سؤال بخصوص شهادات قناه السويس

**حسام الغرباوي** · 14-09-2014 12:05 AM

حضرتك اول رد عليك وضحلك الموضوع بإستفاضة ...اكيد الناس مش هتعيد نفس الكلام

**na3m977** · 14-09-2014 12:23 AM

طبعا احنا كلنا صغيرين ومكناش موجودين وقت تفكير عبد الناصر فى بناء السد العالى بس الموقف مشابة الى حد ماء عبد الناصر خد وعد من البنك الدولى للتمويل ومع ضغط بعض الدول اللى متحبش الخير لمصر فلسع ولحس كلمتة السيسى اتعلم الدرس بدل ما يروح لعمو الخواجة ويبوس ايدة لا مصر فيها فلوس ممكن نعمل بيها القناة من غير منبوس الايادى فنعمل القناة ونحط ادينا فى ايد بعض ولا نبوس ايد الخواجة

**Bassem Youssef** · 14-09-2014 12:42 AM

افترض انك اشتريت شهاده ب 1000 جنيه

هتاخد 120 جنيه كل 3 شهور

يعني مش فلوس

يبقي تشتري شهاده بسعر اعلي

و طالما سعر اعلي ايه اللي يجبرك علي شهاده قناه السويس ؟

المشروع ملوش وش من قفا و لا عارفيين هيكلف كام و لا هيجيب كام

لو عايز شهادات خليك في شهادات البنوك الاجنبيه المحترمه

و ابعد عن البنوك المصريه لان الله اعلم بالظروف الايام الجايه

و ممكن تحصل حاجات لا تخطر علي بالنا زي الثوره كده

**khsalama** · 14-09-2014 01:09 AM

المشاركة الأصلية كتبت بواسطة باسم يوسف

افترض انك اشتريت شهاده ب 1000 جنيه

هتاخد 120 جنيه كل 3 شهور

يعني مش فلوس

يبقي تشتري شهاده بسعر اعلي

و طالما سعر اعلي ايه اللي يجبرك علي شهاده قناه السويس ؟

المشروع ملوش وش من قفا و لا عارفيين هيكلف كام و لا هيجيب كام

لو عايز شهادات خليك في شهادات البنوك الاجنبيه المحترمه

و ابعد عن البنوك المصريه لان الله اعلم بالظروف الايام الجايه

و ممكن تحصل حاجات لا تخطر علي بالنا زي الثوره كده

اولا 120 جنية دول في السنة مش كل 3 شهور.
ثانيا : بنك ايه الاجنبي الي بيدي عائد اكبر من 12% في السنة. علشان نفك شهاداتنا ونروح نحط فيه.
ثالثا : المشروع ليه وش وليه قفى بس انت الي مش شايفة ، وممكن مش عايز تشوف. براحتك!!!.
رابعا : اطمئن لن تحدث اي ثورات و بكرة احلا من النهاردة.

**Karim Alaa** · 14-09-2014 03:39 AM

حضرتك واضح انك ملكش خبره نهائى فى الشهادات يا استاذ باسم يشترى فى الحكومه احسن ملياااااااااار مره من الاجنبى الاجنبى بيحط نسبه من اافلوس فقط فى البنك المركزى فى بنك اسمه بنك الاعتماد كان فاتح فروع فى كل الدول العربيه و فلسع الدوله الوحيده الى كل المودعين خدو فلوسهم فيها كانت مصر :) ابقى جوجل بنك الاعتماد كده و اعرف ان كل جنيه مضمون
و حضرتك مصر تقول قناه السويس رغم ان كل الناس رديت عليك فى موضوع قبل كده ان ده ملوش دعوه بوش و قفا المشروع و مفيييييييييش بنك بيدى 12 فى الميه اعلى بنك اجنبى بيدى 11 يبقى ليه يشترى باقل ؟؟

**zorg** · 14-09-2014 09:04 AM

المشاركة الأصلية كتبت بواسطة atpo56a

معقول
8ردود من 176مشاهده مفيش حد حيشتري الشهاده مين قال أنا
يا ريت المشاركه حتي لو مش حاتشتري غيرك عاوز يطمئن

لو عايز تطمن روح اخطف رجلك للبنوك وابقى قابلنى لو عرفت تطلع انا كنت داخل وواخد رقم 584 وكان الشباك لسة فى 505 وكل شباك تقريبا بيتحرك رقم كل ساعة حاجة شلل بس الحمد الله ليا طرقى ودخلت عيطول وخلصت :)

