الموضوع: حصريا: فعلا غرقت في شبر ميه ...لك الله يا مصر...بالصور

أنا مش مصدقة عينية.. كل ده حصل النهاردة في مدينة نصر؟ :k20:

بصراحة مش متخيلة ان النهاردة يكون يوم شغل في وسط الأسبوع.. دي كانت هاتبقى كارثة.. بس اهي ممكن تحصل يعني ماهو الشتا لسه أصلا ما بدأش

شاءت الاقدار انزل وسط البلد بعد الجمعة على طول من مصر الجديدة لحد صلاح سالم مفيش مشكلة دخلت on the run وطلعت يادوب كام متر وبدأ المطر .. منظر غريب مش زى المطرة اللى بنشوفها قبل كدة المساحات على اخر سرعة مش ملاحقة تمسح المية من على الزجاج لدرجة فى ناس معرفتش تسوق من شدة المطر ركنت على جنب لحد ماتهدى شوية انا فضلت ماشى لحد نفق الازهر الشوارع هادية مفيش بنى ادمين فى الشارع شوية عربيات وخلاص دخلت النفق مكنش فية مشاكل طلعت الناحية التانية على وسط البلد شارع طلعت حرب وشامبليون والمنطقة دى الشوارع هادية ومنظمة .. من زمان بحب شكل شوارع وسط البلد بليل بعد الناس مابتنام والشوارع تفضى بحس ليها طعم تانى غير شوارع مصر الجديدة ومدينة نصر فى الاول مكنتش عارف السبب بس كنت احب الف فيها بليل النهاردة لما شوفتها بالنهار وهى فاضية ومع المطر حسيت الفرق بينها وبين شوارع مدينة نصر ومصر الجديدة
التخطيط المنظم بعيد عن العشوائية اللى بنشوفها هنا مفيش الشوارع اللى زى التعابين ماشية تلف يمين وشمال بتبقى واقف فى اول الشارع شاييف اخرة , سهل انك توصل المكان اللى انت عايزة عن طريق الاتجاهات حتى لو مش عارف الشوارع , البنية الاساسية للشوارع محترمة مفيش عالى وواطى والاشكال الغريبة اللى بنشوفها فى الاسفلت هنا , غير المرور نوعا ما منظم عن هنا ... باختصار الفرق بين التخطيط الانجليزى والمصرى !!
المهم خلصت المشوار وبدأت رحلة العودة .. وسط البلد كويس ثم نفق الازهر مفيش مشكلة باستثناء بوكس شرطة كان ماشى على مهلة والعربيات كلها ماشية وراة ومحدش بيعدية مش فاهم اية السبب المهم شوية انوار وكلاكسات وعديت وسيبتهم ورا البوكس :) .. العذاب بقى بدأ من كوبرى السيدة عائشة عذااااب .. الطريق واقف تماما قلت يمكن صلاح سالم غرق ومش عارفين يطلعوة , بعد شوية عناء دخلت يمين علشان اطلع على الاتوستراد " كنت فاكر نفسى ناصح " طلع العن واقف تماما تحت منزل اكتوبر على الاوتوستراد كان عبارة عن بسين مش شارع العربيات كانت بتعوم و طبعا العربيات القديمة بدأت تتكوم كل شوية ضحية , شكل الاتوستراد كان غير مطمئن قلت ادخل يمين من عند جامعة الازهر واحاول ادخل مدينة نصر من جوة شوية يمكن العملية تكون اهدى شوية .مفييييش فايدة كل الشوارع برك كل الشوارع واقفة كل الشوارع فيها بيسينات المهم بعد عناء ساعتين او اكتر كمان قدرت اوصل من صلاح سالم ناحية مشيخة الازهر لحد البيت فى مصر الجديدة !!!!!! وتحيا مصر حرة مستقلة :S

المشاركة الأصلية كتبت بواسطة nohaesmat

يا جماعة بلاش نهار أسود دى ..... الكلمة دى حرام

طيب بلاش حرام.. خليها مكروهة باجتهاد من أحد العلماء.. انما حرام دي كلمة كبيرة اوي يعني.

المشاركة الأصلية كتبت بواسطة nohaesmat

يا علا فى حديث قدسى تقريبا أنا مس فاكراه أوى الصراحة ربنا بيقول فيه فيما معناه "لا تلعنوا الدهر فأنا الدهر" و الله أعلم

انا مش قصدى أفتى على العموم احنا مش فى مجلس فتوى هنا

فعلا احنا مش في مجلس فتوى هنا :)

عموما الكلمة طلعت من "جون" عفوية و ما تستاهلش ده كله :)

المشاركة الأصلية كتبت بواسطة marsguy

النهارده شفت أشد مطره في حياتي، أنا كنت سايق في صلاح سالم عند الكليه الحربيه ورايح على عمارات العبور وكنت فاتح فتحة السقف وآخر روقان، هوب لقيت نقطة مطر من النوع اللي بيوجع نازله على دماغي وبعدها لقبت براميل ميه نازله من فوق، بجد ما كانتش قطرات دية كانت أقرب إلى جرادل ميه بتتدلق على دفعات.

قلت رحم الله إمرئ عرف قدر نفسه ورحت راكن في شارع جانبي عند مدرسة مصر الجديده الثانويه بنات وشغلت الإنتظار وبجد من كتر المطر وصوته أنا فعلاً خفت وما كنتش عارف إيه اللي ممكن يحصل تاني، ودعيت ربنا إن ما ينزلش برد بتسكين الراء بس شويه ولقيته نازل يرخ وكنت خايف قزاز العربيه يتكسر بجد. بس الحمد لله ربنا سترها ووصلت البيت بعد ما وقفت 3 مرات زي دول.

غريبة اوي ان ده كله حصل في مدينة نصر و بالقوة دي.. اشمعنى يعني؟