حد يلحقنى المكنة شكلها راحت

جيت ادور النهاردة مرة واتنين بسمع صوت تكة والعربية مابتدورش دورت تانى دارت بس صوت عالى او وبتترج جامداوى وصوت تخبيط من جوة.

بطلت ومش عارف اعمل اية بس هجيب ميكانيكة يبص عليها.

انا كنت مغير سير كتينة وبلية وطرمبة مية وزيت وفلتر من شهر خمسة اللى فات ومعملتش 3الاف كيلو بالعربية

شاكك فى البوجيهات بقالها سنة ونص (8 الاف كيلو) لان البوجيهات دايما وانا بغيرها بتطلع مهببة.
(ممكن البوجيهات والسلوك تعمل الحوار دة ولا لاة)

طرمبة البنزين لو ضعيفة تعمل كدة ولا لاة

الموبينة لو ضعيفة تعمل كدة ولا لاة

ولا المكنة خربت وصبابات وحوارات

مع العلم بقالها يعنى فترة كنت ساعات تبرجل الصبح بس10ثوانى وبعدين تظبط وساعات لاة وساعات تانية كنت بسمع صوت زى خرفشة او كاجة بتخبط على بسيط وبتروح .

واخبار طرمبة الزيت اية

ربنا يسترها عليك وعلينا

مفهمتش اعمل اية

للاسف شاكك فى انقطاع سير الكاتينة ومحاولة الادارة اكتر من مرة

متابع

مش لو سير كاتينة مقطوع ماكنتش دارت وبعدين السير قطع وهى راكنة يعنى امبارح كانت كويسة ومروح بيها عادى وراكن عادى اتقطع وهى مركونة

ربنا يسهل ﻻنى رحت الشغل ماشى

طالما فيه تخبيط فى المكنة من جوا ومش قادر تحدد العيب منين

يبقى الافضل تجيبلها ميكانيكى يا باشا ومتحاولش تدور او تمشى بيها

وان شاء الله تكون حاجة بسيطة

اول ما روحت فتحت الغطا بتاع الكاتينة والحمد لله لقيت السير سليم وانا بدور ﻻحظت ان طلمبة البنزين مبتزنش شيلت الكنبة وخبطت خبطتين دارت كويس وابتدت تتهز تانى المهم دورت وفتحت كونتاك لقيت الطلمبة ملهاش صوت خبطت اشتغلت وفكيت ااخرطوم اللى رابح للفلتر لقبت بنزين ضعيف اوى كدة طلمبة بنزين وﻻ ايو ولو هى اجيب نوع اية وﻻ ممكن اجيب موتوتور ليها

الحمد لله بعد الخبط والرزع على الطرمبة المكنة جارت تقريبا طبيعى وللميكانيكى شافها قالى الطرمبة ضعيفة وهات واحدة تانية رايكوا اجيب اية والسعر

اصلي ب 680 جم

هي الاسعار مالها ولعت كده هي الطلمبه مش لسه من فتره بسيطه كانت ب 500

كلة ولع ياصديقى
فية ب 380 كورى كويسة
وشوف جيب الموتور بس لطرمبة فى حدود 150 جنية احسن ماتكلف نفسك طرمبة كاملة دة لو سليمة

روحت النهاردة لقيت الصينى ب180 واﻻصلى ب500 وعند واحد سالتة قالى عندة كورى ب390 المهم لقينها محفور عليها kafus والعلبة من برة عليها استيكر gmالمهم مالقيتش فرق بينها وبين اﻻصلى وجيبتها ولسة هركبها وجيب بوجيهاتngkب40 وفلتر بنزين ب35 وجوان غطا تاكيهات ب10