الموضوع: ليه السيارات الكورى سعرها زى اليابانى"""؟؟؟ مع اختلاف الجودة والعراقة"""

انا عاوز افهم بس حاجة..

انتوا شايفين ان مفيش فرق بين الانترا والسيراتو

وبينها وبين الكورولا والسيفيك والامبريزا

يعنى الاداء والخامات والتقفيل والصناعة واحدة ؟؟

بس الاسم بس الى بيختلف ..وهو الى بيحدد السعر

مش منطق ياجماعة ابدا..
والغالى ثمنه فيه...

بالمنطق بتاعكم دا..
يبقى برده مفيش فرق بين i 30 والجولف وال 116 i والاسترا وال frv ???

العملية عمرها ماكانت بالحجم...
وبالمنطق بتاعكم ...يبقى البريليانس جالينا هى افضل سيارة فى السوق المصرى...

الغالى ثمنه فيه...دا شىء اكيد ..
وبعدين الكورى هنا ياجماعة شايلين منه كل حاجة...
بقلوكم الاكسنت الجديدة مفيهاش ايرباجز ولا فرامل اى بى اس..ولا اى حاجة..وب 85 الف...وفئة صغيرة يعنى...ساب كومباكت..زى الياريس..

يبقى سعر الياريس منطقى جدا كدا....وكفاية بس ال 2 ايرباجز...دول يفرقوا اكثر من 10 الاف جنيه...

ما أحنا قلنا أن فيه فرق في الجودة ....... بس ما يستاهلش الفرق في الفلوس

و بعدين طلع الهوندا ...... و السوباورا برا المقارنة
الهوندا هي شركة من أفضل الشركات في العالم في نصاعة المحركات .
و السوباورا كله 4* 4
و بعدين مداخلة الأستاذ أحمد أنور فيها كلام جميل .

فيه كمان نقطة لازم ناخد بالنا منها .
الأسامي .....
الأسامي بالموديلات مهمة جدا
يعني كلمة كورولا ....... أو جولف
هما في النهاية عربيات عادية زيهم زي أي عربيات .
الفرق أن شركة تويوتا و شركة فولكس فاجن بيعملوا نفس الموديل بنفس الأسم من زمان قوي ........ فعمل اسم حلو في السوق
وأصبح عند ناس كتير كالأسطورة .
على عكس شركة زي فيات .... بتغير الأسماء باستمرار و لكن الشاسيه بتاع العربية هو هو .
طيب ما فيات كانت ممكن تفضل تعمل الأسطورة بتاعتها 131 بنفس الأسم مع تغيير الأشكال زي ما الجولف و زي الكورولا مثلا .
و لكن كل شركة و لها سياسة .

و علشان تعرف أن الكورولا أو الجولف عربيات عادية شوف الموديلات بتاعة كل جيل .
هاتلاقيهم عربيات مختلفة جذرا و موضوعا عن اللي موجود دلوقتي .

هي مجرد أسطورة بتتبني في العقول ....... بالاضافة للأسم الخاص بكل من شركتي تويوتا و فولكس فاجن و الجودة المشهورين بيهم .
أنما علشان الأسم مصنوع من زمان ....... يحسسك أنك أمام عربية لا تقهر .
و في النهاية هما عربيات ........ زيهم زي أي عربية تانية .

و طبعا دي سياسة ذكية ....... عملت أسم و رسخته في عقول الناس حتى أصبحت كلمة جولف أو كلمة كورولا مرادف للجودة و الأسطورة معا .

اضافة كمان ممكن أقولها بعد أذنكم .
زمان و في أوائل السبيعينات لم يكن أحد يسمع عن كلمة سيارة ياباني جيدة .
و ده كان الوقت اللي اليابان بدأت تدخل فعلا في سوق السيارات العالمي كمنافس للماركات العريقة ..... لو بنتكلم بالتاريخ .

و أول ما اليابان طلعت و دخلت السوق ...... كله كان مستهزأ بيهم و بمنتجاتهم خصوصا في مصر لغاية أوائل التسعينيات .
و الناس بدأت تثق في المنتج واحدة واحدة مش علشان المنتج وحش و لكن علشان كان مجهول و بعدين أمامهم السيارات الأوروبية اللي هما عارفينها منذ الستينيات .

و مازال بعض جماهير الأوروبي تقول على الياباني أنه زبالة و أقل من الأوروبي مع أن الكلام ده في رأيي خالي من الصحة تماما .
و كفاية عربيات هوندا و عربيات سوباورا .......و النيسان الجي تي أر .
و منذ ذلك الوقت و بدأ الياباني يجذب جماهير له ....و أصبح ذلك كالولاء للبلد .
و الموضوع فيه نقطة نفسية أكتر من واقعية ( مع وجود فرق جودة طبعا ) بس ما يستاهلش الفروق في السعر الرهيبة دي .

