قانون المرور اتلغى؟؟؟؟؟؟؟؟!!!!!!

سلام عليكم يا جماعة
انا بجد في سؤال نفسي اساله بقالي فترة :
هو ايه نظام قانون المرور الجديد و الحزام و كل الكلام الكبير و الأفلام اللى حصلت في البلد دي
يعني في بداية تطبيق القانون كان الالتزام بيه عالي جدا و عساكر المرور فعلا بيحرصوا على كده
بس دلوقتي (على الاقل عندنا في اشارة رابعة العدوية) مبقتش بحس ان الموضوع ده لسه زي الاول و لا حد ملتزم و لا حاجة .....قليل اوي لو حد معدي و لا حاجة بنحس بقلق غير كده لأ
يا ترى هو زي اي حاجة في مصر في الاول بيبقى الموضوع كبير و في الاخر بيطلع على مفيش و لا ايه النظام
يا ريت حد يقولي ده في كل حتة و لا هنا بس :D

و بيني و بينكم انا اول ما طلع كنت متضايقة منه و حاساه زيادة و حجة عشان يقرفونا بس دلوقتي بجد حاسة انه ساعات كانت ليه فايدة و رادع لبعض الناس اللى كانت محتاجة ده:funny34d:

القانون الجديد معملش حاجه غير انو زود المخالفات والعقوبات و المثلث والشنطه الاسعافات و الهم التراخيص بتاعه العربيات
انما الالتزام دا طبيعه اى قانون بينزل فى مصر شهر والتسيب يرجع زى الاول و يمكن اكتر

هي دايما بلادنا كده في الاول شاده في الحاجات العبيطة ده وبعدين ترخي الحبل اكتر من الاول

ما تزعلي نفسك اوي كده لاني كنت انا شخصيا متحمس اول ما طلع القانون وانه هيظبط وهيربط والكل هيلتزم بس المشكله مش في اننا نلاقي عساكر وظباط شرطة في الشارع وخلاص المشكله ان ثقافة تطبيق اي قانون في بلدنا العزيزة مش موجود ومعدومه ومفقوده بس ارجع ارجح كلامك واقول فعلا عدد العساكر وظباط الشرطه في الشوارع قلوا ودي غلطه منهم مش علشان عدم تواجدهم واداء مهمتهم في الشوارع وتطبيق القانون على الناس لا علشان هما لسه مش فاهمين طبيعة الناس الي هنا وان لازم يكون حدواقفلهم بالمرصاد وفوووووووق رؤوسهم علشان يلتزموا يلا هنقول اي ونعيد ايه مفش فايدة وللحديث بقيه ,,,,,,,,,,,,,,,,,,,,,,,,,,,,,,,,,

الحكايه كلها انهم كانو عايزين يلموا ال 30% العلاوه اللى اتوزعت على الناس + الارباح و طالما لموا المطلوب الامور تهدى و بلاش وجع دماغ بس القانون موجود و اى زنقة فلوس يشتغل و السكينه تتسن تانى

الغربال الجديد له شده

وبعد كده ترجع ريما لعادتها القديمه

ثم ان اصلا القانون القديم كان كافى جدا لتنظيم المرور لكن المشكله انه لايطبق واذا طبق فيكون فقط على الغلابه

اما القانون الجديد فلم يزيد به شئ سوى سرقه المال بطريق قانونى من الشعب

وطبعا كل شئ بيبقى شديد فى الاول بس لغايه ماتهدى الامور

انا شخصيا الحمد لله ملتزم بكل شئ ليس من اجل سواد عين المرور ولكن لانى احترم نفسى اولا واخاف على نفسى واطبق قواعد المرور التى فيها صالحى وصالح الغير سواء طبق ام لم يطبق

السلام عليكم

القانون الجديد مثله مثل اي قانون يصدر به تشريع في هذه البلد, يصدر لمصلحة ناس بعينها و لايخدم مصلحة البلد او شعبها, لذلك فشل فشلا ذريعا بعد يوم واحد من بدء سريانه للاسباب التالية:
1- عدم امكانية تطبيقه علي نسبة كبيرة من السادة الظباط و المستشارين و اصحاب النفوذ و الهيبة
2- ضعف نفوذ عسكري المرور و قلة حيلته امام كل هؤلاء بالاضافة الي جهل رجال المرور انفسهم بمواد القانون الجديد و القديم ايضا
3- نفوذ و سطوة الميكروباصات التي تجاهلتها بنود هذا القانون و لم تتعامل معها بحسم
4- عدم استعداد الحكومة بالوسائل و الامكانيات لتنفيذ بنود القانون (مواصفات المثلث ,الشنطة,اللوحات الجديدة)
5- القانون فرض عقوبات علي الانتظار الخاطئ و السير في الاتجاه العكسي و لم تتخذ الحكومة اي اجراء لاعداد الطرق و اماكن الانتظار

لذا فقد اكتشفت الحكومة الذكية ان تطبيق القانون مستحيل من باب ان" اذا اردت ان تطاع فأمر بما يستطاع" فتقرر تاجيله الي اشعار أخر

و يجعله عامر

انا وفقت من كام يوم عند اشارة فى شارع مراد الاحظ كام واحد ملتزم بحزام الامان

- لاقيت نسبة اكثر من 15% "لما خمس دقائق" غير متلزم بالحزام ومعظم الغيز متلزمين كانوا - سيارات نصف نقل - سيارات شباب - شيارات فارهة ولم الاحظ اى رتبة "بالزى الرسمى" متلزم بالحزام - فى المرة او غيرها.