انقذونى...الكاوتش اتخرم من الجنب ..اعمل ايه

السلام عليكم...
امبارح الصبح لقيت الفردة اليمين ورا على الارض (وقبلها بالليل وانا بدخل العربية الجراج مكنش في حاجة فى الكاوتش ومن عادتى انى بطمئن على الكاوتش بعد م ادخل العربية الجراج .. الغريب بقى الخرم حصل امتى وازاى لانى العربية لسه مستلمها من 3 اسابيع
المهم غيرت الفردة وركبت الاستبين (الفردة اللى اتخرمت 16 والاستبين 15 العربية - بيجو301 هاى لاين ) وبعد ما كشفت عليها لقيت خرم صغير فى الجنب وطبعا دارالافتاء بتاعت الصنايعيه اشتغلت واحد قال لحام مكواه والتانى لحام على البارد وده الاغلبية والاخير خابور
ايه الصح يا جماعة واعمل ايه.....
وهل ينفع امشى على الفردة دى تانى وانا مطمئن خصوصا فى السفر...
وسعر الكاوتش الجديد بكام....

بلاش الخوابير ................. وممكن اصلاحه ولكن طالما انت بتسافر كتير وبتجرى يستحسن بيعه وشراء جديد نفس الماركه والمقاس والنقشه ...............

قد الله وماشاء فعل
احسن لحام هو لحام البارد اللي هو الرقعه الداخلية ، بس مش عارف اذا كانت هتنفع في الجنب ولا لأ
كلمهم في التوكيل ، ومش هينفع تمشي كتير علي الاستبن علشان اختلاف المقاسات وتأثيرها علي العفشة

عادى جداً
بلاش خوابير
والمكواه او اللزقه الداخليه افضل
وأمشى عادى جداً وانت مطمن إن شاء الله
اهم حاجه قبل السفر تتأكد من ضغط الاطارات
ويفضل يكون معاك مقياس كاوتش
والافضل كمان كمبريسور

اتخرم من الجنب ازاي ؟!
هي العربية بتنام علي جنبها و لا ايه :)

خابور لاااااااااااااااااااااااا ااااااا
لحام داخلي تمام جدا
تحياتي

الحم الفرده ال 16 وحطها استبن واركن ال15 فى البيت او شفلو بيعه وهاتلك فرده جديده 16 ركبها ده رايي انا مش خبير وربنا يوفقك للخير

هو مش المفروض الاستبن 16 برده زى باقى الكاوتش ولا ايه

الحمها في fit and fix
و مكانها يبقى ورا

اقتباس:

---

المشاركة الأصلية كتبت بواسطة hany63

الحمها في fit and fix
و مكانها يبقى ورا

---

للاسف القاهرة بعيدة عنى جد
انا مقيم فى مطروح

اقتباس:

---

المشاركة الأصلية كتبت بواسطة ENG.MaRk

اتخرم من الجنب ازاي ؟!
هي العربية بتنام علي جنبها و لا ايه :)

---

والله انا محتار زيك:Copy of majd(4)::Copy of majd(4):

اقتباس:

---

المشاركة الأصلية كتبت بواسطة amr011111

عادى جداً
بلاش خوابير
والمكواه او اللزقه الداخليه افضل
وأمشى عادى جداً وانت مطمن إن شاء الله
اهم حاجه قبل السفر تتأكد من ضغط الاطارات
ويفضل يكون معاك مقياس كاوتش
والافضل كمان كمبريسور

---

ولزيادة الاطمئنان ركبها ورا

هو سعر كاوتش مقاس r16/195/65 ميشلان
وسعر الجنط 16 بكام

حبيبنا الأستاذ خالد / الف سلامه لعربيتك انا عربيتي هايلاين وحصل معايا حالة مشابهه ولكن الخرم مش من الجنب اللي ممكن يكون خبط في حاجه وانت ماشي خرمت الكاوتش خرم صغير وعلى الصبح الكاوتش نام عموما انا دخل عندي مسمار طوله حوالى 7 سم بعد تقريبا شهر من استلام السيارة واحسن حاجه عن تجربه هو لحام مكواه وانا دلوقتي بقالي ماشي عليه حوالي خمس شهور والحمد لله مافيش مشاكل لكن يفضل تغير الكاوتش اذا كان امامي ليصبح خلفي فالكاوتش الأمامي بيبقى عليه ضغط زياده ومتخافش منه ومره أخرى سلامات اخوك مهاب

شكرا لكل الاعضاء اللى اشتركوا فى الموضوع
الخرم اللى فى جنب الكاوتش طلع بسبب ان واحد منه لله وحسبى الله ونعم الوكيل فيه ضرب الكوتش ببندقية رش
الراجل وهو بيفك الكاوتش لقى فيه رشة جوه الكاوتش
المهم صلحت الكاوتش بلحام مكواه
الحمد لله على كل شئ