الموضوع: هو ليه ا لجواز بقي بيعه و شروه كده

مكبرين الموضوع اوى ليه كدة
باختصار شديد نصيبك لسة ماجاش ، عادى يعنى ، وربنا شايللك الاحسن :) واللى بيحصل ده اسباب مش اكتر ان دى مش نصيبك

ومش عيب بل بالعكس ، ان التكافؤ شرط اساسي في الجواز

انت بردو لو اتعرض عليك واحدة مستواها المادى والاجتماعى وشهادتها اقل منك بكتير ، هترفضها من غير ما تشوفها

والله هي حره تقبلك ترفضك هي حرة - هي من حقها تضمن انها هتعيش عيشة كويسه مع الراجل ال تحس ناحيته بقبول
وبعدين اسمحلي انت شكلك شخصيتك ضعيفة جدااااا - انا اسف اني بقولك كدا بس المسلم مرآه اخيه
خليك كدا واثق ف نفسك و حاول تشوف اي مشكله انت بتعاني منها وتحلها
يا اخي انت مسلم يعني اسد - حاول تستاسد كدا وتظهر ما ف شخصيتك من قوة
استحضر صورة الامام علي بن ابي طالب لما تقدم للسيده فاطمة الزهراء وقام خطب ف الناس يوصف ليهم نفسه وكان ما زال ف زهرة شبابه لكن قوي ف الحق
معلش ردي قاسي شويه بس حاول تفوق
وبالتوفيق ان شاء الله

المشاركة الأصلية كتبت بواسطة eso101

المرأة في أمريكا لا تحتاج ضمانات مادية واهية
القانون بيحميها كزوجة و كأم
يعني في حالة عدم قيام أحد الزوجين بمهامه أو الخيانة الزوجية حتى لو بتعليق في جنبات منتدى يدل على الخيانة
-تقدر تطلق
-تاخد نصف ثروته اللي كونها فترة بقائها معاه
-لو عندها أطفال في حضانتها مدى الحياة حتى لو تزوجت
-هيدفعلها نفقة مدى الحياة حتى لو عايشة هيا و أبنائها مع زوج آخر
- ممكن تتزوج غيره تاني يوم من إنتهاء العقد
إيه اللي هيخليها تطلب مهر أو شبكة وهيا واخدة كل حقوقها ومتساوية بجوزها مساواة كاملة
هما الإتنين متساويين محدش له حق زيادة أو أقل

اذًا المرأة العربية بتحاول مترميش نفسها في التهلكة من البداية بضمانات مادية
وطبعا القوانين المجحفة هيا السبب فمتستغربش من واحد متدين وبيخالف دينه في نفس اللحظة
لإنه شايف إنه القوانين دي مش عادلة لبنته ومش هتحقق لها الأمان النفسي و المادي

عن نفسى انا شايف ان كان امريكا او مصر الحالتين غلط لما تبقى متجوزة من واحد وبتاخد نفقة من اللى طلقها فدة مش صح
انا شايف فى الاخر لازم هنرجع للشرع ممكن تقولى شرع اية اللى يقول شبكة 50 الف ومؤخر 100 الف على فكرة انا بكلمك فى الفئة المتوسطة فى البلد
وشرع اية ان الشقة لازم تكون 150 متر ولازم فرح ب 50 الف على الاقل والغريبة ان الناس بتتكلم ان دة الطبيعى
وكل ما اتكلم ما واحد يقولى ما اقل من كدة يبقى بايع البنت
لا انا شايف اننا بنتعامل ان البنت بهمية بالاسلوب دة , انا عن نفسى شايف لو كنوز الدنيا كلها مش هتامن البنت
وبعدين كل بنت عايزة تعيش فى مستوى اهلها انا موافق تشوف مستوى والداها من 30 سنة كان عامل ازاى لما اتجوز والداتها وانا ساعتها هبقى مطالب انى اوفرلها المستوى دة
لكن تقارنى بوالداها اللى شغال بقالة اكتر من 30 سنة
انا شايف المنظومة كلها غلط

المشاركة الأصلية كتبت بواسطة s.h.a.h.e.r

والله هي حره تقبلك ترفضك هي حرة - هي من حقها تضمن انها هتعيش عيشة كويسه مع الراجل ال تحس ناحيته بقبول
وبعدين اسمحلي انت شكلك شخصيتك ضعيفة جدااااا - انا اسف اني بقولك كدا بس المسلم مرآه اخيه
خليك كدا واثق ف نفسك و حاول تشوف اي مشكله انت بتعاني منها وتحلها
يا اخي انت مسلم يعني اسد - حاول تستاسد كدا وتظهر ما ف شخصيتك من قوة
استحضر صورة الامام علي بن ابي طالب لما تقدم للسيده فاطمة الزهراء وقام خطب ف الناس يوصف ليهم نفسه وكان ما زال ف زهرة شبابه لكن قوي ف الحق
معلش ردي قاسي شويه بس حاول تفوق
وبالتوفيق ان شاء الله

