العربية بتقطع

**Ahmed-SAMIR** · 15-09-2014 05:13 PM

النهاردة العربية قطعت بنزين وجيبتلها جركن علشان اوصلها لأقرب بنزينة بس لما دارت لقيت لمبة الـ check لكن كانت ماشية عادى ودخلت فولتها ولقيت اللمبة مش راضية تطفى مع انى حرقت عليها جامد وقلت يمكن لو فى شوائب تتنطر وبعد ما مشيت بشوية كمان لقيتها بتبطل كل ما ارفع رجلى عن الدواسة و سحبها زى الزفت مع انها راحت البنزينة عادى جدا وغالبا كده هى متلتة بس مش عارف انزل منها وهى دايرة اجرب البوجيهات لأنها زى ما قلتلكم بتبطل ولمبة الكونترول بقت بتنور لدقايق وتطفى لدقايق بعد ما كانت منورة طول الوقت

وشكى دلوقتى ما بين حاجتين :
1- الرشاشات اتسدت من الشوائب اللى فى التانك او بواقى الزيت اللى كانت فى الجركن
2- البوجيهات جابت اخرها وانا بصراحة مش فاكر عاملة كام الف بس هى بقالها كتير يمكن اكتر من سنة او سنة ونص وصادف انها انهارت تماما النهاردة مع العلم انى بقالى فترة طويلة بشتكى من اسحب لكن ما فكرتش فى تغييرها لأن مشكلة السحب مش دايمة وانما ساعات وساعات مش عارف ليه لحد ما زهقت منها وبطلت ادور على سبب العيب

شكرا لوقتكم واسف للاطالة

**Mecha** · 15-09-2014 07:13 PM

يا يفلتر البنزيم انكتم
والطرمبه سفت طينه

**tarek_2005** · 16-09-2014 09:11 AM

لمبة تشك = اسكان

**Ahmed-SAMIR** · 16-09-2014 10:29 AM

المشاركة الأصلية كتبت بواسطة mecha

يا يفلتر البنزيم انكتم
والطرمبه سفت طينه

نفخت فى الفلتر عكس اتجاهه وفعلا لقيته منزل زباله والعربية بدأت تفوق شوية وصوتها بدأ يهدى لكن لمبة التشك لسه منورة وان شاء الله فى اقرب فرصة اغير فلتر البنزين خالص واشوف النتيجة

**Ahmed-SAMIR** · 18-09-2014 02:24 PM

بعد ما دوخت وغيرت البوجيهات والفلاتر كلها وانا بغير فلتر البنزين لقيت الخرطوم الرفيع اللى خارج من حساس الماب واقع من مكانه على المنافول واول ما ركبته العربية رجعت لحالتها الطبيعية تانى الحمد لله

شكرا لكل اللى حاول يساعد