كنت هموت النهاردة بسبب سواق ميكروباص حمار

السلام عليكم و رحمة الله و بركاته

طبعا كلنا عارفين الامطار الل حصلت النهاردة و صادفت اني كنت مسافر بنها علشان عندنا فرح المهم بعد المؤسسة بشوية قبل الطريق الزراعي المطرة بدات تشد جامد وانا ماشي جنبي ميكروباس تعبان كدة لقيت الميكروباص اتزحلق منه بس لحق يلم الميكروباص قبل ما يخبط فية (زي ما مودي جين2 بيعمل كدة) قلت الحمد لله بعده بشوية مع ميكروباص تاني ماشي قدامي لقيته اتزحلق و لبس في الرصيف بس الحمد لله محصلش حاجة للناس اللي في الميكروباص او لية بس انا طول الطريق معدتش 50 و كان فيه واحدة تانية شفت كورولا 2005 عاملة حادثة و عربية نقل خابطة في ميكروباص بس الحوادث دي كلها مرحش فيها حد

انا بعد ما شفت دة كله اعصابي بقت سايبة

فياريت يا جماعة نبعد عن سواقيين الميكروباص

و منجريش

الحمد لله انك طلعت بخير وحمد على سلامتك من طريق الشر ده والحمد كمان ان الناس هناك محصلهاش حاجة جات سليمة

اشكر ربنا انت لسه بخير, وهو فعلا المفروض الواحد مش يسوق كويس لا ده كمان المفروض يبص على العربيات اللى جنبة ويعمل المستحيل عشان يفادى اخطاء غيره وعلى فكرة الموضوع ده مع الميكروباصات والملاكى والاجرة يعنى كل اللى حواليك.
ربنا يستر علينا ويكفينا شر الطريق. وحمدالله على السلامة ياباشا المهم حضرت الفرح ولاايه؟؟

الحمدلله ، ربك ستار :)
ربنا يكفينا شر الطريق

اقتباس:

---

المهم حضرت الفرح ولاايه؟؟

---

حضرته بس وصلت هناك الساعة 5 و انا خارج كم البيت الساعة 1 و نص الطريق دة انا كنت باخده في ساعة و نص في الايام العادية

اليوم دة فكرني بيوم كنت مسافر فيه اسكندرية يوم كان باين من اوله شفت حادثة نص نقل السواق بتاعها الله يرحمه و بعدها حادثة مقطورة و بعدها مقطورة كلت المراية بس دي كانت غلطتي انا و يومها تهت عن طريق ترعة النصر و اخيرا عرفت اوصل عند ترعة النصر المهم هناك انا بهدي علشان في مطب لقيت عربية نص نقل خبطت فية من الظهر الحمد لله اني لحقت اكسر الدريكسيون قبل ما ننزل في الترعة بجد كان يوم صعب

الموضوع دة بقاله سنتين مش قادر انساه كانه حصل امبارح

الحمد لله على كل شئ

حمدا لله علي سلامتك ربنا يحفظنا ويحفظك من الحوادث ويبارك لك في حياتك ويوفقك لكل خير

حمد الله علي سلامتك و فعلاَ طول منتا ماشي خاصة في المطرة لازم تبقي حذر جداَ

الحمد لله على السلامة .. وأسلم تصرف هو اللي حضرتك عملته بتقليل سرعتك للحد الأدنى، ومش مهم التأخير كام ساعة في سبيل القيادة الآمنة لك ولغيرك على الطريق.
بس المشكلة في العربجية اللي ماليين الطريق وفاكرينها شطارة لما يكسروا على مخاليق ربنا اللي سايقين في حالهم.
حمد الله ع السلامة ويارب تكون انبسطت في الفرح :)

حمدا لله على سلامتك
وأنا أقول بنها نورت بالليل ليه
أتارى علشان زيارتك

أنا كنت فى مشوار من بنها للمؤسسة حوالى الساعة 10 م ، الطريق كان ناشف وفاضى لكن كان فيه شبورة خفيفة زادت وأنا راجع

ربنا يستر طريقك ويحفظنا جميعا

حمد الله بسلامتك و خد بالك من أي سواق ميكروباص في جميع أنحاء مصر لأن أي واحد فيهم كتيره كان بيركب كارو و الحمار مش بيحترمه كمان .

اقتباس:

---

حمدا لله على سلامتك
وأنا أقول بنها نورت بالليل ليه
أتارى علشان زيارتك

أنا كنت فى مشوار من بنها للمؤسسة حوالى الساعة 10 م ، الطريق كان ناشف وفاضى لكن كان فيه شبورة خفيفة زادت وأنا راجع

ربنا يستر طريقك ويحفظنا جميعا

---

بنها منورة بنورك

و انا راجع الطريق كان كله ناشف اكنه مفيش ندعة مية جت على الطريق ما عدا شوية مية عل الجنب بس اول مدخلت القاهرة لقيت انهار احلى حاجة اني حضرت الفرح و صورت الصورة دي
http://www10.0zz0.com/2008/10/24/20/100596152.jpg
الصورة دي من عمارات الاوقاف اللي قدام نادي المعلمين

اقتباس:

---

الصورة دي من عمارات الاوقاف اللي قدام نادي المعلمين

---

الله.....
جميلة جدا

طبعا الطبيعة والشمس

إنما للأسف البلد كلها مبقتش أحس فيها بالكلمة الجميلة

hamdela 3la salamtk

حمد لله على سلامتك

حمد لله على سلالالالالالامتك

بس يعنى ايه العربيه اتزحلقت منه ؟؟

اقتباس:

---

حمد لله على سلالالالالالامتك

بس يعنى ايه العربيه اتزحلقت منه ؟؟

---

الله يسلمك

اتزحلقت منه يعني فقد التحكم بتاع العربية بسبب الطريق المبلول و الكاوتش المبلول فعملت زي دريفت كدة بس هو لحق نفسه قبل ما يخبط فية