الكيا سيراتو 2015 كلها مشاكل

**Hunting_Eagle** · 14-09-2014 02:20 PM

انت جيت عند اقل عربية الناس اشتكت منها و بتقول كلها مشاكل ؟!

**Ahmed redaa** · 14-09-2014 03:02 PM

مشاكل ايه ياباشا - ادخل على العربيات التانيه وانت تشوف البلاوى بعينك - دى اقل عربيه ظهر فيها عيوب

**houseiny** · 14-09-2014 05:33 PM

باشا انا صاحبي معاه سيات التيا اكس ال 2012 وغير الفتيس مرتين ، وصاحبي تاني معاه سكودا اوكتافيا فانتازيا 2012 عنده مشاكل في الفتيس لدرجة انه كره العربية والعربية ضيقة جداً من الخلف لدرجة انه معاه عربية تانية كورولا راكن الاوكتافيا وراكب الكرورلا 2012 ، واحد تاني معانا في الشغل معاه بيجو 301 مش مرتحالها بالمره بيحب عربية مراته الفيرنا اكتر منها ، كل العربات الجديدة بقت فيها حوارات ، مش السيراتو بس ، عشان منكونش متحيزين لماركة معينة او موديل معين سواء اقتصادي او متوسط كله بقي فيه مشاكل ، حتي المرسيدس 1600 سي سي كل الناس اشتكت من الفتيس الدوال كلتش ، والبي ام 316 ناس كتير مالقتش منها الاداء المنتظر منها وناس كتير قالي زيها زي الكوري في الاداء مع الاختلاف في استهلاك البنزين وراحة الصالون والثبات شوية عن الكوري ، دلوقتي في مصر يا تركب عربية فوق ال400 الف عشان تكون راضي عنها بنسبة كبيرة وتشيل بقي في قطع الغيار ، يتصبر على اللي معاك لان كل الشركات تقريباً بقت تكنولوجي متقارب ، كيا بتشتري تطنولوجي من بي ام ، ونيسان ورينو بقوا واحد ومازدا وفورد بقو واحد وكل الشركات بقت بتعمل تكتلات دلوقتي عشان تواجه السوق ، الكوري بقي بيتجمع في اوروبا والياباني بقي بيتجمع في تركيا وتايلند والهند وغيره وغيره

**memo_zezo** · 14-09-2014 09:02 PM

انا معايا في السعوديه سيراتو 2014 والتكييف في عز الحراره مابتكون 48 قسما بالله 48 ببقي مشغله علي تاني درجه من برودته وكان. معايا قبلها رينو فلوانس ومازدا 6 وشيغرروليه لومينا ووالله ملقتش تكييف افضل منها والفرامل من احسن مايكون ومفيهاش اي مشاكل نهائي وموضوع العزل اللي عند الرجلين ده مش هتحس بيه الا لو ماشي مسافه طويله يعني بعد ساعه او ساعه ونص مشي متواصل ممكن تحس بيه والشباب كتبوا حله انك بتعزله وخلاص وكلها امور بسيطه انا بامانه ربما مش شايف عيب في السيراتو حتي هنا انتشرت بغباء وبقت تاكسيات ماليه الارض فاهم يعني ايه تاكسيات في السعوديه???!!!! يعني عربيه بتشتغل ليل ونهار في جو غير طبيعي وانتشرت جدددددا في وجود وحوش زي الكامري والسوناتا والاوبتيما
اكيد مشاكلك مشاكل فرديه والمشكله موضوعك بيتفهم غلط وممكن يخدع ناس كتير كانوا ناويين عليها وبسببك ممكن يروحوا لحاجات تانيه مشاكلها بلاوي في فتيس او موتور او غيره

