بفضل الله استلمت الفيرنا امبارح
السلام عليكم ورحمة الله وبركاته
كنت حاجز فيرنا 2015 كامله مانيوال فاميه لون شامبين من يوم الجمعه وكان اللون مش موجود
كلموني بتوع شيرين كار وكان ميعادى امبارح استلم الساعه4 عصرا
وفضلت قاعد عندهم من الساعه 4 عصرا لحد 8 مساء عقبال مالعربيه جتله بعد ماستلمتها ومشيت بيها
اكتشفت ان عداد السرعه مش شغال طبعا اتقفلت جدا من العربيه لدرجة انى كنت عايز ارجعها جه ورجعتله بالعربيه تاني قام السواق اللي عنده حط فيشه كده ورا الموتور العداد اشتغل قولت يبقى هما بيفكوا الفيشه علشان يلفوا بيها براحتهم لان العربيه كانت عامله 9 كيلو متر فقط وده طبعا مايعقلش
المهم تقييمى المبدئى ليها فرامل سيئة جدا يادوب بتمسك فى اخر مشوار الدواسه
السحب تحفه بصراحه مع التكييف
الباور حلو علما بان كان معايا قبلها شاهين فاى عربيه باور بالنسبه ليا هتبقي كويسه
الدبرياج واطى اول ما اشيل رجلي من عليه العربيه بتمشى
الريموت بتاع الانذار كان معلق وبعد كده اشتغل لوحده مش عارف ده بقى عيب ايه