سؤال مخليني اتردد في الشراء
هل تغيير لمبة الفانوس من 55/60 وات إلي 140/100 وات مثلا يخلي بلاستيك الفانوس يسيح لانه مش هيتحمل الحرارة من اللمبة الجديده
ولا الكلام ده مش صحيح
سؤال يحتاج المناقشه؟
عرض للطباعة
سؤال مخليني اتردد في الشراء
هل تغيير لمبة الفانوس من 55/60 وات إلي 140/100 وات مثلا يخلي بلاستيك الفانوس يسيح لانه مش هيتحمل الحرارة من اللمبة الجديده
ولا الكلام ده مش صحيح
سؤال يحتاج المناقشه؟
محدش قادر يفيدني في الموضوع ده
طب محدش ركب لمبه اقوي والفانوس الاصلي بتاعه باظ او اصفر او بلاستكه نشف؟!؟!؟!؟
نفس الكلام
متابع
موضوع يسيح ده يتوقف علي تصميم الفانوس نفسه و الخامات المصنوع منها فمثلا لو الفانوس كبير و زجاج يبقي ممكن يستحمل فرق درجه الحراره اما لو الفانوس صغير و بلاستيك ضعيف يبقي ممكن مع الوقت يتأثر و لونه يتحول للاصفر من الحراره اللي طالعه و من الشمس فالخامات المستخدمه بتفرق قوي و كمان لو كان الفانوس اصلي و لا تقليد برضه بيفرق. هو بس المفروض حضرتك تفكر الاول في حاجه تانيه و هي انك علشان تجيب لمبات اكبر كده في الاغلب هتحتاج كتاوت و لعب في الضفيره و لذلك الافضل تدور علي حاجه نفس الوات بس تكنولوجيا اعلي و بالتالي إضاءتها اقوي زي الاوسرام نايت بريكر بلس و الحاجات اللي زيه دي نورها بيبقي اقوي من الاصليه و بيفرش قدامك فبيكشف الطريق و في نفس الوقت ما بيحتاجش كتاوت و لا حاجه و لا ليه دعوه بالضفيره و لا هيسخن الفانوس و لا حاجه و بعدين المرور ما يقدرش يكلمك عليه و ده يعتبر حل وسط كتكلفه و تحسين الاضاءه بالليل
كلام جميل جدا اجيب اللمبات دي من فين ؟
واتأكد ازاي انها مش مغشوشه؟؟ وخصوصا بعد ما قرأت الموضوع ده
http://www.nilemotors.net/Nile/359770-a.html
انا عارف الموضوع اللي حضرتك أشرت اليه ده و لذلك قلت لحضرتك في التعليق السابق ان ده حل وسط لانه احسن من الفابريكه و اقل و ارخص بكتير من الزينون طبعا و بعيد عن مشاكله كمان يعني ينفع حد بيدور علي حاجه معينه زي تحسن نسبي بتكلفه قليله و بالتالي لازم تكون بتقارن مع لمض الفابريكه مش مع الزينون اللي اكيد اقوي بكتير. يعني مش هتاخد اضاءه الزينون من اللمبات العاديه علشان بس تحط سقف للتوقعات بتاعتك و تقدر تختار بطريقه سليمه
ممكن كمان تبص علي الموضوع ده و هو عن ال osram night breaker unlimited و الموضوع جديد و تشوف اراء الناس فيها
http://www.nilemotors.net/Nile/44082...unlimited.html
شكرا علي اللينك ده
بس بعد ما سالت الناس اللي بتورد نوع اللمبات دي (بتدي اضاءة 110%)
فعلا اللمبات دي عمرها بيكون اقل من العادية لأ وبيقل عمرها بان اضاءتها بتضعف مش انها بتتحرق
يعني لفيت ورجعت لنفس النقطه
وخدت القرار اني اعلي الوات بتاع اللمبات لكن يفضل نفس السؤال
هل الفانوس هيسيح ولا لأ؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟
لو فانوس العربية أصلي مفيش قلق نهائي أنك تغير اللمبة لواط أعلى ....... وافضل حل علشان تحافظ على الفانوس من اﻹصفرار خصوصا لو كان بلاستيك تروح لحد بتاع كماليات زي إبراهيم اللي في دمشق وتلزق علية لزق ابيض شفاف اسمه فنيل اللزق ده هايييييل بيحافظ على الفانوس من الشروخ والاصفرار
هسأل عليه وعموما شكر علي المعلومه
دهيسحب امبير اعلي ويسخن الفانوس ويحمل ع السلك و الفيوز