عرض للطباعة
الساده اعضاء المنتدى الافاضل
بعد التحية
اريد السفر الى قويسنا بالقطار
فلى اسئله
1- السفر بيكون كام ساعه ؟؟
2- هى تكلفه التذكره الدرجة الاولى و الثانية المميزة بكام ؟؟؟
3- هل يلزم انى احجز قبلها بالمحطه مصر نظرا لاقبال الشديد ؟؟؟
ياريت الافاده
شكرا مسبقا
السفر بياخد ساعه تقريبا. و لو سواق القطر ماشي كويس والمزلقانات تمام المفروض ياخد 50 دقيقة فقط.
انت بتاخد قطر وجهة بحري المتجه للاسكندرية, و اللي بيقف في قويسنا.
الحجز لازم تحجز قبلها بيومين عشان ا لموضوع يكون مضمون ليك.
سعر التذكرة 10 جنيه للدرجة الأولى مكيفة على ما اذكر. مش عارف اتغيرت مؤخرا ولا لأ. لاني مركبتش قويسنا بقالي فترة. بس مش هتتغير كتير جنيه او اتنين يعني.
و قولي محتاج تكون موجود في قويسنا الساعه كام, و هقولك رقم القطار المناسب لك ان شاء الله.
اهلا وسهلا
شكرا لك مهندس مجدى على الافاده القيمة
انا اريد ان اتواجد فى قويسنا 8 صباحا
و ايضا فى قويسنا الساعه 11.5
وهل فيه قطارات من محطه الجيزة ؟؟؟
شكرا مسبقا
و نرجو الافاده لتعم الفائده للجميع
مفيش قطارات من الجيزة على حد علمي القطارات من محطة مصر.
لو عاوز تبقى في قويسنا الصبح بدري. فيه قطار 903 بيقوم من محطة مصر 6 صباحا ويوصل قويسنا 6:50
و فيه قطر بيوصل بنها 10 ونص صباحا, ممكن تنزل بنها و تاخد عربية لقويسنا بتاخد ربع ساعه تقريبا. هتوصل في حدود 11 او 11 و ربع
شكرا لكاقتباس:
المشاركة الأصلية كتبت بواسطة هيثم مجدي
انا روحت محطه مصر و شوفت قطار 903
بس متوب فى لوحه الاسترشدات الاتى
قيام 6 و وصول قويسنا 7.30
يعنى مشوار 90 دقيقه
فهل هذا صحيح
و هل جربت قبل كدا قطار 967 بتاع الساعه 9.15
؟؟؟؟؟؟؟؟؟؟؟؟
ياريت الافاده اخى
شكرا مسبقا
903 يوصل قويسنا في ساعه ونص صعب اوي
ممكن تكون قرأتها خطأ ؟ لأن المفروض في ساعه ونص يكون داخل طنطا. و ممكن يكون عداها كمان
قويسنا دي بعد بنها على طول يعني 50 دقيقة.
967 دا مميز مش مكيف. و دول مواعيدهم مش مضمونه
ممكن يوصلك قويسنا 10 و ربع. و ممكن يوصلك 11 و ممكن بعد كدا
وكمان مفهوش حجز ولا تكييف. يعني ممكن تلاقي نفسك واقف طول الطريق
اللي متعود على بهدلة السفر مش هيفرق معاه
لكن لو انت رايح ميعاد مهم معتقدش هتبقى عاوز تتبهدل في الطريق
شكرا لك
و اسمح لى بسؤال
بخبره سيادتكم
هل فقط هذين القطارين 903 , 967 فقط اللى بيقوفوا فى محطه قويسنا
مفيش قطارات تانيه ؟؟؟
ياريت الافاده
و سؤال اخر
هل قطار 967 بيقوم مزدحم من محطه مصر ؟؟؟
ياريت الافاده
لتعم الفائده للجميع
اي قطار غير مكيف متجه لطنطا او هيمر على طنطا بيقف في قويسنا غالبا
انا مقدرش اعرف كل القطارات فمش قادر افيدك في نقطة كام قطار ممكن يقف في قويسنا
القطارات المميزة و العادية بتكون دايما زحمة. لانها بتقف في كل المحطات تقريبا
و صعب تلاقي قطار فاضي الا قليل.
اللي انصحك بيه القطار المكيف اللي قلتلك عليه
واي حاجة غيره هتكون بهدلة وتضييع وقت
معلش مشوفتش الرد بتاعك في وقته .