوى تانيه كتيره
على فكره فيه مالتى ريلاكس ومبيعملش ادمان
اظن اخطرهم الزانكس وتأثيره قوى وهينيمك ...
على فكره انا مليش فى الطب الكلام الاول والاخير للاطباء لكن تجربه بنقلها فقط ولانى انا اللى بصرف الروشته عارف ان الزانكس جدول اول مخدرات
والله العظيم إنت بتقول كلام زي الفل ..ميت فل وأربعتاشر ..
فعلا العلاج المعرفي دي جميل جدا ..وفعال جدا ..وآمن جدا ..النبي عليه الصلاة والسلام ما كنش بياخد أدويه لما يحس بألم نفسي ..ما وصفش لحد من الصحابه أي أدويه ..بإستثناء حديث التلبينه أنها تجم الفؤاد ..وحتى الحديث ده إستدل منه العلماء على إن فيه أغذيه مؤثره على الحاله المزاجيه العامه للجسم ..فعلا ..حاول تشوف حد يسلك معاك مسلك العلاج المعرفي ..مش لازم يكون دكتور وفاتح عياده ...لأ..ممكن يكون صديق أو طبيب وفاتح عياده مش عيب ..ممكن يكون شيخ ...شخص متدين ..بس فعلا موضوع الأدوية الكيميائية ده من أخطر عيوبه إنك بيعلمك الإستسلام لنفسك ..ومبيخلكش تستفيد من طاقاتك اللي جواك لتقويم نفسك وعلاج مشاكلك ..إسألني أنا ..أنا قعدت سنتين في جحيم بسبب الوساوس والإحباط ..كنت هخسر بيتي وأسرتي وحياتي ..أنا جه عليا أيام ما كنتش بنام في الأسبوع غير 5 ساعات من القلق والوساوس والخوف ..كل ده كان عندي ..والحمدلله عدت على خير ولله الفضل والمنه وربنا ما يعيدها أيام ..
أنا مش عاوز أحبطك ..بس بجد ..علاجك موجود جوه منك ..علاجك موجود في الكيميا اللي بتنتجها مخك وجسمك ..عالج نفسك بكيمياء جسمك مش بكيمياء خارجيه ..محتاج مساعده ..أطلبها من متخصص أو طبيب أو صديق أو أي حد يكون متخصص في التنميه البشريه يقدر ياخد بإيدك لغاية ما تلاقي نفسك كويسه ومستقره ..ربنا ما خلقكش كده ..قلقان ومحبط ..ربنا خلقك إنسان سوي وطبيعي ..بلغة المنتدى اللي إحنا فيه ..متلعبش في الفبريكه بتاعة جسمك ..سيب كل حاجه زي ما هي ..يا أخي ده لو واحد معاه عربيه ولا قدر الله إتخبطت منه خبطه بسيطه ممكن يقول هسيبها كده عشان اللي ييجي ياخدها يلاقيها فبريكه ..ويبقى هو يصلح بمعرفته ..أومال إنت بقى كإنسان ...إسمع من مجرب ..أدويه ..هتعلمك الإستسلام ..زي المضاد الحيوي كده ..بيقضى على المرض ..لكن في نفس ذات الوقت ..بيقضى على المناعه ..عشان كده لو رجع المرض ..بنرجع لنفس المضاد الحيوي ..لإن إحنا للأسف ..قتلنا المناعه