عرض للطباعة
سلام عليكم جميعا , يعني الكائن اللي بيبقى ماشي يتمختر على اقل من مهله و الطريق قدامه مفتوح خالص و هو متنح فيها و قافل على الناس وراه
و يا سلام بقى لما يكون طريق حارتين و هو ماشي في النص و قافل الحارتين
و الاظرف بقى , و الحتة اللي كان ممكن لو هي مش موجودة ارضى بكل اللي فات و خلاص
انه لما تدي له كلاكس ولا نور ولا الاتنين عشان يوسع ..... يطنش خااااااااالص :Copy of majd(2):
ده بيبقى في دماغه ايه ؟ حاسبها ازاي ؟؟؟؟ :_Alshmokh11:
ايه وجهة النظر من خنقته عالخلق بالطريقة دي ؟؟
اللي عارف يا ريت يقول لي
و الله فعلا بقابل الناس دي كتير و مش عارف ايه الاجابة
يا سلاااااااااااااااااام
في ناس معينة ومفيش داعي لذكر اسماء بالنسبالها المرايات والأشارات والأنوار اوبشن والظاهر كده انو اوروبي ومينفعش الأوبشن ده يستخدم في مصر لتغير الظروف المناخية والعوامل الطبيعية ما بين البلاد ولا حول ولا قوة الا بالله
فيه ناس باردة وتنحه ومعندهاش احساس ورخمه ولو فيه اكتر من كده هقول
واللى ينرفزك لما تديله كلكس يرخم اكتر
شعب همجى وغير محترم بطبعه
دى ناس معندهاش دم
وانا حاسس انه الايام
دى الناس دى كترت
ولا انا متهيالى؟
والله وبلا مبالغة من النادر جداااااااا
لما حد يرعش نور او كلاكس معايا
دائما عيني في المرأة الخلفية بالاخص
بس بشد في شعري لما الاقي حد من نفس كلامك
بس الاكتر انك تبئ ماشي والطريق مفتوح وتلائي واحد رمي قدامك بدون اي مبرر
او واحد يجي من وراك علشان يدخل دوران يمين او شمال
او واحد يجي من بعيد بيرعش ومجرد ما توسعة يجي قدامك ويمشي براحة
انا بقابل كل دولا ربنا يهديهم
احنا في مصر والله بنتعزب في السواقة
واغلب المشاوير القصيرة بقضيها مواصلات
بيبقى مش متمكن من السواقه وخايف تعدى من جنبه تخبطه
الناس دى بقت كتيره جدا . بحكم سفرى ع طريق الكريمات كتير باليل بقابل مواقف كتيره .
طب تقول ايه ع واحد ماشى ورا عربيه ف نفس الحاره وانا جاى ف حاره تانيه اول ما يشوفك بتقلب نور واشاره يروح داخل ع الحاره الى انت ماشى فيها ويقفل عليك ويمشى براحه كمان . طب انت اديت اشاره عشان تعدى وعديتك طب امشى بقى لأ
اغلبيتهم بيكونو غشم
أحيانا أكون سايق الاقي واحد من بعيد من النوعية دي .. أقول للي جنبي الراجل ده بيتكلم في الموبايل .. و يطلع فعلا كده.
و أحيانا أقول للي جنبي .. العربية دي سايقاها واحده ست .. و تطلع فعلا ست.
للاسف شعبنا بقي معظمه تنابل في كل شئ مش في السواقه بس
مبنراعيش اللي حوالينا لاننا لا نحترم ولا نقدر الاخرين
من الاخر كده مبنعملش اعتبار لحد غير لما ناخد علي نافوخنا الاول .. للاسف :(
لما بجيب اخرى بطلع ودامه وبمشى على نص السرعة اللى هو كان ماشى عليها وبخليه يجرب دقيقتين تلاتة
العالم متيسه و سايقه فى الهبل . يبقا نفسك تطلع ايدك من الشباك و ترزعه على قفاه . اللى زى دول تعالى جمبهم بالراحه و اخبطه كلكس جامد هاتلاقيه اتخض زى ما يكون صنم كان سايق
نص الشعب المصري لسه بيتعلم السواقة وقواعد المرور بالنسبة ليه ..... لوغاريتمات
قواعد المرور !! أصلا الكلمة دي مش موجودة في مصر ولا حد عارفها.اقتباس:
المشاركة الأصلية كتبت بواسطة hamo81
أنا أتحدى ان يكون 10% من اللي بيسوقوا في مصر بدون مبالغة يعرفوا معنى الخطوط الارشادية اللي على الأسفلت في الطرق أو يعرفوا الأولوية لمين لما تكون داخل على صينية.
