الموضوع: بخصوص شقق حي اللوتس اكتوبر

طب حد يقول متابع

المشاركة الأصلية كتبت بواسطة ahmed1981

المنطقة دي خلف إبني بيتك وحي الأشجار
فيها ييجي عشر مشاريع بهذا الشكل
والأسعار قريبة من اللي إنت قلته ومتفاوته
وفي فروق في التقسيم والمساحات

لو تقدر تروح بنفسك وتشوف على الطبيعة أفضل

ـ

الف شكر لردك
يعني المنطقة ديه بعد اواحات بكتير او بعد ابني بيتك بكتير طب معلش ليها مواصلات من الواحات او اكتوبر ولا لازم عربيه
وسؤال اخير ليه اسعارها تعتبر رخيصه بالنسبه لاكتوبر انا كنت فاكرها نصب

المشاركة الأصلية كتبت بواسطة timtim

قريبة من منطقة ابني بيتك بتدخلها من على طريق الواحات أو من الطريق بجانب حي الأشجار(بس لسه فيه شغل وهايقصر المسافة) .. ومن نزلة الدائري 10-15 دقيقة
والمنطقة اسمها حدائق اكتوبر ومستقبلها كويس..
ودا مكان حي اللوتس:
wikimapia - let's describe the whole world!


ودا سعر المنطقة مش نصب ولا حاجة .. في شقق هناك بتبدأ من 70 ألف كاش
بس السعر اللي بتقوله دا قليل على 20 سنة.. متأكد مفيش دفعات تانية؟

على فكرة في حي هناك اسمه بيت المصرية الشقق فيه 3 غرف

انا روحت البنك الي تابع الشركه قالي فعلا الشركة دي من ضمن ٦ شركات بنتعامل معاهم وشرحلي كل التفاصيل والنهارده الحمد لله روحت دفعت ١١٥٠٠ ج واستعلام البنك هياخد من شهر لشهرين او ميوافقو هدفع ٢٤٥٠٠ج +٠٠ ج صيانه وخدامات لبقي كده٤٠٠٠٠ ج وكل شهر٤٢٠ ج علي٢٠سنه والي بيمول صندوق التمويل العقاري في الاخر الشقة١٤٠٠٠٠ ج والشقه اخترتها امامامول ويوم الجمعه ان شاء الله هعمل مع الشركه المعاينه

بس فيه كام سؤال
١- ه مدارس هناك وايه نظامها طبعا تجريبي مش خاصة
٢- المنطقه ديه ساكنه ولا هوووس هوووس
٣- الخدامات ( محلات - مطاعم - سوق) موجودين ولا لسه
الف شكر ليك

المشاركة الأصلية كتبت بواسطة ahmed1981

دريم وحي الأشجار كامل العدد
يليها حي الفردوس نص نص بس عايش
يليها إبني بيتك تقريباً 2% سكان والباقي بوم
يليها المشاريع اللي إنت شفتها قليل السكن

لكن الناس بتسكن
وبمجرد إنتهاء مرافق إبني بيتك هتلاقي ونس جامد

المنطقة عموماً إسمها حدائق أكتوبر
مستقبلها كويس
على خطة مترو الأنفاق خلال القرن ده بإذن الله

قريب من مناطقة عايشة جداً

تحت الإنشاء ثلاث أندية منهم الزمالك وغيره في منطقة 2 إبني بيتك

قريب من الحديقة الكونية وتم إفتاحها

المنطقة أنا شايفها أحسن من حدائق الأهرام

ـ

والله انا مش عارف اقولك ايه ولا اشكرك ازاي
انته خليت عندي امل وان شاء الله علي بال السنه اسكن فيه تكون عمرت
اما بقي المترو يدينا ويديك طولت العمر
هما في المشروع اللوتس بيت سعدبيقول في حوالي ٢٥ اسره ساكنه ومياه وكهربا شغاله
بس انا كنت في حيره جامده بين الارضي والخامس لقيت الارضي واطي اوي مجروح فا اطريت اخد الخامس وطبعا الدور المكرر فرق ١٠٠٠٠ ج