قطع غيار الفا روميو 156 استيراد

**Karim_Mohy** · 20-10-2014 01:11 AM

عربية محترمة فعلا...بس ممكن تقولنا علي الم اقف او الاعطال اللي حصلت مع اي حد من ملاكها...وتعبت انك تلاقي حد يصلحها لا اي ميكانيكي شاطر...وايه العيوب والمميزات للي ركب العربية ومجربها

**tahafrg** · 21-10-2014 01:29 AM

المشاركة الأصلية كتبت بواسطة qeneber

كل سنه وانتم طيبين وتحياتي للجميع معاكم اخوكم عبد الحميد احمد مهندس ديكور
طبعا احييكم ع المجهود الرائع الي بتبذلوه هنا وكمان ع الفكره الجهنميه الي خلتني انا بعد ماكنت بحب الالفا روميو وبعشها بس خايف منها ومن قطع غيراها بقيت مجنووووووووووووووووون بيها
انا بعت عربيتي وكنت محتار اجبها ولا لا بس الحمد لله بعد البحث والتاكد وبعد ما قرات كلامكم هنا ان شاء الله هاجيب واحده الفا روميو وقدامي كذا واحده هافاضل بينهم واشوف الانسب ليه بالنسبه للمبلغ الي معايا
من ضمنهم واحده عايزه مساعدين يا تري ممكن اعرف سعرهم كام ومين افضل واحد ممكن يركبهم
اشكركم جدا واسف ع الاطاله وتحياتي ليكم جميعا

__________________________________________________ __

المساعدين الى ورا لسه سائل عليهم الكيلانى قالى جداد 1200 وفى حد قالى انهم استيراد فى حدود 600.

**qeneber** · 21-10-2014 03:06 PM

المشاركة الأصلية كتبت بواسطة tahafrg

__________________________________________________ __

المساعدين الى ورا لسه سائل عليهم الكيلانى قالى جداد 1200 وفى حد قالى انهم استيراد فى حدود 600.

اشكرك ع الاهتمام والرد انا الحمد لله جبت واحده تانيه كويسه احسن من الي سالت عليها شكرا ليك جدا وربنا يوفقنا دايما

**hisham ammar** · 09-11-2014 06:59 PM

انا هشتري الفا ١٥٦ الحاله العامه جيده جدا
وكنت عاوز اسأل علي درجة حرارة الميه كام لأن العربيه ٢٠٠٠ سي سي و بتقرا ١٠٠ درجه علي عداد الحراره و بتعلي لما اشغل التكييف و مش عارف حلها ايه و هل يوجد صباع للحراره للتحكم و مين احسن ميكانيكي في رأيكم و كهربائي اتعامل معاه و شكرا مقدما لمعرفتكم

**mezoanwr** · 16-11-2014 12:57 PM

بخصوص اهم الأعطال عطلين مشهورين اولاً حساس الشكمان السلك الطويل لان العربية فيها 2 حساس شكمان لكن الأول هو اللى دايماً بعطل وأظن دة من رداءة البنزين عندنا -- العطل الثانى هو بوابة الهواء والحساس بتاعها ودى مشكله قابلتنى وغيرت البوابة بالحساس بتاعها استيراد بس لازم تتظبط بعد التركيب على جهاز الاسكانر الخاص بالأعطال علشان يتم ضبط القيم الجديدة للبوابة ودة تم عمله عند المهندس / ماهر بفيصل وبالمناسبة راجل محترم جداً ومتخصص فيات والفا بس ومعاة الجهاز الأصلى بتاع الشركة ... تقريباً هما دول المشكلتين اللى قابلونى فى خلال سنى استخدام عدا ذلك كله تمام .

**qeneber** · 16-11-2014 06:07 PM

المشاركة الأصلية كتبت بواسطة mezoanwr

بخصوص اهم الأعطال عطلين مشهورين اولاً حساس الشكمان السلك الطويل لان العربية فيها 2 حساس شكمان لكن الأول هو اللى دايماً بعطل وأظن دة من رداءة البنزين عندنا -- العطل الثانى هو بوابة الهواء والحساس بتاعها ودى مشكله قابلتنى وغيرت البوابة بالحساس بتاعها استيراد بس لازم تتظبط بعد التركيب على جهاز الاسكانر الخاص بالأعطال علشان يتم ضبط القيم الجديدة للبوابة ودة تم عمله عند المهندس / ماهر بفيصل وبالمناسبة راجل محترم جداً ومتخصص فيات والفا بس ومعاة الجهاز الأصلى بتاع الشركة ... تقريباً هما دول المشكلتين اللى قابلونى فى خلال سنى استخدام عدا ذلك كله تمام .

وسعرهم كام استراد البوابه والحساس بتاعها

**محمد عبدالغنى** · 23-11-2014 12:08 AM

انا من الاسكندريه ولا اعرف اين تباع قطع غيار الالفا رميو ولا مين الصنايعيه اللى بيشتغلوا فيها وهل هناك توكيل او مراكز صيانه لها ارجو الرد وشكرا تليفونى 01224903440

**qeneber** · 23-11-2014 12:28 PM

المشاركة الأصلية كتبت بواسطة محمد عبدالغنى

انا من الاسكندريه ولا اعرف اين تباع قطع غيار الالفا رميو ولا مين الصنايعيه اللى بيشتغلوا فيها وهل هناك توكيل او مراكز صيانه لها ارجو الرد وشكرا تليفونى 01224903440

اتمني حد من اليكس يرد عليك لاني من القاهره وكل الي اعرفهم هنا تحياتي ليك وبالتوفيق

**Arashad1754** · 26-12-2014 08:14 PM

لوسمحتوا يا جماعه هيا الأسعار دي زي ما هيا ولا زادت كتير

**tahafrg** · 27-12-2014 12:39 PM

المشاركة الأصلية كتبت بواسطة arashad1754

لوسمحتوا يا جماعه هيا الأسعار دي زي ما هيا ولا زادت كتير

زى ماهيه والمفروض تقل كمان خصوصا مع اول السنه 2015 وانخفاض الجمارك عن الاوروبى 10% , الى داخله فيه الالفا روميو ده لو الدولار مرفعش بنفس النسبه طبعا وضيع التخفيض.