ههههههههههههههههههههههههاقتباس:
المشاركة الأصلية كتبت بواسطة yasser100
ده عشان وهو بيتعلم اول قاعدة اتعلمها كانت بتنص على :
" اللى وراك **** "
ومن يومها وهو بيتمزج من المشى بالطريقة دى ويتكيف اكتر لما يلاقيك بتديله كلاكس
هما معندهمش مخ عشان يفكروا اصلا
الناس بتتفنن تعمل كدة علي كوبري اكتوبر و كوبري العباسية
الاحلى بقى تيجي تعدي منه ، يدوس بنزين عالاخر ويقفلها عليك !!!!!!
دى ناس بارده
لسه حاصله معايا امبارح وعديت جمبه قولتله ما هى عزبة ابوك اصلها
لاحول ولاقوة الا بالله
انا بعمل اللى حضرتك بتقول عليه بس بمبداء تانى خالصاقتباس:
المشاركة الأصلية كتبت بواسطة تامر.محمد
الطريق سرعته 100 خلاص باخد الشمال و بمشى 100 او 110 و خلاص اللى عاوز يعد و يعدى من اى حته تانيه انا ماشى قانونى و من حقى امشى على شمال الطريق و اللى بيفضل يغتت عليا علشان يعدى بشغله الانتظار
حضرتك فكرتك غلطاقتباس:
المشاركة الأصلية كتبت بواسطة ahmedcar
انا سالت دكتور طرق في الجامعه عن الموضوع ده ...قاللي لا
الشمال تخطي فقط بدون حد للسرعه و اللي عايز يتلقط رادار هو حر
يعني مش من حق اي حد يثبت سرعته عالشمال نهائي
ده يفضل فاضي تتخطي منه بس
مفيش مره الاقى حد قدامى ماشى يتمختر غير لما بيكون بيتكلم فى الزفت الموبايل
التناحة بقت اسلوب شعب فى كل حاجة
طب بالذمة كام مرة تبقى واقف فى طابور فى المرور مثلا و تلاقى واحد عامل نفسه مش واخد باله و ييجى يقف فى نص الطابور و يعمل عبيط و يمسك التليفون و ميردش عليك ؟؟
كام مرة تبقى داخل على كاشير و تلاقى حد يقولك معلش اصلى معايا 10 حتت بس دخلنى الأول
مرة فى البنك واحد دخلوه الأول عالشباك اتخانقت مع الموظف بيقوللى اصله هيودع مليون و نص (افتكرت فيلم محمد هنيدى ساعتها) بس ممشيتش الا اما جبت المدير و وقف الراجل و قطع له رقم وانا مشيت فى دورى
ودووول يجو ف ايه من اللي بيفرمل ف نزله كوبري او ف طريق سريع بدون اي سبب يذكر
الحركة دي مقرفه
اقتباس:
المشاركة الأصلية كتبت بواسطة ahmad--ezzat
و دووول يجوا ايه ف اللى بيرجع بضهره ف مدخل النفق :waaaht:
او ف اللى بيرجع بضهره ف مفترق
مش كله يا جماعة بلاش تعميم. انا عن نفسى لما كنت بتعلم فى الأول كنت غصب عنى بعمل كدة من هيبة الطريق ولسه برضه عندى الحتة دى خصوصا لما الاقى كلاكسات كثير ومحدش فاهم انك لسه مش متمكن اوى. لكن ابدا مش برود او غلاسة على حد وليه هنعمل كدة !!!!
الظاهرة دي بقت كتيرة اوي
وملاحظها ويا سلام لو مستعجل وقدامي كده والطريق ماشي وفاضي
وانا ببقي ورا وقلقان الي جي من بعيد يخبطني انا
من كتر ما ماشي ببطئ بسبب الي قدامي
فى نزله الكوبرى ممكن علشان ساعات بيكون حته نازله مره واحده فى الكوبرى او حته طالعه فبتهبد اللى راكب فى العربيه بس المفروض لو هيفرمل يدى انتظاراقتباس:
المشاركة الأصلية كتبت بواسطة ahmad--ezzat
في كباري المنازل بتاعتها بتخلي العربية تترزع في الارض من قداماقتباس:
المشاركة الأصلية كتبت بواسطة ahmad--ezzat
زي منزل كوبري اكتوبر طريق النصر الاوبل بتخبط في دايما