بعد اللي حصل ده ..لالالالا لثرموستات الكوع ولو عليها فلوس
ليا واحد صاحبي معاه عربيه سوزوكي التو 2009 ..العربيه معاه من الزيرو ..وهو على فكره راجل محافظ جدا على حاجته ..ومحافظ جدا على صيانات عربيته ..وحافظ كل صيانه بيتعمل فيها إيه ..وكل صياناته في التوكيل ..وعربيته عامله تقريبا 39000 كيلو ..ومبيروحش غير التوكيل ..الحاجه الوحيده اللي بيعملها بره هي شغل العفشه فقط
بتكلم معاه من كام يوم لقيته بيقولي ..بس الميكانيكي اللي روحتله آخر مره ده كويس على فكره ..أنا بصراحه إندهشت:what: ..ورفعت حاجبي كده وقلتله ..ميكانيكي :U_thin1[1]:..وآخر مره ..هو إنت من إمتى بتروح لميكانيكيه ..الله ..إنت سبت التوكيل ولا إيه :Copy of rfds:..
قالي إيه ده ..هو إنت متعرفش ..قلتله معرفش إيه ..قالي مش من كام شهر كنت راجع بليل أنا والعيال ومراتي من المعديه ..والمعديه دي منطقة عندنا في إسكندريه بعد أبو قير تقريبا ..وبعدين فجأة لقيت العربيه سخنت مني:_Alshmokh11: ..قلتله سخنت ..إزاي ..ده إنت مياهك خضرا وموبيل كمان ..يعني من الغالي..وزيتك من التوكيل:tumb: ..إزاي عربيتك تسخن ..قالي آه زمبؤلك كده ..قلتله وبعدين عملت إيه ..قالي إتصلت بواحد حبيبي قوي حكيتله إداني نمرة ميكانيكي قالي إتصل بيه وشوف ممكن يجيلك ولا لأ ..وبعدين إتصلت بالميكانيكي قالي حاول تقرب بالعربيه نواحي العصافره كده عشان أقدر أجيلك بمواصله واحده وأجيلك أسرع بدل ما أجيلك بكذا مواصله وأتأخر عليك ..فأنا بقول لصاحبي ..بس العربيه بتسخن..مشيت بيها إزاي:waaaht: ..قالي ما أنا إضطريت إني أعمل كده لإن المنطقه اللي العربيه عملت فيها الدنيئه صعبه قوي ..من حيث إنها منطقه مقطوعه وفيها زراعات والوقت كان متأخر:help1:..والمنطقه دي كانت قبل المعموره البلد وهو جاي من الطابيه ..قلتله وبعدين ..قالي مفيش ..سايستها كده لغاية ما وصلت للعصافره ..منطقه عمرانه بالناس:bravo: ..والميكانيكي جالي وقطرنا العربيه لغاية العجمي لغاية ما وصلنا الورشة بتاعته وطبعا كنا دخلنا على وش الفجر:8954[1]: ..سبتها عند الورشه بتاعته وتاني يوم إبتدى شغل فيها وطلع العيب إن ثرموستات الكوع قافش ومفتحش:Copy of majd(4): ..فأنا بقوله طيب مكانش فيه أي مؤشرات إن العربيه تبريدها مش متضبط قبل موضوع ثرموستات الكوع ده ..مثلا بتسخن على السرعات العاليه:U_thin1[1]: ..بتسخن في الزحمه:U_thin1[1]: ..قالي ولا كان في أي حاجه ..ده حتى وأنا رايح بيها لنسايبي كانت ماشيه زي الفل ولا فيها حاجه..:verygood: وطبعا كان متوقع جدا إنها تكون جابت جوااااااااااااان وش سلندر ..طبعا الجوان إتعمل والوش خد مسحه ..والعربيه بقت تمام التمام
الروش بقى في الموضوع إن عربيتي أخت عربيته ..بس 2008 ..وثرموستات الكوع عندي متشال ..مش أنا اللي شايله ..ده أنا واخدها من صاحبها كده ..وبصراحه ..من كتر المواضيع اللي قريتها هنا في المنتدى ..وإزاي إن ثرموستات الكوع دي بتحول العربيه لمركبه فضائيه ..بتمشيى من غير بنزين..وإنها بتطول عمر المحرك وتخليه يقعد معاك بتاع 60 سنه ميعمرش ..كانت مزقزقه في دماغي إني أركبها ..لكن بعد الحادثه دي ..فأنا بقول لثرموستات الكوع ..لالالالالالالالالالالالا لا وألف لا ..ولا إنها تقفش ..ولا إني أقف في طريق مقطوع في نص الليل ..ولا إن العربيه تجيب جوان وش سلندر ..وإن كان على إستهلاك البنزين الزياده ..مش مشكله ...أحسن من حرقة الدم
