هو ليه ا لجواز بقي بيعه و شروه كده

**engmody32** · 14-09-2014 05:05 PM

ازيكم يا احلي شباب الواحد مخنوق من موقف و عايز يفضفض معاكم
كنت كتب كده مش شهرين عن موضوع الجواز و البحث عن العروسه
http://www.nilemotors.net/Nile/436485-a.html
و كمان عملت موضوع بطلب فيه النصيحه ازاي ادور علي عروسه بطريقه تانيه غير جواز الصالونات
http://www.nilemotors.net/Nile/437502-a.html
المهم النهارده لما رجعت من الشغل لقيت الحاجه بتقولي ان في واحده من معارفها قالتها ان هي كان عندها عروستين دكاتره و انها قالت ليهم عني و مرضوش لأن شافوا ان شقتي اللي هما مشفوهاش اصلا مش هتناسبهم علشان هي في عماره قديمه مش عماره جديده مع انها شقه تمليك و علشان هي اوضتين بس
الغريب ان الناس دي لا شافتني و لا اتكلمت معايا و لا شافت شقتي و اعترضوا انهم يشوفني اصلا علشان العماره قديمه
و ان هما ناس مسترييحن ماديا و مبسوطين و مش عارف ايه و ابوهم استاذ في الجامعه و امهم مش عارف ايه
حسيت ان الموضوع بيعه و شروه و ان هو هتدفع كام و هتسكن فين حتي من قبل ما نشوف البني ادم
حسيت معلش اني رأيح اشقط واحده من الشارع و عايز تطمن اني هدفعها كويس و يجي بقي شكلي و شخصيتي بعدين
الغريبه ان والدتي اتخانقت معايا و قالتي انت حوشت شويه فلوس كمان المفروض تغير الشقه بقي و تبيعها و تجيب واحده تانيه اوسع في عماره جديده
قولتلها اصلا الشقه عمرها ما وقفت في طريق جوازي و انت عارفه ان ال 12 عروسه اللي شفناهم الموضوع مكملش من ايام المقابلات و مدخلناش بيوتهم و لا اتفقنا علي حاجه يعني الرفض كان من الرؤيه و كده
قالتلي ما شوفت اهه الناس مش عايزه تشوفك علشان العماره قديمه
انا مش عارف اول ايه و اعمل ايه
اعمل زي ما امي عايزه و ابيع الشقه اللي هي مش مشكله اصلا
و لا رأيي انا صح ان دي ناس طماعه و عايزه تبيع بنتها للي يدفع اكثر

**SHNORY** · 14-09-2014 05:34 PM

وممكن بعد ما تشتري خدمه ما بعد البيع متعجبهمش
اللي بيبيع بنته وبيدور علي فلوس فكك منه وخليها لتاجر ييجي يشيل ست الحسن والجمال
الصفقه الوحيده الي ماشيه صح في الجواز هي صفقه الهناجره ودي بتدفع فيها من ربع مليون وطالع مهر للعروسه وهي بتنزل تشتغل وتصرف عليك
لانهم باختصار حراميه ونشالين
ومهر العروسه بيتحدد علي مدي خفه ايدها
وفيهم شويه موزز ملهمش حل بصراحه (:
دي كده صفقه مقنعه
حتدفع وتاخد
انما تدخل صفقه وتدفع فيها وسواء كسبانه او خسرانه او فرحانه او عيانه او غضبانه او راضيه عنك
ولما تحب تفك الشركه تدفع اكتر يبقي فكك
روح بوس جزمه العزوبيه حتي لو متعاصه طين

**engmody32** · 14-09-2014 05:52 PM

المشاركة الأصلية كتبت بواسطة shnory

وممكن بعد ما تشتري خدمه ما بعد البيع متعجبهمش
اللي بيبيع بنته وبيدور علي فلوس فكك منه وخليها لتاجر ييجي يشيل ست الحسن والجمال
الصفقه الوحيده الي ماشيه صح في الجواز هي صفقه الهناجره ودي بتدفع فيها من ربع مليون وطالع مهر للعروسه وهي بتنزل تشتغل وتصرف عليك
لانهم باختصار حراميه ونشالين
ومهر العروسه بيتحدد علي مدي خفه ايدها
وفيهم شويه موزز ملهمش حل بصراحه (:
دي كده صفقه مقنعه
حتدفع وتاخد
انما تدخل صفقه وتدفع فيها وسواء كسبانه او خسرانه او فرحانه او عيانه او غضبانه او راضيه عنك
ولما تحب تفك الشركه تدفع اكتر يبقي فكك
روح بوس جزمه العزوبيه حتي لو متعاصه طين

