شكرا ً جزيلا ً لحضرتك بس يا ترى الميجان النضيفه تكون فى حدود كام موديل 2006 أو أعلى لو عن حضرتك فكرة يا ريت تفيدنى . شكرا ً لإهتمامك
عرض للطباعة
بص ياباشا بأه انا هديلك الخلاصه لاني لسه جايب ميجان 2006 هاي لاين من كام شهر:
طبعا العربيه تحفه ومش هتندم ابدا وهتحس انك راكب زيرو وبتعدي جنب اتخن عربيه براس مرفوعه :)
ولكن:
لازم العربيه تكون حاله ومش ملعوب فيها وانا لسه رادد بالتفصيل ده في مشاركه تانيه وده اللينك بتاعها ياريت تقراه هيفيدك
http://www.nilemotors.net/Nile/44074...post3875752489
اما بخصوص السعر فطبعا 2005 الهي لاين مس هتعدي ال 65 لو كانت حاله كويسه ويفضل تشوف 2006 لانهم صلحو فيها عيوب كتير مع انها مش هتفرق كتير لان معظم عيوب ال 2005 اتعملت في الصيانات بتاعتها
ولو دخلت على ال 2007 هتلاقي الشكل ده نط 10000 بس هتلاقيها عربيه افضل وفي الاخر المهم الحاله
بخصوص الفيرنا فانا اؤيد رأي الزميل اللي قال 301 وبعدها نيسان وبعدها فيرنا ولكن لو بتدور على اعادة البيع شيل ال 301 من الحسابات مع انها احلاهم
رغم ان الميجان ماتتقارش باي واحده من الثلاثه ومش هتلاقي استابيليتي مقبول غير في ال 301 لان النيو صني ضايعه على السرعات وغير القديمه نهائي لكن بنصحك لو ينفع تركب زيرو اتنازل شويه عن الفئه العاليه ولو هتركب ميجان يبقى ممكن تجيب 301 وهتنبسط بالتاكيد
واخيرا ماتقلقش من قطع الغيار نهائي التوفيقيه وصقر قريش حاجاتها مرميه هناك وغير ماهو متوقع العربيه منتشره وقطع غيارها كتيييييييييييير ومش غاليه اوي
واي استفسار انا معاك عشان انا مريت بكل التجارب ده قبلك وبالتوفيق ياباشا :satelite:
اولا توكيل رينو في العبور بس هتحتاج تحجز وممكن يكون بعد يوم او اتنين على حسب الضغط اللي عندهم وده افضل مكان
لو صاحب العربيه مش هيستناك وده غالبا يبقى فرينش موتور في الرحاب اخويا كشف على لوجان هناك وكان التقرير محترم جدا وكان في كذا ميجان بتكشف بيع هناك برضه وسعر الكشف 350 للوجان والميجان زي بعض
واهم حاجه تبعد عن الميكانيكيون العرب كشفت عندهم قبلها بشهر ب 550 وكانو من اسوء مايكون وضحكو عليا وطلعو حاجات غلط في التقرير وغيرت فيتيس العربيه رغم انهم طلعوا الفيتيس سليم
رينو العبور 0246101827
فرنش موتورز الرجاب 01016005115
الخط الساخن للتوكيل 16202 بس سامحني لو طلع غلط لاني في تسبة شك في الرقم بس عموما سهل تجيبه من الدليل
اما بخصوص فرينش موتور الرحاب فهو مش محتاج حجز روح بس من بدري تكون 9 الصبح هناك لان الفحص هياخد 3 ساعات تقريبا عشان لو ربنا وفق تخلص وتلحق الشهر العقاري
ونصيحه لو العربيه طلعت كويسه ومالحقتش الشهر العقاري خد العربيه والرخصه وبقى 2000-3000 من سعرها وتاني يوم روح اعمل التوكيل بس بعد الفحص ماتخليش العربيه تبات بعيد عنك
وربنا يوفقك
اهو الاخ اسامه سبقني هو دايما كده سباق بالخير :)))