اجيب كوبلن داخلى لاوبترا اتوماتيك منين وبكام ؟؟

السلام عليكم على رجالة المنتدى الاجلاء

عربيتي اوبترا اتوماتيك

كنت عند المهندس الخلوق وصديقي العزيز هانى في سبيد سيرفيس
وطلع جرب العربية عشان موضوع الرجة اللى كان عندي (رجة خفيفة بين سرعة 70 وتختفي في 80)

وجرب واحنا ماشيين ظهرت معاه جاب الفتيس على n واحنا على سرعة اللى بتحصل فيها الرجة اختفت .. رجع الفتيس على d تانى رجعت الرجة

قالى دي كبالن داخلية

وقالى مفيش منها قلق خالص سواء في السرعات او اى شيئ سوى الرجة فقط

بس انا عشان عندي هسهس ومابسبش حاجة في العربية الا لما احب اعملها ناوي اغير الكبلن الداخلي

اتصلت بمنصور شيفورليه لقيته هناك بسعر 1590 جنيه طبعاً سعره غالى جدا

هل في اماكن برة بتبيع الكوبلن اصلى بسعر احسن من ده ؟؟
ولو فيه اماكن بتبيعه .. سعره كام تقريباً ؟؟


اخيراً بمناسبة مركز سبيد سيرفيس عايز اشكر المهندس هانى على تعبه معايا في عمل صيانة كاملة وتغيير سيور وبلي وفلاتر للعربية .. بجد العربية انا كنت بقول عليها كويسة جدا بس بعد عمل الصيانة حسيت بعربية تانية خالص معايا ..

شكرا يا هانى :)

مبروك ع الصيانة يا حسام. و انا شخصيا بشتري قطع الغيار من النجار في الحرفيين أو من فرعه التاني في شارع دمشق هو ممكن يكون أغلى شوية من برة بس عمري ماخدت من عنده قطعة غيار مغشوشة. كلة الأصلي.

اقتباس:

---

المشاركة الأصلية كتبت بواسطة ahmed.zahra

مبروك ع الصيانة يا حسام. و انا شخصيا بشتري قطع الغيار من النجار في الحرفيين أو من فرعه التاني في شارع دمشق هو ممكن يكون أغلى شوية من برة بس عمري ماخدت من عنده قطعة غيار مغشوشة. كلة الأصلي.

---

شكرا يا ابو حميد يا جميل ..
متعرفش الكوبلن سعره كام عند النجار ؟؟

معلش سؤال
هوه ممكن احرك الفتيس الاوتوماتيك من d الى n ثم الى d والعربية ماشية

انت اتأكدت ان الرجة من الكبالن الداخلية لانها ممكن تكون فى الفتيس فى المكان الى بيتعشق فيه الكوبلن الى بيسموها الكرونة بتاعة الفتيس

طيب استاذ هانى قال لحضرتك أنهى كوبلن اليمين ولا الشمال علشان بتفرق ف واحد طويل اللى هو الشمال والتانى قصير اللى هو اليمين ع العموم انا جبته من الحرفيين ب500 وتشرط ع اللى هتاخده منه ع تجربه لو فيه حاجه بتروح بالعربيه يغيرو ع حسابه وربنا ييسرلك الحال

للأسف يا حسام معرفش سعره كام؟

اقتباس:

---

المشاركة الأصلية كتبت بواسطة ofaashash

معلش سؤال
هوه ممكن احرك الفتيس الاوتوماتيك من d الى n ثم الى d والعربية ماشية

---

لما المهندس هانى عملها اكتشفت انه ممكن .. وذهلت من اللى شوفته .. بس انا كان تركيزي كله في اختبار الرجة

اقتباس:

---

المشاركة الأصلية كتبت بواسطة mostafa.mahran

انت اتأكدت ان الرجة من الكبالن الداخلية لانها ممكن تكون فى الفتيس فى المكان الى بيتعشق فيه الكوبلن الى بيسموها الكرونة بتاعة الفتيس

---

والله ده التشخيص اللى قالهولى المهندس هانى ..

وكان تشخيصه سريع وحاسم .. " كبلن داخلي "

اقتباس:

---

المشاركة الأصلية كتبت بواسطة semsem_zozo

طيب استاذ هانى قال لحضرتك أنهى كوبلن اليمين ولا الشمال علشان بتفرق ف واحد طويل اللى هو الشمال والتانى قصير اللى هو اليمين ع العموم انا جبته من الحرفيين ب500 وتشرط ع اللى هتاخده منه ع تجربه لو فيه حاجه بتروح بالعربيه يغيرو ع حسابه وربنا ييسرلك الحال

---

شكرا يا باشا على النصيحة

بس تقريبا اختلط على حضرتك الامر .. الكبلن الداخلى غير الكبالن اللى حضرتك بتتكلم عنها على ما اعتقد

اقتباس:

---

المشاركة الأصلية كتبت بواسطة ahmed.zahra

للأسف يا حسام معرفش سعره كام؟

---

انا سالت عليه يا احمد عند اولاد عشم نوار في شارع دمشق

لقيته كوري عامل 500 جنيه ..
سالته على واحد اصلى gm قالى لا مش عندي

بس انا مقلق من الكوري دي لان الفرق بينه وبين الاصلة في التوكيل حوالى 1100 (السعر في التوكيل 1590)

مش عارف اجيبه ولا لا

اقتباس:

---

المشاركة الأصلية كتبت بواسطة engboy

انا سالت عليه يا احمد عند اولاد عشم نوار في شارع دمشق

لقيته كوري عامل 500 جنيه ..
سالته على واحد اصلى gm قالى لا مش عندي

بس انا مقلق من الكوري دي لان الفرق بينه وبين الاصلة في التوكيل حوالى 1100 (السعر في التوكيل 1590)

مش عارف اجيبه ولا لا

---

و الله يا حسام أنا مش بحب عشم نوار ده خالص و في ناس هنا في المنتدى اشتكوا من قطع غيار عنده. انا لقيت نمرة النجار دلوقتي و طلبته سألتهولك اللي موجود عنده كوبلن كامل داخلي و خارجي gm أصلي بيعمل 1950 جنيه.

اقتباس:

---

المشاركة الأصلية كتبت بواسطة ahmed.zahra

و الله يا حسام أنا مش بحب عشم نوار ده خالص و في ناس هنا في المنتدى اشتكوا من قطع غيار عنده. انا لقيت نمرة النجار دلوقتي و طلبته سألتهولك اللي موجود عنده كوبلن كامل داخلي و خارجي gm أصلي بيعمل 1950 جنيه.

---

ربنا يباركلي فيك يا ابو حميد
الكوبلن الكامل الداخلى والخارجي يقصد بيه جميع كبالن العربية الداخلية والخارجية واليمين والشمال ؟؟
ولا
ايه بالظبط ؟؟