**ahm.mega007** · 14-09-2014 10:56 PM

المشاركة الأصلية كتبت بواسطة dr . Mohamed

الموضوع مش عارف ليه كدا حاسس انه عشوائى جداً
حضرتك بتقول اللى بيشتكى من حرارة اه فيه ماسورة مش معزولة بس مش هتحس بيها أصلاً غير لما حد يقولك عليها ، أنا محستش بسخونة غير لما قريت الموضوع دا فى نايل موتورز
صوت فى الكونتاكت دا عيب فردى محصلش غير مرة واحدة بس
التكييف فى العربية دى من أفضل ما يكون و بلا مبالغة روعة فوق الوصف و مرة قريت عيب فردى برضه واحد اشتراها خليجى و كان فيها عيب و سربنتينه التكييف و دفع من جيبه علشان مفيش ضمان
مشكلة حضرتك مع الفرامل ايه هى ؟ أنا مش لاقى وصف يقدر يخلينا نساعدك
لكن على العموم اى مركز صيانة تابع للتوكيل بإذن الله يحللك المشكلة بسهوله جداً
العربية فى وضعها الطبيعى فراملها ممتازة جداً و مٌرْضِيَة للغاية ، و وقت الجد هتلاقيها

منا فاهم حضرتك بس الكونتكت لسة بيعمل معايا كدة انا هقولهم ف التوكيل

**J A G U A R** · 14-09-2014 11:44 PM

مفيش عربيه خاليه من المشاكل
وكمان دى مش مشاكل مقارنه بالاوروبى مثلا

**wedagad** · 15-09-2014 12:54 AM

المشاركة الأصلية كتبت بواسطة ahm.mega007

انا لاحظت يا جماعه الناس إلى اشتريت العربيه كلهم بيشتكو من عيوب المصنع إلى بيشتكى من حرارة صوت ف الكونتكت وتكيف وانا شخصيا اشتكيت من الفرامل بجد حورات رخمه اوى فنصيحه إلى يشترى سيراتو 2015 يفحص فيها كاملا حتى لو ماشيه كيلو عن تجربه

اسمح لي كلام حضرتك غير منطقي بالمره....قولي ليه؟ الموضوع مايتحسبش كده الموضوع يقاس بمدي مبيعات السياره مع مدي الشكوي منها مثلا روح ضمان توشيبا العربي تحس ان كل الناس حاجتها بايظه ولكن السبب ان مبيعاته كتير جدا .يعني مش معني ان 100 عربيه ظهر فيهم بعض العيوب ان الموديل كله مش تمام ده مش مظبوط ....الحمد لله انا معايا سيراتو 2015 توب لاين خليجي عامله 2800 كم الحمد لله ولا اي حاجه من الحاجات اللي بقراها الناس بتشتكي منها لدرجة ان موضوع الحراره ده قولت هكتشفه وانا مسافر مطروح لكن الحمد لله مالوش وجود اذا الموضوع مشاكل فرديه

**ahm.mega007** · 15-09-2014 01:45 AM

المشاركة الأصلية كتبت بواسطة wedagad

اسمح لي كلام حضرتك غير منطقي بالمره....قولي ليه؟ الموضوع مايتحسبش كده الموضوع يقاس بمدي مبيعات السياره مع مدي الشكوي منها مثلا روح ضمان توشيبا العربي تحس ان كل الناس حاجتها بايظه ولكن السبب ان مبيعاته كتير جدا .يعني مش معني ان 100 عربيه ظهر فيهم بعض العيوب ان الموديل كله مش تمام ده مش مظبوط ....الحمد لله انا معايا سيراتو 2015 توب لاين خليجي عامله 2800 كم الحمد لله ولا اي حاجه من الحاجات اللي بقراها الناس بتشتكي منها لدرجة ان موضوع الحراره ده قولت هكتشفه وانا مسافر مطروح لكن الحمد لله مالوش وجود اذا الموضوع مشاكل فرديه

ع العموم ربنا يبركلك فيها بس نصيب بقا الحمدلله انا عارف أنها ممتازة طبعا ولكن انا موسوس العيوب قلقانى بس مش اكتر

**ahmed.teawater** · 15-09-2014 01:54 AM

المشاركة الأصلية كتبت بواسطة bakkarahmed

مشاكل !!!!
اركب اﻻوروبي واستخدمه فتره واتفرج علي مشاكله ...

اخى الكريم كل سياره لها ما لها وعليها ما عليها الكمال لله وحده
والسيراتو عربيه محترمه والمعروض الكتير منها للبيع ده ميأثرش ف سمعه العربيه
واكيد هناك فروق بين الاوربى واليابانى والكورى
مع كامل احترامى لرأى حضرتك