جاري طفشنا وهنسيب الشقة عايز رأيكم ياخبراء العقار
السلام عليكم ورحمة الله وبركاته
هخش في الموضوع بلا مقدمات
أنا واخد شقة ملك , و طفشت من جاري اللي ساكن فوق
لو كان عليا أنا بحط دماغي على المخدة وأنام للصبح
بس المشكلة مراتي مبتعرفش تنام من الإزعاج و دا بيخليها متوترة طول اليوم
وكلمته بالذوق و باللين و الرجل يبدو إنه ملوش سيطرة على ولاده وخصوصًا إنه مسافر لإنه عسكري فبيقعد يوم وأسبوع في الشغل
فأنا قررت أغير سكني لإني مليش في المشاكل وكمان مش حمل تفكير في هم إضافي
ولا عارف أتحمل الجو المشحون في البيت وإبتديت أتوتر أنا كمان
فدورت تاني من جديد على عقار مناسب بس يكون بيت
عشان أرتاح من كل مشاكل الأملاك المشتركة
والمشكلة كل الفلل والدبلكسات نار و كمان مش متقفلة كويس وتصميمها مش عاجبنا
فعايز أبيع الشقة وأشتري أرض أبنيها
هيفيدين في السعر والتصميم
المشكلة إن الأراضي هنا غالية جدًا
فبفكر أشتري أرض بالإشتراك مع شريك ونبنيها مع بعض دبلكسين دور واحد فقط
بس عشان تعمل كدا في السعودية وخصوصًا المنطقة الشرقية لازم تكتب قطعة الأرض كاملة بإسمك أو بإسم الشريك
وتبني الدبلكسات بعد ماتخلصهم خالص تعمل ( فسح بناء ) ووقتها بس هيبقى فيه عقدين لكل دبلكس عقد وكل واحد ياخد نصيبه
فعايز أخد رأيكم في القصة اللي بفكر فيها دي لإني مش مركز وذهني مليان مشاكل
إزاي أضمن الشريك بضمنات قوية
سواء كانت الأرض بإسمي أو باسمه
إيه الضمات اللي تضمن حقوق الجميع لحد مايطلع العقد
أكيد هشوف محامي بس عايز أخد فكرة قبل أي حاجة وقبل ما أخاطر