لكل اللي عندة سيراتو كوبية - افادة

**ahmed.magdy** · 13-09-2014 04:57 PM

السلام عليكم و رحمة الله و بركاته

انا مش هطول عليكو بس محتاج شوية اسالة محيراني و مش لاقيلها اجابة خالص..

اول حاجة هي السيراتو كوبية نازلة اول انتاج ليها سنة كام؟ و الشكل العادي بتاعها دا اخره سنة كام؟

طيب و ايه الفروقات بين الموديلات يعني مثلا الفرق بين ٢٠١١ و ٢٠١٢.

و تاني حاجة ليه معظم الكوبية اللي بيتباع موديل ٢٠١٠ و ٢٠١١ هم فيهم مشاكل؟

و اخر حاجة ياريت اللي عنده كيا كوبية يفيدني عشان انا ان شاء الله ناوي اشتري واحدة استعمال قريب و محتار
بس هسال ايه هيا عيوب العربية مثلا التكيف و سواقتها - الثبات و استهلاك البنزين..

و اسف على الاطالة

**Hosam_Optrawy** · 14-09-2014 03:00 AM

أول موديل كان 2010

في موديل 2011 نزل بعض التعديلات

فتيس 6 سرعات بدل 4 , الإشارات اللى في المرايات بقت أرفع , بعض الأوبشنز زادت

أخر موديل كان 2013

**Hosam_Optrawy** · 15-09-2014 12:08 AM

المشاركة الأصلية كتبت بواسطة ahmed.magdy

طيب تمام و انا شفت كيا كوبية النهارده الفوانيس الخافية ليدات ، دي نازلة مع انهي موديل فيهم.. بس انا متاكد انو مش عاملها تعديل عشان شفت كذا مرة سيراتو بنفس الفوانيس

و اخر حاجة كمان معلش ، ايه احسن موديل اثبت وجودة في كل حاجة ؟

الفوانيس الليد والشيفتات اللى في الطاره وغيرها من التعديلات الجديده نزلت من 2011 وما بعدها على ما أذكر

مفيش فرق بين 2011 و 2012 و 2013 ، بس خلى بالك اول دفعات من 2011 مكنش نزل فيها التعديلات لسه يعنى ممكن تلاقى 2011 الفتيس ال 4 سرعات و 2011 الفتيس ال 6 سرعات

هات 2011 بالتعديلات او 2012 او 2013 حسب ميزانيتك والأسعار اللى هاتلاقيها , مش مهم الموديل المهم الكيلومتر والحاله

**khaledazizeg** · 15-09-2014 03:46 AM

انا معايا كوبيه ٢٠١١ الفتيس القديم هيا عامتا ماتتوقعش اداء رياضي خالص منها عفشه من رأيي الشخصي غير جيده في المناطق الوعره ولو بتاخد غرزه علي الدائري وكان في عالي وواطي في الدائري مثلا هتحس انك هاتتقلب ومهما عملت معظم الاوقات هتظبط زوايا وتعمل زراجين ممكن يكون شكوتي في الثبات عشان كنت بركب عفشه الماني كان ثبات رائع بس هيا العربيه من جوا واسعه بصراحه واوبشن حلو دلع يعني من جوا
وبالنسبه تعرف ازاي النقلات هتلاقي الاربع سرعات الفتيس بتاعها عمود هتكون شايفه وعامل زي التعبان اما ال ٦ سرعات هتلاقيه الفتيس مغطي بجلد وفي زرار في الجنب
وسحب البنزين لو بتشد او مسافر وبتجري زفت حراقه بس دا ال ٤ سرعات الي اعرفه ان ال ٦ احسن