الكيا سيراتو 2015 كلها مشاكل

**ahm.mega007** · 14-09-2014 10:15 AM

انا لاحظت يا جماعه الناس إلى اشتريت العربيه كلهم بيشتكو من عيوب المصنع إلى بيشتكى من حرارة صوت ف الكونتكت وتكيف وانا شخصيا اشتكيت من الفرامل بجد حورات رخمه اوى فنصيحه إلى يشترى سيراتو 2015 يفحص فيها كاملا حتى لو ماشيه كيلو عن تجربه

**Abouelela** · 14-09-2014 10:33 AM

مع أن الشكل القديم أحسن بكتير وماكانش تقريبا فيه مشاكل ..
غير في الإكصدامات الضعيفة وإللي بتتخلع بسهوله
أنا معايا 2012 .. وبسم الله ماشاء الله ..
وأظن كمان شكل الشبكة غبي قوى .. بأتكلم علي السيراتو .. لآن الشبكة شكلها كويس بالنسبة للريو ..

**shifoo68** · 14-09-2014 11:16 AM

المشاركة الأصلية كتبت بواسطة ahm.mega007

انا لاحظت يا جماعه الناس إلى اشتريت العربيه كلهم بيشتكو من عيوب المصنع إلى بيشتكى من حرارة صوت ف الكونتكت وتكيف وانا شخصيا اشتكيت من الفرامل بجد حورات رخمه اوى فنصيحه إلى يشترى سيراتو 2015 يفحص فيها كاملا حتى لو ماشيه كيلو عن تجربه

انا ملاحظ وبقالى فترة ان السيراتو 2014 و2015 كمان بيبعوا مستعمل كتير قوى مع كليو مترات قليلة قوى وفئات عالية ممكن تكون اعلى فئة مش عارف اية السبب وبتكون خليجى كمان زيها برضة زى اكورولا الجديدة كلة بيبع ليةةة محدش بيقول الحقيفية

**Mohamedjetta** · 14-09-2014 12:17 PM

ممكن تشرح ايه المشكله اللي في الفرامل

**DEVIL333** · 14-09-2014 12:20 PM

انا معايا 2015 عربية محترمة جدا

**DEVIL333** · 14-09-2014 12:27 PM

حضرتك لو العربية فيها مشكلة انتا بتبلغ التوكيل فى اول صيانة و هوا هيعملها

**Dr . Mohamed** · 14-09-2014 12:53 PM

الموضوع مش عارف ليه كدا حاسس انه عشوائى جداً
حضرتك بتقول اللى بيشتكى من حرارة اه فيه ماسورة مش معزولة بس مش هتحس بيها أصلاً غير لما حد يقولك عليها ، أنا محستش بسخونة غير لما قريت الموضوع دا فى نايل موتورز
صوت فى الكونتاكت دا عيب فردى محصلش غير مرة واحدة بس
التكييف فى العربية دى من أفضل ما يكون و بلا مبالغة روعة فوق الوصف و مرة قريت عيب فردى برضه واحد اشتراها خليجى و كان فيها عيب و سربنتينه التكييف و دفع من جيبه علشان مفيش ضمان
مشكلة حضرتك مع الفرامل ايه هى ؟ أنا مش لاقى وصف يقدر يخلينا نساعدك
لكن على العموم اى مركز صيانة تابع للتوكيل بإذن الله يحللك المشكلة بسهوله جداً
العربية فى وضعها الطبيعى فراملها ممتازة جداً و مٌرْضِيَة للغاية ، و وقت الجد هتلاقيها

**spidars** · 14-09-2014 01:20 PM

معظم المشاكل في الخليجي انا معايا الوكيل هاي لين مفيهاش اي حاجه من الي حضرتك بتتكلم فيه

**echo7** · 14-09-2014 01:30 PM

أكيد الي معاه خليجي وبتظهر مشكله بيبعها لان معهوش ضمان ومصاريفها غاليه . انا شفت عربيه خليجي ماشيه 3 الاف كيلو و معلقتش نمر ومعروضه للبيع علي 150 فيها كل حاجه ما عدا abs