-
عاوز دكة بنش بحامل بارات
السلام عليكم ورحمه الله
أخواتي الاعزاء
نظرا لضيق الوقت فقد قمت بعمل جيم منزلي مكون من مشاية وشوية دمابلز وشوية طارات وبار عالي وبار زجزاج وكنت أبحث عن دكة بنش عشان العب عالي ومستوي واقدر امارس تمارين الظهر والكتف
شوفت الانواع العادية اللي انا شايفها فوجهة نظري مستحملش عيل صغير
ولقيت سعرها يترواح من 700 الى 1300 جنيه
علما بإني من سكان م نصر
رحت عند سبورت مول امام جنينة مول وروحت سبورت شو بالحي الثامن ولقيت عنده وحدة صناعة محلي بيقولي سعرها 2500 جنيه وهستلمها كمان أسبوع اومال لو مستوردة هتبقا بكام
ورحت مصر الدولية الحي السابع لقيت بدايت اسعار المحلي 2500 والمستورد بيبدأ ب 3000 جنيه
ورحت ويدر حي السفارات
وكان عنده وحدة بحوالي 1500 جنيه كويسة جدا لكن لغايت ماخدت قرار كانت اتباعت وهيجيله بعد شهرين
حد يقدر يفيدني اقدر الاقي ترابيزة محترمة فين بالظبط علما بإني من سكان م نصر
مع العلم اني رحت برضه ابو الجوخ وكان الحاجات عنده متواضعة وسعرها من 1300 الى 1700
تحياتي
-
متابع .. سمعت ان الحاجات دى بتتعمل عمولة كمان
-
!!!!!!!!!!!!!!!!!!!!!!!!!!!!!!!!!!!!!!!
-
كلامك صحيح بتتعمل عمولة بس تلاقي حد تعرفة
-
ممكن تشوف حداد او الناس اللى بتعمل اثاث معدنى واديلة صورتها وبعد كدة اعملها سفنج وجلد
ومش هاتكلفك المبالغ دية
Content Relevant URLs by
vBSEO 3.6.0 PL2