يا باشا للأسف العزوبيه خلاص مبقتش نافعه معايا و الطبيعي ان الواحد لازم يتجوز بس ا لمشكله بقي اني مش عارف اتجوز و تحس ان الموضوع ده بيقفل بشكل غريب لدرجه اني مش عارف الاقي تفسير نيه و موجوده و استعداد مادي و غير مادي و موجود توكل علي الله موجود طب فاضل ايه علشان العمليه تتسهل

**engmody32** · 14-09-2014 06:07 PM

المشاركة الأصلية كتبت بواسطة zorg

بصراحة مش قادر اغلط حد
دلوقتى اى بنت عايزة تطمن على مستقبلها وكل يوم بنقرى عن ان واحد اتجوز واحدة وبهدلها وفى الاخر رماها هى وعيالها او العكس فالناس بقت تخاف من بعض وكل جهة عايزة تأمن نفسها

يا باشا ما الشقه موجوده و تمليك هتتأمن يعني لما تبقي عماره جديده
زائد ان الامان ده اشتغالات شعب هو يعني بتأمن نفسها انها تاخد فلوسه لما يتفصلوا و يتطلقوا
هو ده بقي التأمين يبقي الموضوع مادي بحت و علي رأي الراجل بتاع egyptoz كان كاتب مقاله عن الجواز في مصر و قال انه ميختلفش كتير عن اللي بيحصل في شارع الهرم و جامعه الدول

**Bassem Youssef** · 14-09-2014 06:25 PM

انا بحاول امسك لساني بالعافيه في حوارات الجواز في البلد دي

نصيحه لصاحب الموضوع

القرشين اللي معاك روح بيهم اي دوله محترمه و اتجوز هناك

صدقني

هتحس انك بني ادم بحق و حقيقي مش مجرد atm او مجرد قرش جواني

علي رأي حلمي في فيلم بلبل حيران

**SHNORY** · 14-09-2014 06:28 PM

المشاركة الأصلية كتبت بواسطة engmody32

يا باشا للأسف العزوبيه خلاص مبقتش نافعه معايا و الطبيعي ان الواحد لازم يتجوز بس ا لمشكله بقي اني مش عارف اتجوز و تحس ان الموضوع ده بيقفل بشكل غريب لدرجه اني مش عارف الاقي تفسير نيه و موجوده و استعداد مادي و غير مادي و موجود توكل علي الله موجود طب فاضل ايه علشان العمليه تتسهل

ماهو فعلا ان الطبيعي ان البني ادم يتجوز والخ الخ الخ الخ الي اخر الموضوع ده والرغي فيه
بس هو حضرتك شايف ان طبيعي الطلبات اللي بتتطلب دي ؟؟؟

**engmody32** · 14-09-2014 06:37 PM

المشاركة الأصلية كتبت بواسطة shnory

ماهو فعلا ان الطبيعي ان البني ادم يتجوز والخ الخ الخ الخ الي اخر الموضوع ده والرغي فيه
بس هو حضرتك شايف ان طبيعي الطلبات اللي بتتطلب دي ؟؟؟

اكيد لا الطلبات دي مش طبيعيه يعني انا كاتب الموضوع ليه
الكوميديا بقي انك ممكن تلاقي ناس بتطلب طلبات زي دي و هي اصلا لما الاب و الام اتوزوا سكنوا في عشه فوق السطوح او كانوا ساكنين في اخر الدنيا او منطقه عشوائيه
ده اصلا دكتور جامعه يعني كان مرتبه ضايع اصلا و هو معيد و حتي و هو دكتور لحد من سنتين 3 لما ظبطوهم بعد الثوره
معرفش بقي عايز بنته تعيش في قصر و لا ايه
و تلاقيه كمان لو جبت شقه في عماره جديده يقولك بعيد عن سكنا عايزين بنتنا تبقي ساكنه قريب منا