عرض للطباعة
السلام عليكم , أنا كنت عايز أعرف إيه مزايا و عيوب نيو صنى أعلى فئة لأنى مايل ليها بس فيه ناس بتخوفنى من الفرامل و من الإتزان إنها مش ثابته بسبب تصميمها اللى خلى وزنها أخف و جه على حساب الثبات و كمان الأداء مع الموتور 1500 سى سى و نصحونى أبص كده على البيجو 301 و هى عربية جميل ما شاء الله و كماليتها أكتر .
أصبحت فى حيرة و أتمنى إن شاء الله تساعدونى.
شكرا ً لإهتمامكم .
نسيت أذكر إنى بتكلم عن النيسان الهاى لاين و البيجو ال 301 الهاى لاين برضه
و يا ريت أستفاد منكم .
بص يا كبير نصيحة من واحد ركب العربيتين و حاليا معايا النيو صني سوبر صالون : ابعد عن الاتنين بلااااش نيسان ولا بيجو من الاخر هاتلك شيفورليه اوبترا الشكل القديم لان فى جديد صناعه صينى و القديمه كوري او كيا ريو او اكسنت rb
لو العربيه محمله 5 افراد فما شاء الله اداء الموتور فوق الممتاز فعلا تكنولوجيا ياباني و سحب العربيه جبار نظرا لخفة وزنها
بالاضافه ان ارتفاع العربيه و نعومة العفشه بيخليها سوبر عربيه للطرق المصرية و المطبات الغير ادميه
و ده هيوصلنا للنقطه التانيه
لو العربيه مش محمله و ده اللي لاحظته فوزنها الخفيف و ارتفاعها بيكونو عامل سلبي علي الطرق السريعه و اخرك بيها 100 او 120
العربيه هتشد معاك و كل حاجه بس هتحس انك راكب مرجيحه
بالنسبه للبيجو 301 فخش بص علي اراء ركابها
يا ريت يا جماعه أى حد عنده رأى أو اقتراح يشاركنى بيه أكيد هيكون مفيد بالنسبالى فيه مشاهدات كتير لكن محدش قال رأى أو اقتراح أو أى حاجه .
طب البيجو 301 لأ ليه ؟ و فيه ناس بيقولوا إنه الأكسنت مش حلوه فيه مشاكل تقريبا ًاقتباس:
المشاركة الأصلية كتبت بواسطة hatahet
شكرا ً لإهتمامك أنا مكنتش متوقع حد يرد بصراحه .
أفهم من كلام حضرتك إنى لو بسوق لوحدى على طرق تبقى غير محبذه لأنها مش ثابتة بالقدر الكافى و غالبا ً هتكون فيه مشكله فى ده صح كده ؟اقتباس:
المشاركة الأصلية كتبت بواسطة ashrafwolf
شكرا ً جدا ً لإهتمامك تانى حد يرد عليا جزاك الله خير
و برضه فى عيب فى الأوبترا من ناحية الشكل أنها قديمه من جوه و من بره و نزل شكل كمان بعدها أما من الناحيه الميكانيكيه أو الإعتماديه أو الرفاهيه ف أنا لا أعلم عنها شئاقتباس:
المشاركة الأصلية كتبت بواسطة hatahet
بص يا باشا
الصنى عيوبها انها مش ثابته على السرعات العاليه وفى صفاره مع الفرامل من التيل والكاوتش سىء وصاجها ضعيف وكان حصل كام مشكله فرديه ان العربيه بتتخبط والايرباج مبيفتحش
301 عيوبها نتشه فى الغيار الثانى والسحب ضعيف مع التكييف فى الاوتو وتوكيل سىء واعاده بيع وقطع غيار مش كويسه
المتسوبيشى الشارك الشكل الجديد أول فئة أوتوماتيك وسيبك من كل ده أو مازدا 3 لو بتحب غبور والتميز مع أنى ما أنصحش بالمازدا
أنا حابب أوجه شكر خاص لحضرتك بصراحه و جزاك الله كل خير ده بعيدا ً عن المشاركه .اقتباس:
المشاركة الأصلية كتبت بواسطة j a g u a r
أما عن مشاركة حضرتك السؤال اللى أكيد لازم أسئله ترشح إيه كبديل ؟
شفت أول فئه بس فاضيه أوى مفيش فيها كماليات تقريبا ً و المازدا مش بفضلها بصراحه لأنها مخسوف بيها بعد الشراء فكل حاجه تقريبا ً يا ريت اقتراح اخر أكون شاكر لحضرتك جدا ً . شكرا ً لإهتمامكاقتباس:
المشاركة الأصلية كتبت بواسطة adel_edrees
الكروز الجديدة كورى بالكامل تحفة فنية بمعنى الكلمة شوفها واحكم بس هى هتعدى150 الف اخر مرة شفتها فى منصور كانت بالسعر دة من شهرين بس عالم تانى وعلجو موضوع الفتيس الى كان فى مشكلة
اقتباس:
المشاركة الأصلية كتبت بواسطة .Mohamed Abdo
انا مش عارف الناس بتشتكى من الثبات ولكن للعلم انا كنت بشد انا وواحد صاحبى انا بالتيدا وهو بالنيو صنى الهاى لاين....واحنا الاتنين كنا مشغلين التكييف وماشيين على 190 كم/س على طريق السخنه واخدنا تقريبا الطريق كله كدا ....وبسم الله ما شاء الله العربيه كانت ماشيه 100100 ولا اى حاجه ......مش حنكر ان الواحد بيكون مقلق بعد ا140 بس حستش خالص ان هو كان بيعوم او بيتمرجح على الطريق.