طيب تعالوا أيدكم مثال .
الفيات البرافو ............أو برافا ...
العربية ثمنها معدي 175 ألف جنيه مصري ...
طيب ليه الفيات غالية قوي كدا ؟؟؟؟؟؟؟؟
علشان مصنوعة في أيطاليا ...يعني :
ضرائب مرتفعة جدا .
أيدي عاملة غالية جدا .


تعالوا نجيب العربية ......... و نجيب عربية تانية 1600 سي سي من بلد تانية زي اليابان مثلا أو كوريا .... و نقول مثلا ميتسوبيشي لانسر بومة .
شوف فرق السعر كام ؟؟؟؟؟؟؟؟؟
هل الفرق ده ........... جودة ؟؟؟؟؟؟؟؟ طبعا لاء لان اللانسر جودتها مرتفعها و متقلش عن الفيات في شئ .

الموضوع كله طرق تسعير و أسماء أكتر منه جودة و الكلام ده ....

هي حالة نفسية مش أكتر .

3 اسباب

أربعه

،،،، اتنين منهم ميفرقوش اطلاقا في العربية

و السبب الأول بس هوا اللي منطقي

يعني سبب واحد و معتقدشي انه يساوي تلاتين الف جنية

[/QUOTE]

المشاركة الأصلية كتبت بواسطة tutankhamoun

هي حالة نفسية مش أكتر .

هو ده اللى انا بتكلم فيه . احنا بنشترى عشان نلبى احتياجاتنا
فى ناس تحب العربية مريحة ، قوية ، سهل التحكم فيها و المناورة ، عمرها طويل نسبيا - ده يفرق فى الصناعة
فى ناس تحب العربية فخمة و اسم كبير و تديه بريستيج - ده بيبقى عن طريق التسويق ، يعنى فى ناس حلمها الكورولا و ناس حلمها الجولف و ناس حلمها المرسيدس

فحضراتكم بتقولو ان الاسم لا يوازى الفرق : انتم صح بالنسبه لكم انتم
لكن
انتم تغافلتم الحاجة النفسية يمكن عشان مش عندكم الحاجة دى

و هى دى النقطة اللى بنتكلم حواليها

اذكر مرة كنت فى كورس تسويق و المحاضر جابلنا احصائيات عن السبب الرئيسى اللى الناس بتشترى عشانه كان البيبسى اللى سعرها اكبر من ضعف سعر الزجاجة العادية و هو ان الناس بتحب تتشبه بالنجوم اللى بيشوفوها فى الاعلانات من لاعيبة كورة او ممثلين او مغنيين

المشكلة ان دى حاجات fuzzy يعنى مينفعش تتقاس

Worst value for Money

طب ايه رايك فى اللى بيشترى المينى كوبر ؟
او المرسيديس ؟
وال frv ؟

هى هى نفس النقطة انا بطلع الفلوس لتلبية احتياجاتى و احتياجاتى انا اللى بحددها

و هذا لا يعنى صحة رايك او خطاه لان الناس حاجاتها مختلفة كل الاختلاف

و هاديك مثال على والدى :
احنا كان معانا 40 الف و عاوزين نشترى عربية
انا قولت ماروتى جديد : اقتصادية و اعتمادية احسن من اى مستعمل
و الدى بيحب المظاهر و عاوز عربية واسعة و شكلها حلو و يدى بريستيج و فيها كماليات و بعض الرفاهية و فيها قوة
طبعا بما ان هو اللى هيدفع فاخترنا التمبرا لان فيها المميزات دى بس طبعا لان مفيش حاجة ببلاش بتطلب قطع غيار لانها مستعملة و على قلبه زى العسل
ليه ؟ لانها لبت الحاجة الاهم اللى عنده هو


بالمناسبة عنوان الموضوع غلط لان الكورى ارخص:)

انا شايف ان احنا نتعلم من الواقع اللى حولينا
على ما أعتقد العربيات الدايو اللى هيا تكنولوجيه قديمه عدى عليها عشر سنين فى البلد من سنه 1999وماشيه زى الفل ولغايه دلوقتى لسه بتتباع زيرو عايزين اكتر من كده اثبات ايه هوه لازم العربيه تقعد 30 سنه عشان نحكم عليها
انا شايف ان تطور العربيات الكورى سريع وبقى مساوى لليابانى وانهم ممكن يعملوا عربيه احسن من اليابانى بس كله بحسابه

يا جماعة احنا مقولناش ان الكورى وحش ولا حاجة

هيونداى دلوقتى شركة محترمة جدا

بس يبقى اليابانى افضل مهما كان

والاخ توت بيقولى طلع هوندا وسوبارو...ليه نطلعهم؟؟

تويوتا تبقى افضل شركة يابانى...من وجهة نظرى...

بصوا ياجماعة

ياريت نعمل سيرش كده...ونشوف الفرق فى الاسعار بين الكورى واليابانى بره ...والتقييمات الى بتتحط للعربيات دى...

وبعدها نحكم على السوق المصرى..ونشوف هل فعلا فى مبالغة او لامنطقية؟؟؟

انا هدور كده ...وياريت تساعدونا بروابط وكده ...

ومبرووك لمصر.....والله وعملوها الرجالة...