السلام عليكم ..
رخصة العربية إتسحبت ع الفاميه و قالولي ان لازم العربية تخش فحص و بعدين أدفع المخالفة و اخد الرخص ..
محدش يعرف تكلفتها كام ؟؟
عرض للطباعة
السلام عليكم ..
رخصة العربية إتسحبت ع الفاميه و قالولي ان لازم العربية تخش فحص و بعدين أدفع المخالفة و اخد الرخص ..
محدش يعرف تكلفتها كام ؟؟
up ..
المفروض بتدفع غرامه من غير ما تدخل فحص
دي كانت كده في القديم .. كانت فورية 50 جنيه .. بس الجديد دلوقتي بيقولو فيه فحص .. على كل انا نازل دلوقتي المرور و ربنا يسهل ..
المهم التطبيق على الجميع - جميع السرقات التى تكون بواسطه سياره تكون العربيه متفيمه
ولو الموضوع فى يدى يتم مصادره اى عربيه متفيمه
لان التفييم يستخدم بنسبه 99% بخطا
الغرامة 500 جنيه .. و لازم العربية تدخل فحص ..
و آقل غرامة في القانون الجديد 500 جنيه ..
و ياريتها فعلا بتطبق على كلوو .. الظباط بيفيموا 2 الترا بلاكـ فوق بعض .. بس عادي بقا دول بشوات .. !!
ولا ياريتهم حتّى يخلوها بدرجة معيّنة .. ولا حتى يسمحو ان الواحد يرخصوا و يثبتوا ع الرخصة .. بس نقول ايه بقا ..
فيه اكثر من سياره سرقت من ناس جيران لنا - بواسطه سطو مسلح واللصوص كانوا راكبين عربيات متفيمه
يا فندم الفاميه دا حق أي حد يركبه بغض النظر عن القانون المفعل لأنه قانون خطأ.
لأن الأصل في أي دستور هو الحريات ودي حرية شخصية.
السيارة تعتبر ملكية خاصة يعاملها القانون معاملة المسكن الخاص. يعني زي ماهو من حقك تعمل فاميه في بيتك .. أيضا من حقك تعمله في عربيتك. ولا يحق لأحد تفتيش السيارة أو أي أحد داخلها طالما معك أوراق ملكيتها وأيضا تلتزم بقانون المرور (كالسرعة المقررة - وأماكن الإنتظار - .... إلخ )
فبغض النظر هو يستخدم أستخدام خاطئ فمن دون الصواب أن تمنع هذا الحق.
مش الفاميه ولا الستائر إلي حتمنع السرقات والجرائم. شدد القانون في السير عكس الإتجاه. والسرعة الزائدة ومادون ذلك وحتلاقي الجريمة قلت.
اخى العزيز قد اتفق معك في بعض النقاط السابقه ولكنى اختلف معك اختلاف كلى في موضوع
ملكيه خاصه اذا كانت لاتضر الاخرين وهذا يتم في مجتمعات تفهم هذا المعنى.
ولكن في مصر التفييم يستخدمه اطفال صغار او شباب صغير او عصابات ولكن الرجال الكبار لايفرق معهم التفييم لانه ليس لديهم مايخبونه
يا فندم أنت في مجتمع محظور عليه كل حاجة بحجة الأمن.
- ممنوع تشيل سلاح من أي نوع للدفاع عن نفسك حتى إسبريه الفلفل والأليكتريك (ودا ضد مبادئ الحرية في الدستور)
في المقابل اللصوص والقتلة معهم أسلحة حتى السايس معاه سلاح علي عين وأذن الشرطة. وأيضا غياب للأمن.
- ممنوع تعارض ضابط شرطة في تفتيش سيارتك بل وتفتيشك ذاتيا بدون إذن نيابة (ودا ضد الدستور وأيضا القانون)
- يا باشا الهاجس الأمني ليس هو الحل لأن الممنوع مرغوب.
