زجاجة معطر جو و إنفجار داخل السيارة
الموضوع دا يا ريت من حضراتكم تاخدو بالكو منه كويس جدا
زوجتى اتصلت بى و قالت فى صوت فرقعة قوية جدا برة و الناس بيقولو حد حدف حاجة على زجاج العربية
دماغ الواحد راحت فى اتجاه الحرامية خصوصا ان بيتنا بجواره بيت تحت الانشاء
قلت لها تنزل تعمل معاينة
قالت لى فى زجاجة معطر الجو واقعة جنب العربية هو انت رميتها برة العربية ؟ قلت لأ ؟
و الأمور وضحت لى
الزجاجة انفجرت.............
قلت لها تشوف شكل الزجاجة طلعت فعلا متفرتكة من تحت و دمرت الزجاج لحظة الانفجار و طلعت برة العربية و دا نتيجة انى تركتها ورا تحت البرابريز الخلفى فى الشمس و الأدهى انها كان فيها النصف فقط
لما روحت لقيت فعلا كعب الزجاجة
ياريت ناخد بالنا من الموضوع الخطير دا لان لما رحت أغير الزجاج و حكيت للراجل قالى جالو عربية بى ام الزجاج و التابلوه متفرتكين بسبب هذا الموضوع
طب الحمد لله انها ماحصلتش معاك وانت سايق
انا كنت ماشى بالعربيه وكنت سرحان وولاعه كبيره فى الباب بتاعى فرقعت وخضتنى وخلتنى رميت على اللى جنبى .