السلام عليكم ورحمة الله وبركاته
هو صح ولا غلط ان الواحد يحكم على البنت من اهلها
ياعني لو عرفت ان البنت اللى عايز تتجوززها ابوها متجوز 3 ومخلف منهم والله اعلم بعلقاته التانيه اللى محدش يعرفها
هل هتتجاوز عن نقطة النسب دي ولا لا (حتي لو في حب)
عرض للطباعة
السلام عليكم ورحمة الله وبركاته
هو صح ولا غلط ان الواحد يحكم على البنت من اهلها
ياعني لو عرفت ان البنت اللى عايز تتجوززها ابوها متجوز 3 ومخلف منهم والله اعلم بعلقاته التانيه اللى محدش يعرفها
هل هتتجاوز عن نقطة النسب دي ولا لا (حتي لو في حب)
هو حرام ان الواحد يتجوز اكتر من واحدة؟؟
هو معملش حاجه حرام
والبنت ملهاش اى ذنب فى زيجات والدها ... بالعكس اللى ذى دى بتفتقد الاب وبتعوضه فى زوجها
ومن ناحيه النسب مظنش تعيبه... ممكن انت مع الزمن تعمل زيه..
لكن علاقاته التانيه دى والله اعلم زى مابتقول لازم انت تتأكد الاول ..
لو متجوز أكتر من واحده = عادي
لو فيه علاقات تانيه = مش عادي
النسب مهم جدا في اختيار الزوجه ونجاح الزواج
نصيحه اسال عنهم كويس وزورهم كتير لغاية لما تعرف عنهم كل حاجه
عشان انت ماينفعش بعد الجواز تفصل البنت عن اهلها وهتزورهم وتحتك بيهم .. وعشان البنت هتبقى غالبا زي اهلها
وممكن الاهل بعد كده يبقو سبب مشاكل بينكم
موضوع ان الاب متجوز ٣ .. هو مش حرام .. لكن لازم تعرف ليه ومتجوز مين .. اكيد تعدد الزوجات مش حرام لكن في نفس الوقت مش ده العادي في مجتمعنا في مصر
وايه يعنى متجوز 3 ...مش احسن ما يمشى فى الحرام...اختلط لدينا المفاهيم وربنا يستر منبقاش زى تونس ممنوع تتجوز اكتر من واحده
إيه علاقة جوازاته التلاته بعلاقاته التانيه ..يعني ليه اﻹختزال المخل بالمعنى ...متجوز تلاته ..أهلا وسهلا ..راجل مقتدر ..راجل مايطيقش الحرام ..راجل مسش عايز يزعل ربنا منه..علاقاته التانيه..راجل قليل اﻷدب ومعندوش دين ..متجوز تلاته حاجه ..وعلاقاته التانيه حاجه
بص يا صديقى
اى ست غالبا بتكون صورة من والدتها، لو والدتها هى الزوجة الأولى، يبقى لازم تفهم اسباب تعدد زواج والدها علشان ما تلاقيش نفسك فى يوم من الأيام فى نفس موقف والدها لو السبب فى تعدد زوجاته انه ملقاش راحته فى بيته.
