العربية جابت جوان وش سلندر .. محتاج نصائح حد مجرب

السلام عليكم
معايا اوبترا 2009
العربية من يومين سخنت وقفت بردتها حوالي ربع ساعة ودورتها وزودت مياه
مشيت لمدة يومين كويس
وبعدين رحت عند الكهربائي علشان يقيش شحن الدينامو لان العربية كانت بترعش وبتأخر في الدوارة والار بي ام بدأ يعلى على السلانسيه
لقى القواطيش سايبة وبعدين فك غطاء الزيت لقاه عامل طحينة ولقيت المياه ناقصة في الريدياتير بس الحرارة معليتش
كلمت الميكانيكي بتاعي قالي كده جوان وش السلندر
ان شاء الله هعمله انهارده
انا بس عايز اعرف ايه اللى خلى العربية تسخن فجأة والمياه نقصت راحت فين ؟
شكرا

متخافش الموضوع ان شاء الله هيتحل
اول حاجة اول حاجة انك هتغير الجوان , وهو بيغيرلك الجوان خليه يخدلك وش السلندر مسحة عند الخراط عشان يركب علي نضيف
تاني حاجة لو العربية محتاجة زيت زودلها شوية بس وزود ليها ميه وعليك وعلي واحد بتاع ردياتير نضيف
هيكشفلك علي دورة التبريد ويفكلك الرديادير كله بالخراطيم والاربة وينضفهولك كويس ويسلكهولك بسلك رفيع
ويقفله كويس ويشوف الدورة بتاعته اذا كانت كويسة ولا محتاجة تظبيط
بعد ما يقفلك دورة التبريد ويشيك علي كل الخراطيم انها مش بتجيب ميه ,
هتروح علي واحد تغيير الزيت بالفلتر ويبقي كده انت خلصت كل حاجة ليها علاقة بالموضوع
تمشي بيها وانت عينك علي مؤشر الحرارة وكل شوية تشوف مقياس الميه
ممكن اول يوم تزود حاجة بسيطة في الاربة عشان الدورة تكون ظبطت وبعد كده تفضل متابعها وتشوف
وان شاء الله خير


ممنوع استخدام اللون الاحمر حيث انه مخصص للمداخلات الإدارية
م ب 3

طلمبه مياه ، نقص في مياه التبريد في تسريب في الدوره ، ترموستات كوعه معلق

Sent from my SM-N900 using Forum Runner

اقتباس:

---

المشاركة الأصلية كتبت بواسطة diiie_hard

متخافش الموضوع ان شاء الله هيتحل
اول حاجة اول حاجة انك هتغير الجوان , وهو بيغيرلك الجوان خليه يخدلك وش السلندر مسحة عند الخراط عشان يركب علي نضيف
تاني حاجة لو العربية محتاجة زيت زودلها شوية بس وزود ليها ميه وعليك وعلي واحد بتاع ردياتير نضيف
هيكشفلك علي دورة التبريد ويفكلك الرديادير كله بالخراطيم والاربة وينضفهولك كويس ويسلكهولك بسلك رفيع
ويقفله كويس ويشوف الدورة بتاعته اذا كانت كويسة ولا محتاجة تظبيط
بعد ما يقفلك دورة التبريد ويشيك علي كل الخراطيم انها مش بتجيب ميه ,
هتروح علي واحد تغيير الزيت بالفلتر ويبقي كده انت خلصت كل حاجة ليها علاقة بالموضوع
تمشي بيها وانت عينك علي مؤشر الحرارة وكل شوية تشوف مقياس الميه
ممكن اول يوم تزود حاجة بسيطة في الاربة عشان الدورة تكون ظبطت وبعد كده تفضل متابعها وتشوف
وان شاء الله خير

---

تمام
بس نصيحه الجوان لو مفيهوش ريجه بلاش تخرطه

Sent from my SM-N900 using Forum Runner

متابع

نفس الشئ حصل معايا برغم إنى بأتابع العربية فى كل شئ
رجاء من الأعضاء الإفادة لماذا حدث هذا

حبيت اطمنك بس .... حصلي كده في الأوبترا (متباعة) بسبب ترموستات الكوعة
اشتريت و ركبت جوان وش سلندر جديد و ترموستات كوعة جديدة من التوكيل
العربية اتصلحت و رجعت زي الأول ...

وش السلندر هيروح عند الخراط علشان فيه برومة
ازاي اعرف ان ترموستات الكوعة فيها مشكلة

اقتباس:

---

المشاركة الأصلية كتبت بواسطة أبو صلاح

وش السلندر هيروح عند الخراط علشان فيه برومة
ازاي اعرف ان ترموستات الكوعة فيها مشكلة

---

انصحك بتغييره في كل الاحوال عشان ليه عمر

ااغلب بيعلق علي وضع قفل الدوره

ثرموستات الكوعه عمره اد ايه

مبدأيا كدة ياباشا

1- الوش فية اى مشكلة لازم يتغير عشان تبعد عن حوار تركيب جوانين

2- لازم الوش يروح عند خراط كويس جدااا , ولما يتأكد من كفاءة الوش , لازم بيعملة سنفرة عشان يشيل اى بقايا للجوان القديم وكمان بينعم الوش

3- اهم حاجة بعد تركيب الجوان , لازم تغير الزيت والفلتر وتمشى بيهم شوية وتنزلة تانى عشان كدة المياة دخلت على الزيت ودة غلط على المحرك , والافضل انك تفك كارتيرة الزيت وتنظفها كويس

وان شاء الله ترجع زى الاول , بس بالمرة نظف الصمامات والوش كويس من جوة والبوابة , طالما فكيت كل دة

نصيحة مني بلاش تخرط هات جوان وش سلندر استراد انا الدايو لما جابت مني جوان وعملتة العربية كانت فيها حاجة غريبة مع اني غيرت صبابات جديدة وكوتش صباب وكل حاجة العربية كانت سحبها متكتف وكمان لما كنت بدور والعربية بردة كانت بتطلع دخنة بيضة جامدة كلمت الميكنيكي قالي الزيت وحش وغيرة وغيرتة وبرضة وكانت بتاكل بنزين بستهبال لي الاسف المواتير دي ضعيفة وخفيقة فانصيحة مني هات وش سلندر استيراد وابعد عن شغل الخرط