قدامى ميجان 2006 رشة حزام بانوراما و كنت عايز افحص البودى اولا فى اى محطة بنزين فيا ترى ايه احسن مكان فى نطاق مصر الجديدة او مدينة نصرhttp://www.nilemotors.net/Nile/image...018A1D~146.gif
قدامى ميجان 2006 رشة حزام بانوراما و كنت عايز افحص البودى اولا فى اى محطة بنزين فيا ترى ايه احسن مكان فى نطاق مصر الجديدة او مدينة نصرhttp://www.nilemotors.net/Nile/image...018A1D~146.gif
يا عم ابعد عن الميجان
و لو مصمم عليها خليك في موديل 2007 او اعلى
وليه يبعد عن الميجان؟؟!!
انا برضه شاري 2006 ورغم انه اتضحك عليا فانا مبسوط بالعربيه جدا
كل مشاكل الميجان ال 2005 تم حلها في 2006 واعتقد انك اخترت ال 2006 عشان السعر
لو في ايدك تزود وتجيب موديل اعللا الفيس ليف يبقى احسن ماينفعش يبقى دوس ومايهمكش
وده مجموعة نصايح ليك:
1-الميجان عربيه لازم لازم لازم مايكونش ملعوب فيها غير في توكيل او حد متخصص رينو غير كده هتشوف معاها ايام سودا عشان كده لازم تفحصها في التوكيل هيكلفك 550 جنيه تقريبا بس تبقى مطمن
2-اياك ثم اياك ثم ايك من الميكانيكيون العرب اللي عند السندباد طلعولي تقرير ان العربيه كويسه وطلعت استغفر الله العظيم ناس نصابين لابعد الحدود ولو عاوز تتاكد اعمل سيرش عليهم في جوجل وشوف الناس بتقول عليهم ايه
3-احسن واضمن مكان هو التوكيل في العبور ولو كان لازم حجز ومش هينفع صاحب العربيه يستنى روح فرينش موتور في الرحاب عن تجربه افضل بكتير من الميكانيكيون العرب منهم لله
4-قبل ماتروح التوكيل وتغرم فلوس اتاكد من بعض الامور المهمه زي صوت الفيبر من جوه والعربيه ماشيه في تزييق فيها وللا لا وكمان ال abs شغال وللا لا ونقلات الفيتيس ناعمه وللا في نتشه في الغيار التاني وهل مقبوله وللا لا والحاله العامه للصالون
4- اتاكد ان لمبة الاير باج مطفيه وان العربيه وهي شغاله مافيش لمبه منوره فيها واتاكد ان الكارت مكتوب عليه ميجان مش سينيك (ده حصلت معايا)
5-اتاكد ان حزام الامان بيتشد معاك لان العربيه لو عامله حادثه الحزام بيعمل لوك ومش بيتشد من مكانه
6- لو حالة العربيه بوجه عام عاجباك افحصها والتوكيل هيقولك حالة الدهان الخارجي والداخلي
7- البنزينه لاتصلح نهائيا لفحص وشراء ميجان
وربنا يوفقك للخير وصللي استخاره واي استفسار تحت امرك
عامة انا باحاول ابعد عن الميجان و لكن كل مرة بتشد ليها مش عارف ليه و عامة مشكور على النصيحة اخى احمد
مش لاقى حاجة فى الرينج اللى معاى غير نوبيرا او فيرنااو لانوس
و انا قررت انى مش حاركب عربيات كورى بتاتا
و مع ذللك كل مالاقى عربية و تكون بويه المصنع على بال ماوصلها تكون اتباعت فأعتقد ان الناس بادأت تفهم الميجان
و بالنسبة للتوكيل فمش من المنطقى ان انتظر و البائع ينتظر لمدة اسبوع او اكتر لحد مالبهوات بتوع التوكيل يشفقوا عليا و يرضوا يفحصو العربية ده على بال ماكون اشتريت حاكون دفعت مثلا 2000 ل 3000 جنيه فحص
و بعدين انا فى البداية عايز افحص البودى و ابعد عن اى حوادث ممكنة و فيما بعد نشوف حالة الميكانيكا و الكهرباء
اولا انا تحت امرك ومافيش داعي للشكر
انت مش هتصرف الوغات على الفحص ولا حاجه لانك مش هتفحص غيرر العربيه اللي انت شايفها تنفع وتكون عجباك وتحاول تاخد كل التفاصيل من البائع والبائع اللي عارف انك هتفحص غالبا مش هيكدب عليك ومش هقولك فبريقه وهي راشه لان اي ميكانيكي عبيط بيعرف يطلعها انا شخصيا بعرف الفبرقا من الدهان مع اني مش خيره كبيره ولا حاجه
اما بخصوص التوكيل فزي ماقلتلك روح فرينش موتور وده معتمد من رينو ومن غير حجز ويفحص العربيه تماما زي التوكيل ماتقلقش هما اصلا هندهم حاجه اسمها فحص شرا اول مابتقوله كده بيعرف هو هيعمل ايه وبالمناسبه كان فحصه ب 350 لما كان الميكانيكيون العرب ب 550 وده من اقل من سنه ومش هتلاقي السعر زاد
انا فعلا لاحظت ان العربيه بتتناع بسرعه وكذا مره اكلم ناس الاقيها اتباعت وكنت مستغرب زيك كده والعربيه ده بياعه مش زي مانت متوقع وانت هتشتريها مستعمله ومش هتخسر لو جيت تبيعها اللي خسر فعلا اللي كان شاريها زيرو ب 143 وبيبعها ب 70 بس هو اللي تخد الحلاوه كلها الصراحه :)
اصبر شويه ودور واتعب شويه والنتيجه هتكون مرضيه لان انا زيك بالظبط مش لاقي عربيه تانيه تتجاب بالسعر ده
الميجان عربيه محترمه بشرط الحاله
متااااااااااااابع
نصيحة ما تخرجش عن التوكيل او فرينش موتورز
دي حماية للفلوس اللي هاتدفعها في العربية و ممكن اوي اوي حاجات ما تبانش في الكشف , و تكلفك كتير جدا
اوافقك الرأي بشدهاقتباس:
المشاركة الأصلية كتبت بواسطة تامر.محمد
كلام سليم 100%اقتباس:
المشاركة الأصلية كتبت بواسطة تامر.محمد
لكم لضيق الوقت حيث ان التوكيل لابد من حجز مسبق واخر موعد تقريبا الساعة 5 بعد العصر وكذلك معظم المراكز المعتمدة
وايضا لتوفير الفلوس نوعا ما ممكن انك تكشف عند مراكز خدمة متخصصة في الرينو وهي في الحرفيين و صقر قريش