يا رجالة يا اهل الخبرة سيراتو اعلى فئة ٢٠١٥ ولا فلوانس اعلي فئة ٢٠١٥
انا عايز
ركوبة
اعتماية
قطع غيار سعرها كويس
ومهم جداً اعادة البيع
يا رجالة يا اهل الخبرة سيراتو اعلى فئة ٢٠١٥ ولا فلوانس اعلي فئة ٢٠١٥
انا عايز
ركوبة
اعتماية
قطع غيار سعرها كويس
ومهم جداً اعادة البيع
السيراتو عربية ممتازة انا لسة شارى العربية من يومين و لسة مش رخصت بس اشتريتها بعد ان سالت جميع الناس عنها
بصراحة عربية ممتازة بس عيبها ان الوكيل شال منها التكيف الاتوماتيك
انا ايضا كونت محتار بينها و بين الفلونس لا كن هناك فرق فى كل شى مثل اعادة البيع السيراتو تتفوق و اسعار قطع الغيار و توافرها و جود كماليات زيادة و اذا فكرت فى البيع لا تخسر الكثير
الفلونس قطع غيارها غالية و غير متوافرة و اعادة بيع العربية صعبة
سيرراتووووو وعلي فكرة انا معنديش سيراتو عشان محدش يجي ويقول انت منحااز ونصيحه ابعد عن الفرنساوي
لو حضرتك هتغير بعد مدة يعنى 3 سنين او 4 سنين يبقى الفلوانس أما لو هتغير بعد سنة مثلا يبقى السيراتو والفلوانس حالة لوحدها غير كل الرينو وماسكة سعر كويس فى المستعمل وتقدر تشوف بنفسك على موقع كونتاكت كارز
انا ركبت الاتنين قبل ما اشتري و سافرت بيهم
بصراحة هما متقاربين كتيير من حيث الثبات و القوة
الفلوانس : وسائل امان اكتر من السيراتو
السيراتو : احسن في كل الباقي - تسارع اقوى من الثبات - تكييف اقوى - انا شايف ان وسع السيراتو احسن شوية - اوبشن اعلى
سيراتو كويسة جدا ً و خصوصا ًما دام ناوى تبيع
السيراتو مناسبه اكتر
معلش فى السؤال هى سيراتو اعلى من فلوانس فى الكماليات ازاى
سيراتو اكييد، عليها اقبال رهيب عشان كدة هتلاقي سعر اعادة البيع مش هيبعد كتير عن سعرها على عكس الفلوانس .. و بالتوفيق ان شاء الله
انا كمان بضم صوتى لصوتكم
مفيش حد يختلف ان سعر اعاده البيع وسرعه البيع لصالح السيراتو
لكن انا عايز اجابه موضوعيه يعنى حد بيقول الاوبشن اللى فى السيراتو اكتر
يبقا اللى يقول كده يقول السيراتو فيها الاوبشن دى والفلوانس فيها الوبشن دى
وكمان اسعار قطع الغيار يقول فانوس السيراتو مثلا بكام والفلوانس بكام وهكذا
لكن كلام كده فى الهوا مينفعش ولا ايه ؟
:satelite:
أنا كان معايا فلوانس 2014 اسبيشيال أوردر اللى أعلى من الهاى لاين ( قعدت معايا أسبوع لكن كان فيها مشاكل فاسترديت فلوسىو رجعتها) و دلوقتى معايا سيراتو هاى لاين و الفرق كالاتى: الفلوينس تتفوق فى عدد الايرباجز و الزينون ذو الضبط الأوتوماتيكي و رشاشات الفوانيس الأمامية و العدادات الديجيتال و حساس المطر و وحدات رفع للزجاج و أيضا لفتحة السقف و الزجاج الخلفى أتوماتيك و وجود الستائر الجانبية و الخلفية. العفشة و راحة الركوب أفضل و مساحة الشنطة أكبر مع وجود تصفيح أسفل المحرك. السيراتو تتفوق فى وجود كرسي السائق ذو الضبط الكهربائى و ذاكرة الحفظ لوضعين و وجود درج تابلوه مبرد و كاسيت تاتش و كاميرا و فوانيس ليد أمامى و خلفى و شيفتات فى الطارة و استبن جنط 17 و تكييف أقوى بفرق ملحوظ و الوسع الخلفى أكبر و مساحات التخزين أكتر و أداء المحرك افضل. العزل ذى بعض. الخامات الداخلية و البلاستيكات أفضل فى السيراتو. اعادة البيع لصالح السيراتو. الفرامل أقوى لصالح الفلوينس. الثبات مايفرقوش عن بعض كتير قوى نظرا ﻷن فكرة التعليق الخلفى واحدة. الاتنين نفس الوزن و الاتنين متساويين فى الباقى. اسف للاطالة ...
