الموضوع: ليه السيارات الكورى سعرها زى اليابانى"""؟؟؟ مع اختلاف الجودة والعراقة"""

المشاركة الأصلية كتبت بواسطة ezzatfox

و انا اسعد بالحوار مع حضرتك
بص زى ما انت قلت كل واحد لية دماغة و لية رأية
بس انا هقولك على حاجة من غير ما اتكلم كتير شوف سعر النيوسيراتو برة مصر كام و سعر المازدا و السيفيك كام و انت هتتأكد ان اسعار العربيات اليابانى فى مصر منتهى الاستهبال .
السيراتو سعرها بين 18000 و 21000 دولار
المازدا بين 15000 و 21000 دولار
السيفيك من 15000 الى 23000 دولار بنظام الملاحة navigation
يعنى برة مصر مفيش الفرق الرهيب دة فى الاسعار لكن جوة مصر عشان بنقول اقل اليابانى افضل من احسن حاجة فى الكورى زى ما حضرتك اشرت يبقى وكلاء السيارات اليابانية ليهم حق يعملوا اكتر من كدة و شكرا .

مبدأيا يا ريت تقولي الأسعار اللي بالدولار دي في اي دولة ،
ثانيا ، أنا مش بقول ان اقل الياباني افضل من احسن حاجه في الكوري ، ولو انا قلت كده يبقى جهل ، اكيد طبعا فيه حجات في الكوري افضل من حجات في الياباني زي ما قولنا قبل كده بالنسبه لليارس ولا يمكن اطلاق الأمر ، ولكن اللي انا بقوله انه لما يكون الفرق 10000 او 15000 بين عربية ياباني زي السيفيك او مازدا3 مشهودلهم بالجودة العالية في كل شيئ ومن معظم الناس وبين عربية كوري سواء سيراتو او النترا وتكون حتى السيراتو اعلى فئه والأتنين الياباني فئه اقل في الكماليات يبقى اشتري مازدا3 او سيفيك افضل ميت مره من اني اخد الكوري الكامله بفرق بسيط في الفلوس ، لأن ببساطه معظم الكماليات دي مش مهمة وكمان ليس لها اي قيمة في اعادة البيع ولو معاك تجيب السيفيك او المازدا3 كاملة بكمالياتها ماشي لكن تفرح بالكوري عشان كمالياتها وتسيب حجات تانيه اهم بكتير، اعتقد كده يبقى !!!!!!!؟ ، بس كده .

لو فعلا الفرق فى الحدود اللى انت بتتكلم فيها من 10000 الى 15000 بالكتير قوى كان الموضوع بقى معقول و ممكن فعلا الواحد يتجة لليابانى لكن شوف السيفيك وصلت كام ... دى الفاضية ب 145 يعنى تفرق عن السيراتو الفول ابشن 30000 جنية طب لية ؟؟؟
شوف تعليقات الناس برة على النيو سيراتو بتقول اية فى مواقع الtestdrive .
و استنى يا باشا لما ال مازدا النيو شيب ينزل و شوف هتوصل لكام و ساعتها ابقى قارن بين سعر الاثنين و شوف الفرق هيبقى كام .

المشاركة الأصلية كتبت بواسطة justs

مبدأيا يا ريت تقولي الأسعار اللي بالدولار دي في اي دولة ،
ثانيا ، أنا مش بقول ان اقل الياباني افضل من احسن حاجه في الكوري ، ولو انا قلت كده يبقى جهل ، اكيد طبعا فيه حجات في الكوري افضل من حجات في الياباني زي ما قولنا قبل كده بالنسبه لليارس ولا يمكن اطلاق الأمر ، ولكن اللي انا بقوله انه لما يكون الفرق 10000 او 15000 بين عربية ياباني زي السيفيك او مازدا3 مشهودلهم بالجودة العالية في كل شيئ ومن معظم الناس وبين عربية كوري سواء سيراتو او النترا وتكون حتى السيراتو اعلى فئه والأتنين الياباني فئه اقل في الكماليات يبقى اشتري مازدا3 او سيفيك افضل ميت مره من اني اخد الكوري الكامله بفرق بسيط في الفلوس ، لأن ببساطه معظم الكماليات دي مش مهمة وكمان ليس لها اي قيمة في اعادة البيع ولو معاك تجيب السيفيك او المازدا3 كاملة بكمالياتها ماشي لكن تفرح بالكوري عشان كمالياتها وتسيب حجات تانيه اهم بكتير، اعتقد كده يبقى !!!!!!!؟ ، بس كده .

معلش بس هو حضرتك قصدك انك تشتري الياباني الغالي الي كمالياته اقل بدل الكوري الكامل الي ارخص في السعر؟!!!!

معلش انا مش متفق مع حضرتك في الرأي ده,
الاستاذ ezzat-fox جايب لحضرتك ان اسعار السيراتو و السيفيك زي بعض بره بل بالعكس السيفيك بتبدأ بسعر اقل, ده مش معناه ان السيفيك اوحش بس يدل على انهم الاتنين بره في نفس الفئه,
انا لو هرد على النقطه دي مش هقول غير ان الكوري فعلا فيه حاجات كتير ممتازه منهم السيراتو و الالانترا لكن الالانترا مثلا الي يتنزل بره هي سياره تكاد تكون مختلفه تماما عن الي بنشوفها هنا في مصر
مش قصدي من كده ان الي بتنزل مصر وحشه لا بالعكس هي جميله جدا بس التجميع المصري مخلي المنافسه 100% لصالح الياباني الي جاي تقفيل بلده و بسعر اغلى شويه
انما السيراتو انا عن نفسي مثلا افضلها عن اللانسر و عن المازدا لانها عربيه اثبتت كفائتها بره في الدول الي هي و المازدا و اللانسر بنفس السعر

المشاركة الأصلية كتبت بواسطة Mosso

معلش بس هو حضرتك قصدك انك تشتري الياباني الغالي الي كمالياته اقل بدل الكوري الكامل الي ارخص في السعر؟!!!!

