السادة الأعضاء برجاء مساعدتى فى الإختيار بين :
- فولكس فاجن باسات 2006 - 2007 -2008 هاى لاين (عداد أقل من 100,000)
- رينو فلوانس 2012 - 2013 هاى لاين e3 sr (عداد أقل من 40,000)
وشكرا
السادة الأعضاء برجاء مساعدتى فى الإختيار بين :
- فولكس فاجن باسات 2006 - 2007 -2008 هاى لاين (عداد أقل من 100,000)
- رينو فلوانس 2012 - 2013 هاى لاين e3 sr (عداد أقل من 40,000)
وشكرا
رينو فلوانس افضل من وجة النظر:
.اعادة البيع
. قطع الغيار
.الشكل والرفاهيات والكماليات
اظن دى اسباب تكفى
بص هي فلوانس دلوقتي تكسح الباسات و مش ببالغ ... الشكل أحسن و واجهة هجومية و الفئة ديه بالذات في الفلوانس مليانة كماليات ... الفلوانس أعلي من الباسات بشكل ملحوظ جدا و كفاية إن دمك مش هيتحرق بعد المطب لأن عمرها ما هتحك منك مهما كانت الأوزان المتحملة في العربية ... مستحيل تلاقي باسات عاملة أقل من 100000 كم و لو لقت هتلاقيها متهانة ... الفلوانس شكل جديد و هتديك نفس إحساس الزيرو و بصراحة أنا لو معايا تمنها مافكرش غير فيها
الباسات عربيه محترمه واعلى من فلوانس
بس خليك فى الفلوانس علشان الحاله الافضل ومشكله الفتيس فى الباسات
شكرا جدا للمشاركة والإفادة، فى الواقع لقد صرفت نظرى عن الباسات وذلك لصعوبة إيجاد حالة جيده وأيضا لقدمها ولكنى أضفت السكودا فانتازيا 2010 - 2011 للمقارنة مع الفلوانس
فبرجاء المساعدة فى الإختيار بين الفلوانس و الفانتازيا
وشكرا
انا بضم صوتى للفنتازيا باذن الله
فانتازيا طبعا ويا سلام لو هاى لايناقتباس:
المشاركة الأصلية كتبت بواسطة kid
الفانتازيا ولو مفيش يبقي الرينو
فانتازيا طبعا و حاول تجيبها هاي لاين أو شوف أسترا كوزمو
فانتازيا أو كوزمو أو فلوانس.. والله أعلم.
الاتنين كويسين , انا رأيى انك تشترى الاحدث فى سنة الموديل , واللى عداده اقل وحالته افضل
الحاله هي الفيصل مع احترامي للفانتازيا اللي انا ناوي اجبها اصلن بس الفلوانس مع اختي و سوقتها كتير عربيه حكايه برضوا مش قليله فا هنا الحاله و السعر هما اللي يحكموا حاله زي اللي في دماغي (40000 كيلو و فبريقه بره و جوه و هاي لاين) في الفانتازيا هتعمل 175 بسعر الرينو الزيرو لاكن حاله زي دي في الرينو هتعمل 135 ودي فرايي صفقه رابحه
لاكن معلش فانتازيا فاضيه و عامله 100 الف كيلو بسعر الفلوانس الهايلاين و عامله في حدود ال 40 الف كيلو يبقي فلوانس من غير كلام , اسف للاطاله