الموضوع: استفسار عن كيا كارينز

المشاركة الأصلية كتبت بواسطة oousaoo

هاي لاين
2 ايرباج
فرامل abs
تحكم في الكاست من الطارة
بلتوث بالكاسيت والرد من الدريكسيون
كمبيوتر رحلات
جنوط 16
مرايات كهرباء
اشارة ليد بالمرايا
وسعرها من 130 الي 120 حسب الحالة

شكرا على متابعتك ..

المشاركة الأصلية كتبت بواسطة mazharsafwat

حضرتك انا سيارتى كارينز 2011 اول فئة ستيب ترونيك وفيها فوجات وزجاج فاميه (الشباكين اللى ورا والخلفى) وجنط 15 والتكيف مش تاتش والفرش قماش وبدون ايرباج واى بى اس وبها كاسيت سى دى ,(قمت بتركيب انذار ووحدتين رفع على حسابى) وهيا وكيل , لذلك اعتقد ان سيارتك خليجى واول فئة فى الخليجى لان مافيهاش فوجات. لذلك اظن انه لايوجد بها اى بى اس , راجع اوراق السيارة كويس وبالتوفيق ان شاء الله واعتقد ان المواصفات التى ذكرتها ثمنها من 115 الى 120 الف فقط وحسب الحالة لاتقل او تزيد عن ذلك واتمنى ان اكون لحقتك قبل الشراء لان اكثر من 120 هايكون مبالغ فى ثمنها جدا

مهو ده اللى مغلبنى مع الكورى الف فئه :)
هقولك مواصفات العربيه لانها فئه غريبه بردوا واشتريتها بكام

اولا العربيه وكيل (التكييف من غير شاشه ومفيش نواكل من بره)جنط سبور 16 فيها ايرباج واحد وتحكم طاره وبلوتوث وستيب ترونيك مفيهاش فوج ولا اشاره مرايا..وطلع مفيهاش اى بى اس واتعودت على فراملها وفعلا حلوه. ومع ذلك كله بيقول هاى لاين .. بس ازاى

هى الميزه الوحيده فى العربيه واشتريتها علشانها انها فبريكه بره وجوه بمعنى الكلمه ماشيه 30 الف كيلو وصالونها وكلها جديده جدا وكاوتشها جديد يعنى مش متهانه ومع واحد محافظ

واخدتها 135 بالعافيه .. وحاسس ان السعر عالى بس العربيه جديده فعلا


المشكله لما بقارنها بالفانتازيا بتقفل منها جدا .. بس هى مرحله مؤقته .. وفى اسبوعين 3 عايزين يشتروها منى استغربت فعلا ان العربيه مطلوبه بشكل غريب ..بس على ايه مش عارف :)

المشاركة الأصلية كتبت بواسطة mazharsafwat

طبعا الف مبروك وربنا يجعلها سيارة وشها حلو عليك ويبعد عنها الشر والحسد, وحضرتك هى اكيد اكيد مش هاى لاين لان مفيش هاى لاين لسيارة محترمة فى الدنيا(فوق ال105 ) مافيهاش اى بى اس او فوجات( لان الفيرنا مثلا والافيو هاى لاين فيهم فوجات لكن مفيش اى بى اس) هى ممكن تكون الفئة ما قبل الهاى لاين ومع ان السعر مبالغ فيه لان امامى كان معروض امامى كارينز 2012 هاى لاين فعلا فيها فوجات واى بى اس واشارات فى المرايا ونواكل من بره ومن جوه (مقابض واوكر من الداخل) وطبعا اير باج وجنط16 وكانت ب140 الف وممكن تنزل الف او الفين وعدادها برضه مش مكمل 37 الف كيلو .
عموما هى سيارة رائعة وعائلية ومقصورة واسعة ومريحة للعائلة ووالله انا امبارح عدت من فرح وركب معى 11 فرد 8كبار و3 اطفال ركبو فى الشنطة غير طفلين رضع كمان ههههههههههه ولم تحك فى مطب ولم اشعر بتغير كبير فى السحب لكنى لم ازيد السرعة عن 80 فى اعلى وقت, ربنا يبارك لك فيها

الله يباركلك بجد ويعطيك خيرها بس كده فيه مشكله عندى انا كنت مركب معايا 6 انا والمدام ومعانا 5 ورا اكبرحد فيهم فى اولى ثانوى وسافرت بيها مفيش مطب غير ما اخدت منه البركه لما كرهت نفسى وبعدين شغلت التكييف وانا طالع من مطب بقيت ازق نفسى لقدام علشان اساعد العربيه .. اه والله.. :) اضطريت اقفل التكييف علشان عايز اوصل بسرعه.... العربيه راكب معاك واحد بتبقى زى الفل والياسمين .. لكن هى عائليه فعلا بس متركبش العيله معاك ههههههههه... انا بدأت اتعود عليها واحبها ...

بس لانى مش حريف كورى وعارف ان فيه فئات غريبه جدا اشتريت وسئلت ناس لعيبه كورى واحد قالى ممكن تلاقى اوبشن زايد وابش ناقص وممكن اكتر فى عربيه وبردوا هايل لاين

يعنى من كلام حضرتك عربيتى فئه ثانيه مش هاى لاين .. طيب الفئه الثانيه بتكون تحكم طاره وبلوتوث بردوا