المصريين شعب غنى يدعى الفقر ولا شعب فقير فعلا؟؟؟

**bRo** · 16-09-2014 03:53 PM

المشاركة الأصلية كتبت بواسطة S.h.a.h.e.r

فاكر انت الكلام بتاع 30 مليون نزلوا يتظاهروا ف 30 يونيو
اهو نفس الهبل اللي كانوا بيقولوا الكلام دا - هما هما اللي بيقولوا 60 مليار

بالظبط كدة

**tkamal** · 16-09-2014 03:59 PM

المشاركة الأصلية كتبت بواسطة ahmed abdkarim

. بس برضه انت لو نزلت امبابة حتشوف مستوى اقل كتير .

فين عند كبدة البرنس الى تقريبا محتاج تحجز من امبارح عشان تاكل عندة اكل معفن
ولا على العماير والشقق الى تقريبا اقل شقه بقت بنص مليون ومتر الارض هنام من خمسه وانت طالع

**tkamal** · 16-09-2014 04:00 PM

المشاركة الأصلية كتبت بواسطة ahmed4000

هو ال60 مليار بالنسبة لدولة زى مصر بعدد السكان مش كبير

طبعا مش كتير بس لما يتحصلوا فى 8 ايام فى بلد تحت وطاءه الفقر يبقى فى كلام تانى لازم يتقال

**tkamal** · 16-09-2014 04:03 PM

طيب حد خد باله من كميه الكافيهات الى فتحت فى مصر فى الفترة الاخيرة
مش بكلم على القهاوى حتى النظيف منها بكلم على كافيهات باسماء عالميه وغير اسماء عالميه
مع العلم ان الدفع فى هذة الكافيهات بيكون مكلف جدا ولكن دايما مليانه

**Mecha** · 16-09-2014 05:06 PM

المشاركة الأصلية كتبت بواسطة eng.mark

للأسف مصر أغني دولة في العالم بخيراتها و لكنها بتتنهب ... دراسة أوروبية تؤكد إن مصر الدولة الوحيدة في العالم اللي تقدر توصل للإكتفاء الذاتي في كل المجالات و لكن الشعب المصري بطبعه مش بيحب الشغل ... أنا عندي ثقة في بلدي و متأكد إنها هتبقي جنة علي الأرض و لكن ناقصنا حاجة واحدة و هي "الضميييييييييييير" ...مصر غنية جدا و لكن في سوء توزيع للموارد و الفلوس يعني 5% بس هم اللي معاهم 85% من موارد البلد و ال15% الباقية متوزعة علي ال95% الباقيين !!!

ازاي مصراغني دول العالم بايه؟؟؟
ميه ناقصه , ارض زراعيه صغيره, صحاري بالهبل
بنيه اساسيه ضعيفه وواضح الكهربا و الميه و الطرق
طاقه بشريه : اه ودي اهم واحده , تعليمهم سئ , مهارات محدوده , كسالي , سلوكيات متخلفه
اذكيا جدا في ذكاء التحايل و المراوغه مش الذكاء الايجابي البناء
كميه فساد وسرقه بشكل جنوني
الاكتفاء الذاتي دي موضه الخمسينات محدش بيعملها
الضمير مفيش حاجه اسمها ضمير ,فيه حاجه اسمها الخوف
لو كل شغيل حس ان شغلته هتروح وهيجوع وهيتشرد و مراتو هتآرط
هيشتغل زي الاكس
الراتب واضح والشروط واضحه والا ...... هو عارف
الشعب وزي اي شعب هيطبق عليه, البشر زي بعض
هيقدر ينجز و الاهم الاهم اخلاقياته المنحطه هتتحسن
اللصوص يتنكل بيهم يتنكل بيهم واصلبهم ,معارف ووسايط نكل بالي جابوهم
كدا يتجدد البشر بعد انهيار وخلق
وموش اول مره تحصل ,خوف الوظيفه كان زمن محمد علي و خوف اللصوص زمن ناصر
اجمعهم الجوز تعمل زمن ميجي ف اليابان,ارض العزيمه الشديده و الهمم العاليه
,

**Bassem Youssef** · 16-09-2014 05:33 PM

شعب مصر

ناس غلابه بتاكل من الزباله

ناس غنيه بتاكل من الغلابه

ناس في النص لا عارفه تاكل من الزباله و لا تاكل من الغلابه

الفجوه بين الطبقات كبيره جدا و ربنا يرحمنا

**OMAR11112010** · 16-09-2014 05:47 PM

مصر هتتقدم لما المصريين يشتغلوا زي ما بيشتغلوا في الغربة
هتقولي ادينا مرتبات زي بره
بردوا لو خدوا مرتبات اكتر من بره بردوا مش هيشتغلوا
دي ثقافة شعب ليه تشتغل اكتر لما ممكن متشتغلش خالص وغيرك يعمل الشغل
طبعا الا من رحم ربي

**tkamal** · 16-09-2014 05:54 PM

ياشباب انا مش بناقش مشاكل مصر ولا مشاكل سلوكيات المجتمع
كلنا عارفين مشاكلنا وعارفين حلها
انا سوالى ببساطه هل الشعب بمعنى الناس فى مصر فعلا فقرا
طيب هلى الطبقه الغنيه الى مصر قليله
طيب قليله ازاى وكميه الفلوس الموجودة دى فى بلد تقريبا اقتصادها واقف لا زراعه ولا انتاج

بمعنى اخر عشان الحوارات الجانبيه
الفلوس اللى فى مصر منين ؟؟؟؟؟؟؟؟؟؟؟؟؟؟؟؟؟؟

**Mecha** · 16-09-2014 06:19 PM

المشاركة الأصلية كتبت بواسطة a_taamer

ياشباب انا مش بناقش مشاكل مصر ولا مشاكل سلوكيات المجتمع
كلنا عارفين مشاكلنا وعارفين حلها
انا سوالى ببساطه هل الشعب بمعنى الناس فى مصر فعلا فقرا
طيب هلى الطبقه الغنيه الى مصر قليله
طيب قليله ازاى وكميه الفلوس الموجودة دى فى بلد تقريبا اقتصادها واقف لا زراعه ولا انتاج

بمعنى اخر عشان الحوارات الجانبيه
الفلوس اللى فى مصر منين ؟؟؟؟؟؟؟؟؟؟؟؟؟؟؟؟؟؟

هبش قديم