شكرا
مع أحترامى للسيراتو وهى عربية كويسة بدون شك ألا انها فقيرة فى وسائل الأمان بالمقارنة بالفلوانس وكعادة الكورى أللى بيهتم بالشكل والأوبشنز على حساب الأمان فالفلوانس بها 2 أيرباجز ومنظومة فرامل كاملة abs- ebd -ba وده ثابت فى أقل فئه وصولا للفئه الأخيرة التى تصل إلى 6 ايرباجز بالأضافة إلى الصاج فى الفلوانس محمل والأبواب مصفحة من الداخل وبالرجوع للسيراتو نجد أن ال abs غير موجود ألا فى الفئات العالية أعلى فئه بها 2 أيرباجز فقط وده لا يتناسب مع عربية فى فئتها بالأضافة إلى أن توكيل كيا سىء جدا ونادرا لما يركبلك حاجة فى الضمان والناس بتشتكى منه ولعل أنتشار الخليجى دليل دامغ على ضعف توكيل كيا وعدم أهتمام الناس بالشراء من الوكيل وأنصرافها لشراء الخليجى وعمل الصيانات فى أى مركز خدمة سواء يتبع الوكيل او لا يتبعة أما توكيل رينو فإلى حدا ما هو أفضل كثيرا من توكيل كيا رغم بعض التحفظات عليه من أرتفاع تكلفة الصيانة وأرتفاع سعر قطع الغيار نسبيا
اشكرك على الرد بس ممكن تنقل لنا تجربتك مع الفلوانس ايه المشاكل اللى كانت فيها بحياديه علشان نقدر نفكر ونقرر وازاى عرفت ترجعها وتاخد فلوسك
ولو سمحت هقول ردك تانى بالنسبه للاختلافات فى صيغه نقاط لسهوله القراءه
الفلوينس تتفوق فى
- عدد الايرباجز
- الزينون ذو الضبط الأوتوماتيكي
- رشاشات الفوانيس الأمامية
- العدادات الديجيتال
- حساس المطر
- وحدات رفع للزجاج
- أيضا لفتحة السقف
- الزجاج الخلفى أتوماتيك
- وجود الستائر الجانبية و الخلفية
- العفشة و راحة الركوب أفضل
- مساحة الشنطة أكبر
- وجود تصفيح أسفل المحرك
- الفرامل أقوى
السيراتو تتفوق فى
- وجود كرسي السائق ذو الضبط الكهربائى
- ذاكرة الحفظ لوضعين
- وجود درج تابلوه مبرد
- كاسيت تاتش
- كاميرا
- فوانيس ليد أمامى و خلفى
- شيفتات فى الطارة
- استبن جنط 17
- تكييف أقوى بفرق ملحوظ
- الوسع الخلفى أكبر
- مساحات التخزين أكتر
- أداء المحرك افضل
- الخامات الداخلية و البلاستيكات أفضل فى السيراتو
- اعادة البيع لصالح السيراتو
التشابه فى الاتى
- العزل ذى بعض
- الثبات مايفرقوش عن بعض كتير قوى نظرا ﻷن فكرة التعليق الخلفى واحدة
- الاتنين نفس الوزن
- الاتنين متساويين فى الباقى
وذلك لسهوله القراءه فقط
فلونس عربية جميلة جدا خصوصا بمحركها الجديد
السيراتو عربية بتنافس بقوة بصراحة
والكورولا بردوا ممكن تفكر فيها