شــ الهــرم ــارع ، حرام بجد اللي بيحصل ده ؟؟ من العريش لميدان الجيزة يوميا ف ساعه

**sameh_egy1** · 24-10-2008 10:36 PM

سلام عليكم ،
بجد انا إتخنقت ، ساكن في شارع الهرم في إسباتس رحلتي اليوميه من هنا لغاية شغلي في ميدان الجيزة
زحمه من بداية محطة التعاون من عند المعهد العالي للدراسات المتطورة و مدرسة الفاروق لغاية كايرو مول - طريقة المشي مابشوفش العداد عندي بيتحرك !! كله لازق في بعضه بعد كايرو مول يا دوب تجري بسرعه 20 كم هاتنقل عال تاني وتقف بعدها شويا لغاية الطالبيه وهنا خليك واقف بتاع 10 ق اواكتر و ممكن تمشي خطوه خطوه . . . . . . .
تتفك بعدها و ممكن تجيب ال 40 كم لمدة دقيقتين و تقف وعندك 10 ق تاني لغاية ما تعدي اللفه اللي عند سينما رادوبيس و دي لوحدها كارثه

لغاية ماتوصل لمحطة الخزان . . . . . :k41:. . . . . . . وخلاص تفقد اعصابك وعندك كمان 10 ق لغاية ماتوصل نصر الدين ، وهنا اهلاً بقي اللي جي من العمرانية يميناً و اللي جي من ش الهرم علي طول (( الحل هو الأتوماتيك )) و هباااااه تسحب بسرعه....:k20:..... يقابلك نفق نصرالدين طبعاً هو 3 حارات واعقبال ماتخلص النفق فيها من 4 : 6 ق يقابلك مشكله اللي خارج منه رايح يمين ناحية ش ربيع الجيزي و اللي طالع الكوبري الأغلبيه مطلع الكوبري حارتين عندك بقي العربيه اللي من اليمين عاوزه تروح شمال ، و اللي من الشمال عاوز يروح يمين :k41: و اللي واقف علي مطلع النفق و فجأه عربيته تريح منه :ack2: عليك !! ............... تطلع الكوبري بقي يقبلك اللي جي من فيصل و رايح نزلة الرمد و اللي جي من ناحية المجمع ورايح ناحية نزلت الجامعه و العكس فوضي :err: مافيش حد بيسمع حد !!

المهم نزلت مراد أخيرااااااااً
ووصلت متأخر عالعاده و يتخصملي من بعد العيد ...

عاوزين نشوف حل لشارع الهرم ؟؟

انا معرفش بقي ظروف المريوطيه ايه و لا الرمايه مالهاش حل ؟؟

البلد أصبحت زحمه بشكل :k41: يخنق ؟؟

**ecybrarian** · 24-10-2008 10:43 PM

بلدنا فيها كل العيوب إللي عيب واحد منهم كافي بوقف حال أجدع شارع. عيوب تخطيط وعيوب سواقة وعيوب إدارة مرور

**Nile_Storm** · 24-10-2008 10:51 PM

انا في نفس مشكلتك
بس بهب من خاتم المرسلين و ترسا
الكوبري ده حل ازمه هيبقي ادامك اختناقين بس
الاول عند منزل الكوبري و التاني عند فكيهه

و مش بسوء اختناقات الهرم

**دموع الثلج** · 25-10-2008 12:01 AM

انا برضوووووووووا بزوغ احيانا فى اوقات معينه من شارع ترسا الى الكوبرى اللى بعد سوق السيراميك
مع الحته دى قبل مدخل الكوبرى غير ادميه والناس هناااااااااااك مش عارفه سواقين تكاتك داخلين فى سواقين ميكروباصات فى ناس ماشيه فى نص نقل محمل

المهم بستحمل اطلع الكوبرى اتحنق بعد النزله لحد مااوصل شارع ترعه الزمر منه على النفق

بس ده مش حل لان ايام السوق بتاعه السيراميك بيكون اللى مضحى بعربيته يعدى من النص النقل اللى بتحمل سيراميك والميكروباصات الفولكس

**Nile_Storm** · 25-10-2008 12:09 AM

اهو يا دموع حل ممكن يستخدمه
انا اصلي انتحاري و برمي نفسي عليهم :)

بتحول هناك لزومبي غير ادمي زيهم ههههههههههههههه

**sameh_egy1** · 25-10-2008 12:11 AM

المشاركة الأصلية كتبت بواسطة Nile_Storm

انا في نفس مشكلتك
بس بهب من خاتم المرسلين و ترسا
الكوبري ده حل ازمه هيبقي ادامك اختناقين بس
الاول عند منزل الكوبري و التاني عند فكيهه

و مش بسوء اختناقات الهرم

هههههههه
مش حل والله ، بعملها كتير و اوقات بسيب ترسا و بمشي من العروبه و بعد كده ثلاثيني العمرانيه و بعد كده كوبري العمرانيه الي ساقية مكي و بعدها ش ربيعي الجيزي ثم كوبري الجيزة ثم متأخر بردوا علي شغلي:k49: و خصم نص يوم في الأخر

