مشكله فى السيراتو 2015 ارجو المساعدة

**ahm.mega007** · 14-09-2014 03:39 AM

يا جماعه الاول عاوز اقولكم انى العربية ماشية 180 كيلو متر لسة مكملتش بيها انهردة بدوس فرامل وبكبس كدة سمعت زى صوت طقطقة كدة الى هيا لما بيبقا فى حد فى عربية مستعمله يدوس فرامل او رافع فرامع اليد وحد بيزق فيها ثوانى او الى بيبقا واقف فى مطلع ممكن حد يفدنى بصوت الطقطقة دا ضرورى او حد يقولى حصلت معاه او دة عيب صناعه او دى حاجه عادية ياريت المساعده ضرورى بس دى استحالة عافشة ............ او حاجه مفككه غريب صوت الفرامل فى الكبس بحس انى جسم العربية كمان بيعمل زى صوت تزيقة كدة .............؟

**ashouhdy** · 14-09-2014 03:42 AM

اعتقد انك بتوصف صوت ال abs و دة طبيعي

تخس ان الفرامل بترعش او تكتكة بسرعة ورا بعض

Sent from my SM-C115 using Forum Runner

**mac os** · 14-09-2014 04:06 AM

قولهم عليها فى ال صيانه

**Yosef_azab** · 14-09-2014 04:18 AM

قولهم عليه في الصيانة عشان أنا مابسمعش صوت زي كده عندي خالص

**Dr . Mohamed** · 14-09-2014 12:57 PM

الصوت دا بتسمعه لما تدى غيار و تبدأ تتحرك ؟

**Mohamedjetta** · 14-09-2014 01:13 PM

المشاركة الأصلية كتبت بواسطة ahm.mega007

كلامك صح بس انا بقولك بدوس فرامل كبس على السلانسية كانك واقف فى اشارة وبلعب بلفرامل كدة انا بسمع صوت غريب بقا بتكون واقفة مش ع سرعه يعنى بس صوت كبس تقيل شويه حاجه بتعمل صوت ف جسم العربية تحت

حضرتك انا بسمع الصوت عندي في الالنترا hd لما بكون واقف في اشارة ومش دايس فرامل كويس يعني لو دايس نص الفرامل بسمع برضو صوت غريب بس لما بدوس علي الاخر مش بسمع صوت
جرب وقولي ... تحياتي

**ahmed hasanin** · 14-09-2014 03:16 PM

الصوت ده فى اى عربية جديدة عشان التيل بيبقا لسه بحالته ومطبعش مع الاستخدلم بيتاكل شوية وبيقل الصوت انا معايا سيراتو 2015 فى السعودية وبرده اول ما اخدتها مشيت 5 كيلو وسمعت الصوت وبعدين سألت عليهم فى التوكيل فى صيانة 1000 المهندس قالى عاى جديدة وموجودة فى كل السيارات بنسب وانا مهندس ميكانيكا فاقتنعت لان مع الاحتكاك لازم يصدر صوت لما بتشيل رجلك وانت حاطط d متقلقوش يا شباب ونصيحة متخليش التوكيل يلعبلك فى العربية ويفككك فيها وهى لسه جديدة الا لو ظهرتلك مشكلة كبيرة

**Ahmed redaa** · 14-09-2014 03:20 PM

ده صوت طبيعى عشان لسه العربيه جديده - التيل بيطبع مه الطنابير -

**hi_nmr** · 15-09-2014 02:39 AM

باشا الصوت ده طبيعي متقلقش دا بيكون في العربيات الاوتوماتك وبيكون ناتج عن احتكاك الطنابير بالتيل ببطء
ياعني لو واقف في اشاره او بتركن وكده لكن وانت ماشي بسرعه مش هيطلع
انا عربيتي بقالها 3 سنوات والصوت ده فيها عادي حتي بعد ما تغير التيل وفي اي عربيه اوتو هيطلع برضو
متقلقش ده صوت طبيعي 100%