انا هرد علي حضرتك في جزء
اولا الشقه في منطقه راقيه جدا و في وسط البلد و هما لا شافوها و لا شافوني بس سمعوا انها في عماره مش جديده يعني مش مبنيه في ال 2000 و مده مبنيه يمكن في اواخر السبعينات يعني لا هي هتنزل في مستواها الاجتماعي و لا حاجه بس الغريب ايه الفرق في عماره مبنيه النهارده و عماره مبنيه من 20 سنين تبقي وحشه علشان مبنيه من 20 سنين او 15سنه
و زي ما قولت لحضرتك لا شفتهم و لا شافوني لكن عرفت عن طريق احد المعارف ان في ناس طلبوا انها تشوف لبنتهم عريس فقالت ليهم عليا قالولها بس ليه الشقه في عماره قديمه لا بلاش منه
ثانيا : انا احب اسمع نصيحه حضرتك في موضوع ضعيف الشخصيه هو حضرتك استنتجت كده من ايه من كلامي يبدو ان حضرتك تخيلت اننا اتقابلنا و بعدين اتكلمنا و بعدين عرفت ان الشقه في عماره قديمه فرفضت و ده محصلش اصلا و انا سمعت الكلام كقصه عاديه تمت من غير ما حد يقولي و الموضوع اترفض من غير ما اعرف و لا اسمع عنه اصلا
ثالثا انا مش شايف ان عندي مشكله فيا كشخص بعاني منها الا لو حضرتك معتبر اني مش لاقي حد مناسب ليا ده مشكله فيا و لازم اعالجها
مستني رد حضرتك عن اسباب افتراضك اني شخصيتي ضعيفه و عن الحل لعلاج هذه المشكله

المشاركة الأصلية كتبت بواسطة احمد المصرى

ولا انت غلطان ولا هما غلطانين خالص بالعكس دا حق البنت جدااااااااااااااااااااااا ااااااااااا


مثلا بنت عايشه فى مستوى مثلا مدينه نصر مثلا ويجى واحد يقلها هتروحى الارياف هل تتخيل انها هتوافق مش عيب فى الارياف اطلاقا بس هى طبيعه عيشه مش اكتر

الشقه بتاعتك ذى الفل بس من حق اى بنت انها توافق عليها او ترفض ومش عيب فيها او تناكه منها ومش عيب انك تجيب شقه كبيره او صغيره دا حقك بس انا شايف البنت حقها انها ترفض او توافق

المشاركة الأصلية كتبت بواسطة eso101

إنتا كمان ليك طلبات مش فإيد العروسة و إنها تكون بمستوى جمال مناسب ومستوى تعليم مناسب ورفضت 6 بكامل إرادتك ومن حقك
و من حق البنت كمان تطلب إنك تكون على مستوى مادي مناسب ومستوى وسامة مناسب ومستوى تعليم مناسب ومستوى سكن مناسب
براحتها لو قادر تكون الشخص المناسب ليها خير وبركة أو هناك أخريات ممكن يكون دا المناسب ليهم
ربنا يوفقك في بنت الحلال

المشاركة الأصلية كتبت بواسطة amrelsaqqa

مكبرين الموضوع اوى ليه كدة
باختصار شديد نصيبك لسة ماجاش ، عادى يعنى ، وربنا شايللك الاحسن :) واللى بيحصل ده اسباب مش اكتر ان دى مش نصيبك

ومش عيب بل بالعكس ، ان التكافؤ شرط اساسي في الجواز

انت بردو لو اتعرض عليك واحدة مستواها المادى والاجتماعى وشهادتها اقل منك بكتير ، هترفضها من غير ما تشوفها

الحمد لله ماديا انا و اجتماعيا و علي كل المستويات انا معتقدش انهم اعلي مني يا جماعه و الشقه في منطقه راقيه و في وسط البلد لكن هما شايفين ان العماره لازم تبقي عماره جديده ده بقي اسمه بيدوروا علي متكافئ معاهم يعني هما دلوقت ساكنين في عماره جديده و لا دي العماره اللي ابوها سكن فيها من 25 و لا 30 سنه و لا ايه رأيكم
انا شايف انها تفاهه لما حد يدور علي العماره اتبنت سنه كام و في رأيي لو رحت جبت ليهم عماره حديثه هيقولوا لا مكانها مش ملائم زي القديمه احنا عايزين عماره جديده في نفس الحي بتاع العماره القديمه