حضرب لحطرتك مثال:
في كثير من الدول حيازة سلاح بدون أي ترخيص أو تصريح طالما الشخص ليس لديه سوابق إجرامية. وفي بعض الدول المتحفظة كبريطانيا وكندا.. يأتي التصريح في 3 دقائق من أي مركز شرطة. فبالتالي السلاح مع كل الناس ولكن إستخدامه غير منتشر.
أما في مصر فترخيص السلاح أصعب من تحرير القدس. وبالتالي رغبة أي شخص حيازة سلاح بطريقة غير قانونية. والنتيجة إنتشار السلاح بشكل مهول من جميع الأنواع. وفي المشاكل يتحول الأمر إلي مذبحة.
وبعدين مين قال إن راجل كبير مش حيحتاج فاميه؟
ليه واحد مثلي يخرج هو وعائلته ميكونش في نوع من الخصوصية ؟ ليه أكون جالس في الشارع؟ أنا حر محتاج عربيتي تكون مثل بيتي.
وإحنا في بلد شديد الحرارة وأنا حاطط ستائر علي الزجاج لحماية الصالون من فترات الركنة في الشمس وطبعا التكييف لا يعمل بكفاءة من اول متدور الموتور. ولو يوجد فاميه حيحل اجزء كبير من المشكلة.
مش فاهم؟؟
يعني ممكن نقول الفاميه يتسبب ان يحصل حاجات مش كويسة جوة العربية انما بره العربية ازاي؟؟ يعني ايه الدعم اللي الفاميه قدمه للعصابة دي ؟؟ كانوا بيضربوا نار والشبابيك مقفولة يعني؟
دا بالعكس التثبيت بيحصل على الطريق عن طريق ان المسلحين بيهددوا السائق اثناء السير علشان يركن يعني بتكون الشبابيك مفتوحة!
قمّة الكلاحة فعلا و الجرآة عند اي حد راكب معاه اخواته البنات , مراته , خطيبته , امه .. تلاقي اللي معدي جمبكـ و يبص و يتفحص اللي راكبين معاك في العربية .. حاجة تنرفز .. تبقآ عايز تنزل تتخانق معاه آصلا ..
ده غير الشمس .. مش هقول حتى و انتا مآاشي .. هقول و انتاا راكن و معندكش حتة ضل .. تنزل تلاقي العربية حابسة حرارة لما قايلة يا بس .. و تفضل مهويها عشان بص تاخد نفسك جوّه ..
أنا إتسحبت مني رخصة العربية فيميه السنة إللي فاتت
طبعا الرخصة وصلت للمرور بعدها بشهر ونص والحمد الله كانت المخالفة مش كبيرة ١١٠ جنيه وطبعا لازم بتفحص تاني بس بيبقى فحص أسهل وأسرع من فحص تجديد رخصة العربية
يعني أنا خلصت الحوارات دي كلها في المرور في ساعة فقط وطلعت من عندهم وفيمت تاني في نفس اليوم
هي فعلا في معظم الحالات بتبقى غرامة فوري وبتبقى تحت بند مخالفة كلبش ، سحب الرخص ده لو الضابط غتت
وبالنسبة ليا مروري كان مصر الجيدة وكان فحص الفاميه عالماشي مخدش دقيقتين غير فحص تجديد الرخص أو فحص عربية جديدة
بس يستخسن في الفحص تشوف مهندس الفحص بعشرة جنيه عشان ينجز الموضوع
الستاير اخبارها ايه ... بتعامل معاملة الفاميه برضو ؟؟؟
نقول الفيميه في مصر ممكن يستغل في الجرايم
اليغيظ لما تكون بتجدد و تلاقي راجل محترم واقف متكدر ا ورى مهندس الفحص '' ايه المشكله حضرتك '' يقولي سبحبين الرخصه عازل حرارى شفاف ده اليفقع المراره "
فيميه غامق ماشي عندهم حق انما عازل شفاف
ده منتهي التعسف