حرااااااااااااام

**دموع الثلج** · 25-10-2008 03:00 AM

المشاركة الأصلية كتبت بواسطة sameh_egy1

هههههههه
مش حل والله ، بعملها كتير و اوقات بسيب ترسا و بمشي من العروبه و بعد كده ثلاثيني العمرانيه و بعد كده كوبري العمرانيه الي ساقية مكي و بعدها ش ربيعي الجيزي ثم كوبري الجيزة ثم متأخر بردوا علي شغلي:k49: و خصم نص يوم في الأخر

حرااااااااااااام

يالهوووووووووووى لا كله الا شارع المخروووووووووووبه ده (العروبه) ترسا ابن حلال ومؤدب جمبه

اول مره اشوف شارع الاسفلت بتاعه على شكل مرتفعات وهضاب وتلال
وووشعارهم فى المنطقه دى توكتوك لكل مواطن :D:D

**ashrafE51** · 14-12-2008 03:47 PM

لابد من جعل الشارع علي طول الطريق بدون اشارات كثيرة وايضا تواجد لرجل المرور بموتوسيكلات علي طول الطريق لعدم توقف السيارات العشوائي ___
والاقتراح الافضل لشارع الهرم وفيصل بجعلهم طريق اتجاة واحد فقط - فثملا الهرم طرق واحد خارج وفيصل طرق داخل --- والغاء اشارة دخول السيارات من نزلة كوبري فيصل للهرم ...
وعمل نفق بطريق البحر الاعظم عن مدخل اشارة كوبري العمرانية ___ بشارع البحر الاعظم . بالتالي يقلل الزحام للنازل من كوبري الدائري وايضا الضغط علي شارع الهرم .....
وايضا ياريت يتم عمل كوبري يعبر الطريق من شارع العمرانية حتي الطريق الاخر ...

**fadynabil** · 01-01-2009 02:27 PM

المشاركة الأصلية كتبت بواسطة ashrafE51

لابد من جعل الشارع علي طول الطريق بدون اشارات كثيرة وايضا تواجد لرجل المرور بموتوسيكلات علي طول الطريق لعدم توقف السيارات العشوائي ___
والاقتراح الافضل لشارع الهرم وفيصل بجعلهم طريق اتجاة واحد فقط - فثملا الهرم طرق واحد خارج وفيصل طرق داخل --- والغاء اشارة دخول السيارات من نزلة كوبري فيصل للهرم ...
وعمل نفق بطريق البحر الاعظم عن مدخل اشارة كوبري العمرانية ___ بشارع البحر الاعظم . بالتالي يقلل الزحام للنازل من كوبري الدائري وايضا الضغط علي شارع الهرم .....
وايضا ياريت يتم عمل كوبري يعبر الطريق من شارع العمرانية حتي الطريق الاخر ...

أؤيدك في الرأي

**karimzein4444** · 02-01-2009 01:58 AM

ازيكوا يا جماعة
بص هو الحاجه اللى تغيظ فعلا هى بلطجية سواقين الميكروباص ( الفلوكس والجمعية التعاونية )
1- الفلوكس :
ماشى بالسرعه اللى تعجبه وفى الحارة اللى تعجبه يعنى مثلا هاينزل واحد وماشى ع الشمال وفجأة ييجى يمين . ونيجي لموضوع الوقوف فالباشا بيقف فى أى مكان فى الدنيا وتفضل العربيات تزمر للصبح ولا حياة لمن تنادى . زمان وانا ف اسكندرية كانوا عاملين موقف سيرفيس فى كل محطة يقف فيه الميكروباص وكان محفور فى الرصيف بشكل ان الميكروباص يدخل فيه ساعة ما يركن ينزل حد وف نفس الوقت مايعطلش الطريق .
2- الجمعية التعاونية :
بسبب حجمه الكبير فهو خانق الدنيا وده بيغرى السواق والتباع أنه يملا الاتوبيس على قد ما يقدر لدرجة انى ساعات بحس وانا جنبه انه هايتقلب على جنبه عليه وهايفعصنى . وبرضه يقف فى أى حته وياخد زبون من أى حته وماشى على الطريق شوية يمين وشوية شمال وشوية ف النص .
أين المسؤلين عن المرور فى البلد لوضع حد للمهزلة دى ؟
أنا مش ضد الرزق ومش ضد ان السواق يشتغل ويلقط رزقه وعارف أن العيشه نار وان البنزين غلى . ماشى ياعم سوق براحتك واشتغل زى مانت عايز لكن بالعقل .

الموضوع: شــ الهــرم ــارع ، حرام بجد اللي بيحصل ده ؟؟ من العريش لميدان الجيزة يوميا ف ساعه

LinkBack

أدوات الموضوع

عرض

شــ الهــرم ــارع ، حرام بجد اللي بيحصل ده ؟؟ من العريش لميدان الجيزة يوميا ف ساعه - انشر الموضوع فى :

-

-

-

-

المواضيع المتشابهه

بجد حرام اللى بيحصل دة الواحد تعب

حرام بجد اللي بيحصل في الفيديو ده ... دا ولا الدول النايمة !!

مش حرام الي بيحصل في العربيات في مصر ؟

والله حرام الى بيحصل

الكلمات الدلالية لهذا الموضوع

المفضلات

المفضلات

ضوابط المشاركة