يا راااجل حرام عليكاقتباس:
المشاركة الأصلية كتبت بواسطة ahmed_selmy
طيب وايه نظام الرادار
مش شرط تحس بيها من بره وهيا بتعوماقتباس:
المشاركة الأصلية كتبت بواسطة ahmed_selmy
ممكن تكون بتعوم ومش حاسس بكده غير اللى راكب
انا معايا العربية بقالها حوالي سنة و 7 شهور ... و عن تجربتي الشخصية ما ندمتش في حياتي على اي حاجة غير شراء العربية دي ... و اقسم بالله العظيم انا حاسس دلوقتي اني راكب قطعة خردة مجمعينها على انها تبقى عربية و خلاص ...
و للامانة الموتور سحبه كويس و العفشة ناعمة دي ميزة العربية
العيوب بقا ...
بلي عجل بيبوظ مع نفسه و بدون سابق انذار و اقسم بالله تاني ركبته في الضمان و طلعت بالعربية بعد 3 ايام بالعدد باظ تاني و لما رجعت لهم رفضوا يغيروه
تيل فرامل هيتغير كل 8:10 الاف كيلو كأقصى حاجة
الطنابير مش هتستحمل معاك فوق ال 30 الف كيلو و لازم تتغير بعد كده
العربية فوق ال100 كيلو بتبقى هي و ورقة الشجر في الهوا بنفس القدرة على الثبات ثبات زي الزفت إلا لو العربية فيها ال 5 افراد هتبقى ثابتة
التوكيل التعامل فيه كأنك رايح تاخد منهم صدقه ... المعامله زي الزفت و العربية بتدخل بعيب بتطلع بنفس العيب
=================
انا انصح حضرتك تشوف اي عربية تانية .. البيجو على حسب ما شفت في المنتدى هنا انها فيها مشاكل في الفرامل بردو و التوكيل بتاعهم زي الزفت ... في نفس الفئة حضرتك ممكن تلاقي الستروين الأليز لكن انا شخصيا ما اعرفش هل عربية كويسة و لا لأ .. لكن خلاصة القول عشان فلوسك اللي تعبت فيها ما تندمش عليها بلاش العربية النيسان الصني دي خالص
و ربنا يوفقك في الاختيار .
