المصريين شعب غنى يدعى الفقر ولا شعب فقير فعلا؟؟؟

**tkamal** · 16-09-2014 01:04 PM

تخطىت حصيلة شهادات استثمار قناة السويس 60 مليار جنيه، فى 8 أيام فقط، منذ بداية الطرح عن طريق البنوك يوم الخميس 4 سبتمبر الجارى، وحتى الساعة الـ8 مساء الاثنين.

دة خبر فى اليوم الساقع

السوال لما بلد تعرف تلم من الشعب 60 مليار فى 8 ايام يبقى فين الفقر
خلى باللك 60 مليار مش مليون

بدون الدخول فى تحليل الشهادات فى كميه سيوله من الاموال فى البلد غير طبيعيه
كميه العقارات والبيع والشراء والاسعار فلكيه وبالرغم من كدة فى بيع وشراء

العيد اللى فات رحت مول العرب والله اكتر من ساعتين بس عشان القى مكان اجلس فى الفود كورت دة غير ساعه الاكل غير الباركنك

البلد فيها فلوس كتير ايوة مش مع ناس كتير بس فى فلوس بالهبل

**Adnfalcon** · 16-09-2014 01:19 PM

فعلا البنوك مليانه فلوس وناس كتير معاها مليارات و مئات الملايين وأملاك وربنا كارمهم
فالوجه المقابل تلاقي ناس مش بتعرف تشتري فاكهه واللحمه ياكلوها ف عيد الأضحي فقط
حاجه كده زي الهند

**mk3** · 16-09-2014 01:25 PM

التمويل 90% منه من القطاع المصرفى يعنى ناس فكت شهاداتها واشترت الشهادات دى

**S.h.a.h.e.r** · 16-09-2014 01:44 PM

فاكر انت الكلام بتاع 30 مليون نزلوا يتظاهروا ف 30 يونيو
اهو نفس الهبل اللي كانوا بيقولوا الكلام دا - هما هما اللي بيقولوا 60 مليار

**ENG.MaRk** · 16-09-2014 01:53 PM

للأسف مصر أغني دولة في العالم بخيراتها و لكنها بتتنهب ... دراسة أوروبية تؤكد إن مصر الدولة الوحيدة في العالم اللي تقدر توصل للإكتفاء الذاتي في كل المجالات و لكن الشعب المصري بطبعه مش بيحب الشغل ... أنا عندي ثقة في بلدي و متأكد إنها هتبقي جنة علي الأرض و لكن ناقصنا حاجة واحدة و هي "الضميييييييييييير" ...مصر غنية جدا و لكن في سوء توزيع للموارد و الفلوس يعني 5% بس هم اللي معاهم 85% من موارد البلد و ال15% الباقية متوزعة علي ال95% الباقيين !!!

**midnightman_74** · 16-09-2014 02:02 PM

مصر زى اى شعب فية الغنى وفية الفقير
بس الغنى بيدعى الفقر ..

**tkamal** · 16-09-2014 02:32 PM

المشاركة الأصلية كتبت بواسطة eng.mark

للأسف مصر أغني دولة في العالم بخيراتها و لكنها بتتنهب ... دراسة أوروبية تؤكد إن مصر الدولة الوحيدة في العالم اللي تقدر توصل للإكتفاء الذاتي في كل المجالات و لكن الشعب المصري بطبعه مش بيحب الشغل ... أنا عندي ثقة في بلدي و متأكد إنها هتبقي جنة علي الأرض و لكن ناقصنا حاجة واحدة و هي "الضميييييييييييير" ...مصر غنية جدا و لكن في سوء توزيع للموارد و الفلوس يعني 5% بس هم اللي معاهم 85% من موارد البلد و ال15% الباقية متوزعة علي ال95% الباقيين !!!

معلش فين الدراسه دى عشان انا يسمع الكلام دة من زمان ومش لاقى له اساس علمى ومش مقتنع به

**marsguy** · 16-09-2014 02:40 PM

السلام عليكم ورحمة الله وبركاته،،،

مصر مش أغنى دوله في العالم ... مصر دوله فيها ثروات طبيعيه كتير وفيها مشاكل طبيعيه برضه كتير

بس مما لاشك فيه إن مصر لو إستغلت الموارد اللي فيها (وأهمها الموارد البشريه) بشكل أفضل، أكيد هاتكون أحسن كتير.

والطفل المصري مش أذكى طفل في العالم ولا حاجه. الطفل المصري برضه في منه الذكي و في منه المتوسط. بس كون الطفل يكبر ويبقى بنى آدم منتج ومحترم ده مش بس محتاج ذكاء ... في عوامل تانيه كتير زي التعليم والثقافه.

والجندي المصري مش أشجع جندي في العالم ولا حاجه. في بلاد كتير معتقده إن جنودها هم أحسن جنود في الدنيا وعندهم اللي يخليهم يصدقوا كده.

العباره هو إننا لازم نعرف حجمنا الحقيقي على الأرض. عشان هو ده بداية الشغل الصح

لكن كون إننا نبالغ في حجمنا أو نقلل من قدرنا ... الإثنين مش صح

**Ahmed abdkarim** · 16-09-2014 03:07 PM

فعلا لما بروح الفوود كورت فى سيتى ستارز او اى مول بلاقى زحمة غير طبيعية فى معظم الاحيان و بلاقى ناس بتشترى حاجات كتير جدا وغالية جدا وفى نفس الوقت ملهاش لازمة ولما بنزل الباركينج بشوف عربيات كتير غالية ونادرا لما بشوف عربية نص نص . بس برضه انت لو نزلت امبابة حتشوف مستوى اقل كتير . او نزلت القلعة و الحتت اللى حواليها حتحس ان مصر من افقر الدول .

لسه لو نزلت الصعيد وشوفت منظر الناس هناك افتكر ان فى لقاء تلفزيونى فى الصعيد فى برنامج بتاع مساعدات بيسألو واحدة منقبة مين نبى المسلمين قالت لهم سيدنا موسى و واحدة تانية قالت له احنا منعرفش اى حاجه فى الدنيا احنا عايشين كيف البهايم . مصر مش كلها مدينة نصر والرحاب و ماوتن فيو

**ahmed4000** · 16-09-2014 03:21 PM

هو ال60 مليار بالنسبة لدولة زى مصر بعدد السكان مش كبير

ده كانهم فى المتوسط 650 جنيه لكل فرد

احنا زى اى دولة عندنا اغنياء اوى وفقراء اوى وفئة متوسطة

الفجوة عندنا كبيرة والتقسيمة المفروض تبقى احسن من كده

الموضوع: المصريين شعب غنى يدعى الفقر ولا شعب فقير فعلا؟؟؟

LinkBack

أدوات الموضوع

عرض

-

-

-

-

المواضيع المتشابهه

رجل فقير

مين اللي قال ان شعب مصر فقير ماديا ؟؟

للرد على من يدعى ان رينو ليس لها علاقة بالوجان

نجم الجيل كما يدعى يرفع علم الجزائر ويرفض التعصب هو ده نجم الجيل كما يدعى على نفسه

كلو يدعى معايا!!!!!!!

الكلمات الدلالية لهذا الموضوع

المفضلات

المفضلات

ضوابط المشاركة