في أعرافنا مفيش أي مبرر لتعدد العلاقات تحت أي مسمى حتى لو شرعي
وتبرير دا بإنه أحسن من الحرام دا بحد ذاته يدل على بيئة سيئة
و إن والدها واخد الجواز جنس وسرير بدون أي إعتبارات أخرى
ومش العلة في زوجته الأولى لإنه تزوج تاني وهيتزوج رابع وهيطلق ويتجوز تاني
الناس دي بتبقى مرضى في الغالب وعايزين يثبتوا حاجة فقدوها فبيظهروا عكسها للناس
وتلاقيه عنده أمراض الدنيا
سواء جسدية أو نفسية أو خلقية
فدا نسب ميشرفش
ولكن البنت ملهاش ذنب بسلوكيات والدها
بس أبناء المعددين بيبقوا معقدين نفسيًا لإنهم نشأوا في مجتمعات بتبصلهم على إنهم حالة شاذة
وخصوصًا البنت بيكون عندها إحتقار للذات لإنها نشأت على إنها من المنافع
خلي بالك لو إرتبطت بيها هيكون مفهوم الإخلاص عندها مشوه
وخلي بالك كمان ولادك هيكون دا جدهم ( قريب من الدرجة الأولى )
اسأل عنها وعن أهلها كويس في المنطقة بتاعتهم وعلاقتهم بالجيران ايه؟
وفي مثل بيقولك خد المجنونة بنت العاقلين ولا تاخد العاقلة بنت المجانين
لان الطبع غلاب
وربنا يكرمك بالي فيه الخير
بعد الردود الجميله عرفت ليه عندنا عنوسه
متجوز 3 ؟؟ يابن الأيه ؟؟ ممكن تخليه يمضيلى على التيشرت ؟؟
بصراحه ردك جامد اوى انا مش أدر ابطل ضحك
لصاحب الموضوع زى ما الزملاء الأفاضل ردو عليك
يتجوز تلاته مش حرام بس غريب شويه فى مجتمعنا يعنى لازم تعرف ليه هو عمل كدا وهل العروسه دى بنت الزوجه الأولى لو كدا ليه انجوز عليها هل بسبب منها هى واسأل كتير على الموضوع دا
لكن علاقات تانيه طبعا مرفوض بلا نقاش
انا لو مكانك مش هكمل فى الموضوع احنا بندخل بيوت الزوج و الزوجه مش منفصلين ولا حاجه و بنلاقى مشاكل فى الشخصيه و تصرفات الاهل فما بالك ببيت مافيهوش راجل اساسا يعنى البنت اتربت فى عدم وجود راجل فى البيت مهما كانت الام فاضله برضه هتطلع البنت عندها مشاكل نفسيه بسبب النقطه دى خصوصا البنات بتتأثر فى المشاكل دى اكتر من الولاد
الإنفصال بين الوالدين أرحم و أكثر قبولًا من الموضوع دا
واللي بيقولول مش حرام مهو لو شحط عدى الخمسين إتجوز بنت عمرها 9 سنين ولا أصغر حتى مش حرام
بس لو واحد عملها هيبقى مجرم عرفًا وقانونًا ومفيش حاجة إسمها أحسن من الحرام !
مهو فيه مرضى بتشتهي الأطفال
ولو شحط من دول تقدم لبنتك وهيا لسه 4 إبتدائي -عشان أحسن من الحرام- هتفرمه تحت عجلات عربيتك
مهو حلال بس حلال محرم إجتماعيًا وجرم في أعرافنا واللي بيعمله شاذ عن العرف جايز ينفع لأهل الصحاري
لو الفتاة طيبة وفيها صفات الصالحات فلا تفرّط فيها. لا تلتفت لأمور لا دخل لها فيها ولا تتوقف عند زواج والدها بواحدة أو أكثر لأن هذا شيء يخصه هو، وإن كان فعل كذلك، فهو إنسان حر وفي كل الأحوال لم يخالف الشرع.
أحس من كلامك أنك تحبها وترى فيها شريكة حياتك، فاسأل نفسك بالله عليك من الذي ربّاها؟ هذه الفتاة التي أعجبتك دون غيرها أليست مرآة عاكسة لتربيتها وبيئتها؟ هل جلست مع أبيها وسمعت منه؟ هل دخلت البيت من بابه وتعرّفت على أهلها وإخوانها وأخواتها؟
يبدوا من كلامك أنك حتى الآن تقف من بعيد وتتحسس خطواتك، وهذا لن يفيدك في شيء. أشجّعك على خطبتها. تقدم واطلب يدها من أبيها وقابله وتعرف على أسرتها، فربما تحبهم جميعهم. إن خاب ظنك، فأنت لازلت في البداية، وإن وجدت ما يسرك فسِر على بركة الله..
خذ خطوة جادة وقابل أهلها، ودعك من كلام الناس، وتذكر أنه "من رأى ليس كمن سمع"
مفيش مشكلة إن الأب يكون إتجوز أكتر من مرة
أنا رأيي إقعد معاهم كلهم أكتر من مرة وإتأكد إن الأب كان بيقضي وقته في البيت وعادل بين زوجاته وإن أولاده وبناته من ضمن إهتماماته مش راميهم
وإتأكد إن الأب راجل مش تابع لزوجته أو مالوش لازمة في البيت غير الصرف مثلا ودا أهم حاجة في البيت المصري لازم تتأكد منها دلوقتي لأن واضح إن الرجالة قلت أوي في مصر
إقعد مع الأب والأم والبنت كتير هتعرفهم أكتر...