بص يا كبير البيجو اسوء مافيها التوكيل ناس كتيير اشتكت منه تانى حاجه الكبوت فوق الاكصدام مباشرة يعنى الصدر قصير و اى تريحه قدام بتاثر علي الكبوت دا غير ان اماكن الاوبشن متغيرةاقتباس:
المشاركة الأصلية كتبت بواسطة .mohamed abdo
و الاكسنت هربيه جميله و كويسه انا مسمعتش عنها مشاكل كبيره و كفايه ان توكيلها مع غبور
النيسان مشاكلها كتير زى الفرامل و العفشة نشفه شويه و تقفيلها بيكون فيه مشاكل
اوبترا قديم .....نيسان قديم ....بيجو 301 ..بالترتيب لو بتلعب في من 120 الف الي 130 الف
شارك فئه تانيه ....كروز ....بيجو 301 هاي لاين لو بتلعب من 140 الي 150
190 كيلو ب نيسان صنى مش قليل ده و ألا أيه 190 بنيسان صنى طيب أنتوا لما نزلتوا ماسألتش صاحبك كان مسيطر عليها أزاى ياريت تفيد الأعضاء و أنا منهم أنا بقى مقلق منها بعد 110 كيلو فما بالك ب 190 كيلو يا عمنا العربية دى كبيرها 120 كيلو و ده على فكرة كويس مش وحش بالنسبة الى أنها سيارة مدينةاقتباس:
المشاركة الأصلية كتبت بواسطة ahmed_selmy
حاضر إن شاء الله أبص عليها و أشوف سعرها كام شكرا ً لإهتمامك بس لو فى السعر ده ممكن تدخل السيراتو كمان ؟اقتباس:
المشاركة الأصلية كتبت بواسطة moumen_hs
أنا مش عارف أقول لحضرتك إيه غير إنه ربنا إن شاء الله يعوض عليك بحاجه أفضل و يجنبك شرها يا رب و شكرا ً جدا لإهتمامك و مشاركتك و إن شاء الله أبعد عنها و استفدت كتير منك شكرا ًاقتباس:
المشاركة الأصلية كتبت بواسطة ramiabbas
شكرا ً جدا لإهتمامك طب يا ترى حضرتك تنصحنى بإيه ؟اقتباس:
المشاركة الأصلية كتبت بواسطة hatahet
شكرا ً جزيلا لإهتمام حضرتك .. يا ترى هيونداى أكسنت Rb و ريو و سيراتو أول فئه تدخل معاهم ولا لأ و حضرتك تفضل أنهى بشكل عام ؟؟اقتباس:
المشاركة الأصلية كتبت بواسطة د.عماد صلاح
التيدا أفضل من الصنى على حسب معلوماتى كموتور و كعفشه و ثبات و أداء و كل حاجه تقريبا ً و يا ريت تفيدنى بمعلومات أكتر عنها و يا ترى لو حبيت أجيب تيدا 2010 تكون فى حدود كام ؟اقتباس:
المشاركة الأصلية كتبت بواسطة ahmed_selmy
الشارك اول فئة فاضية وماتتركبش.. المازدا 3 تبدأ من 185000 ;-) ولصاحب الموضوع الصني كنت مسافر بيها اسكندرية /القاهرة رايح جاي من 140 ل 160اقتباس:
المشاركة الأصلية كتبت بواسطة adel_edrees
بس فعلاً بعد 120 تخلى بالك غير كده عادي جدا العربية زي الفل وعايز أسأل أخونا اللي بيقول عفشة الصني ناشفة.. ياراجل حرام عليك بذمتك أنت متأكد أنك بتتكلم عن الصني!!!!
من واقع تجربتي بلاش النيو صني واحد صاحبي معاه النيو صني و انا باخدها منو كتير العربيه صاج ضعيف اي خبطه بتأثر فيه و ثبات لحد ال 120و مش بتاعت غرز و الكلام داه نهائي هي عربيه عائليه جدا و ك مجمل هي عربيه مش وحشه بس العربيه ليها مميزات برضوا
1-عفشه ناعمه
2-استهلاك بنزين قليل
3-واسعه جدا من ورا
4-صيانه سهله جدااا
الاربع حجات دول تتفوق فيها نيو صني عن بيجو 301 , مع العلم ان بيجو 301 كويسه جدا و مسمعتلهاش مشاكل كتير و بتحاول تثبت نفسها في السوق المصري, و لو حضرتك بتفكر في الهاي لاين ما بين الاثنين فا البيجو 301 الهاي لاين فيها اوبشنز اكتر زي فتحه سقف مثلا و شكلها احلي من النيو صني (اختلاف ازواق) و برضوا خضرتك اسأل في قسم بيجو عن بيجو 301 اكيد هايفيدوك عن العربيه اكتر. بس من وجهه نظري بيجو 301 احسن من نيو صني و في الاخر كل عربيه فيهم فيها ميزه بتتفوق بيها علي التانيه مثلا ثبات البيجو 301 احسن من نيو صني فشوف حضرتك ايه المميزات اللي انتا عايزها
و بناء عليه هتعرف تقرر تشتري انهي عربيه فيهم
ياجماعة سؤال.. كام عربية بيجو 301 ممكن تقابلها وانت ماشي في الشارع..!!!!
وياريت ماحدش يقولي الانتشار مش معيار..
شوف حضرتك كام عربية الانترا ماشية في الشارع و كام عربية سيراتو أنا بأتكلم عن الشكل الجديد هل ده معناه أن الألنترا أحسن من السيراتو لألألألألألألألألألألألأل ألألألألأ طبعااقتباس:
المشاركة الأصلية كتبت بواسطة medo-312
الاثنين ماليين الشارع.. هههههه.. وبعدين يااستاذ عادل كل ماارد عليك هاتلاقي نيو سيراتو بتاعتي منورة في التوقيع.. منتشرة بقى والا مش منتشرةاقتباس:
المشاركة الأصلية كتبت بواسطة adel_edrees