يا أما مؤيد يا أما أخوانجى ( بلاش كلام فى السياسة )

أستفزتنى كتير فكرة الشعب حاليا عن الحالة السياسية التي نعيشها ( أسف بلاش كلام فى السياسة مبدئيا )
لكن أنا بس إلى أتكلم فى السياسة :36_8_1[1]: و دى قمة الديمقراطية فى مجتمعنا
يعنى بمعنى أصح لما أعترض على الكهرباء و اقول انها بتقطع كتير
الناس بتقولى أصبر
رغم ان نفس الناس دى كانت بتقول الله يخربيتك يا مرسى لما كان النور بيقطع وانا كمان كنت بقول معاهم
يعنى معنى كدة اننا مش اخوانجى
دلوقتى لما اقول اية العطله دى دة احنا حالنا وقف و بسكت يعنى كلمتين و رد غطاهم
لأنى مقدرش اقول الله يخربيتك يا ( أستغفر الله العظيم يا رب يا رب يجيلى شلل نصفى قبل ما انطقها لحسن يعتقلونى )
الاقى نفس الناس بتقولى جرى ايه يا عم ما تصبر شوية حال البلد هيتعدل
فيها ايه لما نصبر
اقولهم يا جماعة حالنا بيقف و فيه ناس اصحاب محلات و بقالين و لبنانين معندهمش مولد كهربا
و المولد دلوقتى ابو 3 الاف بقى بعشرين الف هوا كده استغلال يعنى
يقولولى ما هما التجار بيسرقونا اقولهم طيب فين الرقابة ؟
يقولولى ماهو التجار دول زيك و زيى اقولهم طيب فين الرقابة ؟
يقولولى يا عم ماحنا بنسرق بعض أقولهم فين الرقابة ؟
يقولولى ماحنا المفروض نراقب بعض اقولهم لأ الدوله هيا الى تراقبهم و الحكومة طيب فين الرقابة ؟
يقولولى أنت أخوانجى :_Alshmokh11:
طيب انا مش اخوانجى ولا انا مؤيد لدرجة اننا الغى عقلى
طيب اعمل أية ؟
ليه دلوقتى الناس شايفة ان الى مش بيقول لا دة لمجرد بتقول رأى
بتبقى ارهابى واخوانجى و عميل و مش عايز البلد يتصلح حالها
بالرغم من انك يا اما بتكون كارههم لدرجة انك مش طايق تسمع اسمعمهم ادامك و لما يتقال انك كدة تحس انك هتولع فى نفسك
يا اما تكون مش عارف يعنى اية اخوانجى اصلا و مش عارف يعنى اية مؤيد
يعنى مالكش فى حاجة
اهم حاجة مصلحتك و مصلحتك دى مش انانيه على فكرة
مصلحتك دى بتعكس مدى احترام ادميتك كأنسان
كلامى غلط ولا صح ؟
و بلاش كلام فى السياسة :satelite:

كلام صحيح %100
و ده اللي بيحصل لدرجة إن ساعات بتخانق مع قرايبي بسبب الظاهرة الذبالة و لما تتكلم تبقي إرهابي و عدو الوطن
ربنا يرحمنا برحمته

حضرتك صح و خليك زى منتا مش لازم تبقى مؤيد لدرجه انك تعيش فى عذاب و تقول حلو و جميل ولا انت اخوانجى المشكله الحقيقه هى ان الاخوان طلعو فجاءه السما احساس عام بانهم خطر كبير متشعب اعلام معندوش ضمير ممكن يقولك الفرخه ماتت عشان الاخوان هما السبب ( افتكر بعد ما مبارك اتعزل او اتخلع :) كان فى ناس تطلع تلبسه كل شىء الى عيل عنده تاه و الى معرفش يربى فراخ :) كله كان بسبب مبارك )

فى حاله تحفز شديده جدا لان للاسف السياسه فكره محدش هيعرف يثبتها اكيد الاخوان بيلعنو فى السيسى دلوقتى و عاملين حجج كتير هتلاقى ناس كتير بتصنف على هذا الاساس و مش بس كده قدامنا جيران مؤيدين للاخوان لما بشتكى و بزعق مع محصل الكهربا يقولولى ليه خليه ياخد عشان خاطر السيسى :) يعنى مش بس الى مؤيد للسيسى بيتهمك لو اشتكيت لا المعارض كمان بيتريق عليك لو اشتكيت قال يعنى يا اما اوفق على كل شىء يا اما عايز مرسى :)
و فى النهايه حاله البرانويا دى جات لكل شعوب العالم قبل كده دور على الى كان بيحصل فى امريكا فى الخمسينات و الستينات و كميه الناس الى اعتقلت على انهم شيوعين من غير ذنب و الى جيرانهم اتهموهم انهم شيوعين بس عشان بينتقدو الحرب او الحكومه :)

فى النهايه انت صح و اول ميبقى فى امل كل ده هيتغير باذن الله يارب

اقتباس:

---

المشاركة الأصلية كتبت بواسطة karim alaa

حضرتك صح و خليك زى منتا مش لازم تبقى مؤيد لدرجه انك تعيش فى عذاب و تقول حلو و جميل ولا انت اخوانجى المشكله الحقيقه هى ان الاخوان طلعو فجاءه السما احساس عام بانهم خطر كبير متشعب اعلام معندوش ضمير ممكن يقولك الفرخه ماتت عشان الاخوان هما السبب ( افتكر بعد ما مبارك اتعزل او اتخلع :) كان فى ناس تطلع تلبسه كل شىء الى عيل عنده تاه و الى معرفش يربى فراخ :) كله كان بسبب مبارك )

فى حاله تحفز شديده جدا لان للاسف السياسه فكره محدش هيعرف يثبتها اكيد الاخوان بيلعنو فى السيسى دلوقتى و عاملين حجج كتير هتلاقى ناس كتير بتصنف على هذا الاساس و مش بس كده قدامنا جيران مؤيدين للاخوان لما بشتكى و بزعق مع محصل الكهربا يقولولى ليه خليه ياخد عشان خاطر السيسى :) يعنى مش بس الى مؤيد للسيسى بيتهمك لو اشتكيت لا المعارض كمان بيتريق عليك لو اشتكيت قال يعنى يا اما اوفق على كل شىء يا اما عايز مرسى :)
و فى النهايه حاله البرانويا دى جات لكل شعوب العالم قبل كده دور على الى كان بيحصل فى امريكا فى الخمسينات و الستينات و كميه الناس الى اعتقلت على انهم شيوعين من غير ذنب و الى جيرانهم اتهموهم انهم شيوعين بس عشان بينتقدو الحرب او الحكومه :)

فى النهايه انت صح و اول ميبقى فى امل كل ده هيتغير باذن الله يارب

---

كلام سليم، وزود على كل ده ان اغلب الناس بقت معندهاش اي نوع من الاخلاق. كل حاجة بقت بالفهلوة ومعظم الناس بقت بتسوق الهبالة والامبالاه وفكرين انهم كدة بيريحوا دماغهم من المشاكل، والكلام ده بقى ينطبق علي المؤيد والمعارض إلا من رحم ربي.

الظاهر هيفضلوا صابرين كتير لحد ما يلاقو نفسهم ف القبر او السجن