معلش انا مش متفق مع حضرتك في الرأي ده,
الاستاذ ezzat-fox جايب لحضرتك ان اسعار السيراتو و السيفيك زي بعض بره بل بالعكس السيفيك بتبدأ بسعر اقل, ده مش معناه ان السيفيك اوحش بس يدل على انهم الاتنين بره في نفس الفئه,
انا لو هرد على النقطه دي مش هقول غير ان الكوري فعلا فيه حاجات كتير ممتازه منهم السيراتو و الالانترا لكن الالانترا مثلا الي يتنزل بره هي سياره تكاد تكون مختلفه تماما عن الي بنشوفها هنا في مصر
مش قصدي من كده ان الي بتنزل مصر وحشه لا بالعكس هي جميله جدا بس التجميع المصري مخلي المنافسه 100% لصالح الياباني الي جاي تقفيل بلده و بسعر اغلى شويه
انما السيراتو انا عن نفسي مثلا افضلها عن اللانسر و عن المازدا لانها عربيه اثبتت كفائتها بره في الدول الي هي و المازدا و اللانسر بنفس السعر

سيراتو ايه اللي تفضلها عن المازدا ، ولا السيراتو دي اصلا تتذكر في جنب المازدا ولا تقارن بيها من اي ناحية ، ومش عارف كفائة ايه اللي اثبتتها وسعر ايه بره اللي زي المازدا ، معلش الكلام ده غير صحيح بالمره ، ومن الآخر ومن غير زعل ، اللي ممعوش يشتري غير السيراتو او الأنترا ، ميحاولش يقنع نفسه انه راكب حاجه تضاهي السيفيك والمازدا ولا حتى تتذكر جنبهم ، كونك شايفها افضل بالنسبه لميزانيتك دي حاجه تانيه ، وبلاش نضحك على نفسنا !!!!!

المشاركة الأصلية كتبت بواسطة justs

سيراتو ايه اللي تفضلها عن المازدا ، ولا السيراتو دي اصلا تتذكر في جنب المازدا ولا تقارن بيها من اي ناحية ، ومش عارف كفائة ايه اللي اثبتتها وسعر ايه بره اللي زي المازدا ، معلش الكلام ده غير صحيح بالمره ، ومن الآخر ومن غير زعل ، اللي ممعوش يشتري غير السيراتو او الأنترا ، ميحاولش يقنع نفسه انه راكب حاجه تضاهي السيفيك والمازدا ولا حتى تتذكر جنبهم ، كونك شايفها افضل بالنسبه لميزانيتك دي حاجه تانيه ، وبلاش نضحك على نفسنا !!!!!

اولا انا مش عارف حضرتك زعلت قوي كده ليه,
ثانيا احنا بنتكلم و بنتناقش في وجهات النظر,
ثالثا لو حضرتك بتتكلم عن الميزانيه فانا الحمدلله معايا امبريزا 2007 كانت اغلى من مازدا 3 و اقل من السيفيك ب6 الاف جنيه, فانا كده الحمدلله مش بضحك على نفسي,
انا يا سيدي مش هقولك اني جبت الامبريزا عشان هي احسن من المازدا او الهوندا عشان حضرتك بتزعل انا جبتها عشان انا بحبها
و بالنسبه للمازدا فهي احسن عربيه في الدنيا بس الناس بتوع بره الي عاملين السيراتو في نفس المقارنه مع السيفيك دول مبيفهموش
اسف مره تانيه عشان ازعجت حضرتك

دلوقتى السيارات الكورى بقتس بتنافس مع اليبانى اصل ديه ناس بتحاول تطور نفسها اول باول وانها تستفيد من اى حاجة حوليها

ومفيش حد بيفضل على حالو امبارح كان اليبانى يكسب بكره الكورى يكسب بعده الصينى يكسب

وانا شايف ان السيارات الكوريه بجد على كفائه جميله جدا وبقت زى اليبانى

معلش انا بعد معملت المشاركه لقيت ان ردودك غريبه اوى وانحيازك لعربيتن او تلاته لو كنت اعهرف كده مكنتش عاملت مشاركه

بس سؤال هل انت ركبت النيو سيراتو الى لسه نازله عشان تحكم على حاجة

من غير متاخد فكره وتجربه بيها

وانا اسف لتواجدى هنا بصراحه

المشاركة الأصلية كتبت بواسطة pharonicking

موضوع لفت نظرى ليه اسعار السيارات الكورى ممكن يبقى ازيد من اليابانى مع اختلاف الجودة والعراقة لصالح اليابانى طبعا """ طب ليه احنابنشترى الكورى""؟؟؟؟ :k41:

طيب ليه السيارات الياباني أسعارها أغلى أو متساوية مع الاوروبي مع أختلاف فارق التاريخ الكبير ما بين أوروبا و اليابان في صناعة السيارات ؟؟؟؟؟؟؟؟؟؟؟؟؟؟


و ليه أحنا بنشتري ياباني و نسيب الأوروبي ؟؟؟؟

أجابة السؤال ده ..........

هي نفسها ............ أجابة سؤال حضرتك
فيه حاجة كمان .......... فيه شركات ممكن تكون قديمة و لكن مش على المستوى و فيه شركات جديدة بتكون أفضل من اللي أقدم منها ....
المهم التطور و التحسن ........ مش التاريخ