زوجتى خبطت عربية جارى

**أسامه الحسيني** · 14-09-2014 09:27 AM

الموضوع بأختصار ان مراتى اتصلت بيا وانا فى الشغل بتقولى انها وهى راجعه بالعربيه ورايحه على شغلها خبطت عربية جار لينا وحسب وصفها انها كسرت الزجاج الجانبى الخلفي وعجنت الباب المهم قلتلها ما ينفعش تسيبي ورقه وتكتبي عليها رقم تليفون لان كدا ممكن حد يسرق العربيه المهم سابت رقم تليفونى مع بتاع الامن واكدت عليه انه ما يسبش العربيه لغاية ما صاحبها يجي
انا بصراحه متوقع انه يتصل بيا ويخش فيا شمال وانا عذره بس على كلا انا هاقوله انا هتحمل كل مصاريف الاصلاح ولو عاوزنى اخدها اصلحالك وارجعاله تانى انا مستعد - مش كدا ابقي اتصرفت صح ولا اعمل ايه

**omar101970** · 14-09-2014 09:33 AM

يا ريت انتا بنفسك تحاول توصله او على الأقل تكلمه على موبايله وتحل الموضوع بسرعه
انتا مش عارف بتاع الأمن دا هل فعلا حايخلى باله من العربيه و لا حايكبر

**amr011111** · 14-09-2014 09:39 AM

طبعاً حاول تصلحله العربيه كأنها عربيتك لانه مش ذنبه الخساره اللى هيدفعها لو هيصلحها على حسابه واحتمال تكون فريقه وحتى لو اتصلحت يبقى هوه زعلان برضه فحاول تراضيه

**أسامه الحسيني** · 14-09-2014 10:53 AM

الحمد لله اتصل بيا وراضيته على قد ما قدرت وهوا قدر الخسائر بـ 1000ج قلتله لما اروح هعدى عليك الفلوس ولو اتكلفت اكتر من كدا انا تحت امرك
وربنا يسترها علينا جميعا