**zorg** · 14-09-2014 09:09 AM

المشاركة الأصلية كتبت بواسطة باسم يوسف

افترض انك اشتريت شهاده ب 1000 جنيه

هتاخد 120 جنيه كل 3 شهور

يعني مش فلوس

يبقي تشتري شهاده بسعر اعلي

و طالما سعر اعلي ايه اللي يجبرك علي شهاده قناه السويس ؟

المشروع ملوش وش من قفا و لا عارفيين هيكلف كام و لا هيجيب كام

لو عايز شهادات خليك في شهادات البنوك الاجنبيه المحترمه

و ابعد عن البنوك المصريه لان الله اعلم بالظروف الايام الجايه

و ممكن تحصل حاجات لا تخطر علي بالنا زي الثوره كده

البنوك الحكومى اضمن من الاجنبى + كله خاضع للرقابة واشراف البنك المركزى + شهادات البنوك الاجنبية كنت مثلا لفيت السنة اللى فاتت على بنك اتش اس بى سى وكانوا بيدوا 9% تقريبا

**M.Elwan** · 14-09-2014 09:32 AM

المشاركة الأصلية كتبت بواسطة Karim Alaa

حضرتك واضح انك ملكش خبره نهائى فى الشهادات يا استاذ باسم يشترى فى الحكومه احسن ملياااااااااار مره من الاجنبى الاجنبى بيحط نسبه من اافلوس فقط فى البنك المركزى فى بنك اسمه بنك الاعتماد كان فاتح فروع فى كل الدول العربيه و فلسع الدوله الوحيده الى كل المودعين خدو فلوسهم فيها كانت مصر :) ابقى جوجل بنك الاعتماد كده و اعرف ان كل جنيه مضمون
و حضرتك مصر تقول قناه السويس رغم ان كل الناس رديت عليك فى موضوع قبل كده ان ده ملوش دعوه بوش و قفا المشروع و مفيييييييييش بنك بيدى 12 فى الميه اعلى بنك اجنبى بيدى 11 يبقى ليه يشترى باقل ؟؟

معلوماتك غلط لان فيه بنوك بالفعل بتدى 12 % وعلى الشهادات ال3 سنين كمان مش خمسة

بخصوص المشروع نفسة همو المفروض البنك لما بيصدر شهادات استثمار وعليها فايدة بالشكل ده ان البنك بيروح يستثمر الفلوس ويطلع مكسب لكن دلوقتى الحكومة حتقترض من البنك مبالغ شهادات الاستثمار دى. يعنى البنك مش حيقدر يستثمرها والفلوس دى حيتم ضخها فى اعمال حفر للقناة الجديدة واعمال تستمر 3 سنين على الاقل لحد ما القناة تشتغل
خلال الفرة دى المفروض البنوك حتدفع الفايدة منين وهى اصلا لم تتح ليها فرصة لاستثمار المبالغ ؟؟

**Ahmed abdkarim** · 14-09-2014 09:45 AM

الشهادة تهجيص من الدولة علشان تلم فلوس تسند بيها الاقتصاد وفى حالة انهيار الاقتصاد ملكش فلوس . لو انت مصدق الدولة واللى بيقوله النظام والحفر على الناشف والمشروع يخلص فى سنة اشترى بالفلوس كلها .

**Sherifmt** · 14-09-2014 03:09 PM

السلام عليكم انا مغترب وكنت في مصر اجازة الاسبوع الماضي سحبت معظم فلوسي من HSBC و اشتريت بيهم شهادات استثمار في مشروع قناة السويس ومبلغ كبير علشان واثق بفضل الله ان اللي جاي احسن لمصر ..... والي عايز يشتري يتوكل علي الله كل فروع البنوك الاربعة شغالة لغاية الساعة 6 مساء وعلي فكرة اول بنك جربت اشتري منه كان البنك الاهلي فرع البرج الرئيسي وكان قدامي انتظار 120 عميل سبته ورحت بنك مصر فرع الاورمان علي نفس صف مديرية امن الجيزة كنت العميل رقم واحد وخلصت في 10 دقايق ....طبعا كان معايا اولادي علشان يكونو فخوريين بالمشاركة محدش هيبني مصر غير المصريين واللي بيحلم البلد تتغير وهو واقف يتفرج من غير ما يشارك يبقي عمرها ما هتتفير من وجهة نظرة علشان سلبي وهيركز بس علي السلبية ..... يارب ترحمنا من اللي واقفين يتفرجو ويكسروا احلامنا ويسودوا بكرة للمصريين ....وبعدين في حاجة مهمة جدا وهي ان اللي بيحذر الناس من انها تشارك بيقول ان بكرة هيحصل بلاوي وايام سودة يا أخي اتقي الله عن أنس بن مالك رضي الله عنه قال: قال رسول الله صلى الله عليه وسلم: ((إن قامت الساعة وبيد أحدكم فسيلة فإن استطاع أن لا يقوم حتى يغرسها فليفعل)) ...........تحياتي من مكه (: