حد جرب اللابتوب الهجين!!_لابتوب+ تابلت فى مفس الوقت!!!

**الفجر** · 17-09-2014 06:21 PM

الاجهزة دى وصلت مصر يا رجالة؟؟ لابتوب + تابلت فى نفس الوقت ؟!!! وبسعر كام وهل حد جربة قبل كدة ؟؟

xps12
اللابتوب الهجين او الهايبرد ديل XPS 12 حيث يمكن استخدامه كجهاز لابتوب و ايضا كجهاز تابلت وايضا شاشه بقياس 12 انش عالية الجوده مع خاصية اللمس بالاضافه الى بطاريه تعمل اكثر من 9 ساعات متواصله ويعمل بنظام تشغيل ويندوز 8 ويبلغ سعر لابتوب ديل XPS 12 حوالي 800 دولار امريكي .

ASUS Transformer Book Duet

لابتوب ASUS Transformer Book Duet هوه عباره عن جهاز لابتوب وجهاز تابلت في نفس الوقت ولكن الميزه الافضل هي انه يعمل بنظامين تشغيل معا وهما ويندوز 8 واندرويد في نفس الوقت ويحمل شاشه بقياس 13.3 انش عالية الجوده تدعم اللمس ويمكن التحويل من نظام اندرويد الى نظام ويندوز 8 بكبسة زر فقط ويبلغ سعر لابتوب ASUS Transformer Book Duet حوالي 600 دولار فقط .

**zorg** · 17-09-2014 07:54 PM

فكرتنى بموقف حصلى فى بداية السنة
روحت اجيب لاب وتابلت المهم اخدت اللاب وبعدين الراجل قالى ده فى لاب وممكن تفك الشاشة وتبقى تابلت المهم قولتله طيب اوك هاخده
المهم ان لا اللاب الاولانى طلع لاب ولا اللاب اللى بيتحول لتابلت طلع لاب هههه وروحت للرجال وكانت قصة
بص هو بصراحة معجبنيش هو من الاخر زى تاب بس الفكرة انه متركب له كيبورد

**الفجر** · 18-09-2014 01:01 AM

متابع؟؟؟؟؟؟؟؟

**samehafez** · 18-09-2014 03:35 AM

معايا asus taichi بقاله سنة تقريبا ... ظريف ,بس قليل اوي اما استخدمه كتابلت ... وزنة 1.2 كجم و ده مش وزن تابلت ... بس كلاب توب ممتاز ... ،core i7 , 4 g ram windows 8

اللي جامد ال microsoft surface pro3 .. في الاصل تابلت و يركب له keyboard بس طبعا نفس المواصفات core i7 , 4g ram ... فيه اعلي و فيه اقل

اجمد حاجة في الاجهزة دي ان كلها ssd و ده بيخلي سرعة النظام ممتازة الwindows بيقوم في ثانيتين

**الفجر** · 18-09-2014 03:43 AM

المشاركة الأصلية كتبت بواسطة samehafez

معايا asus taichi بقاله سنة تقريبا ... ظريف ,بس قليل اوي اما استخدمه كتابلت ... وزنة 1.2 كجم و ده مش وزن تابلت ... بس كلاب توب ممتاز ... ،core i7 , 4 g ram windows 8

اللي جامد ال microsoft surface pro3 .. في الاصل تابلت و يركب له keyboard بس طبعا نفس المواصفات core i7 , 4g ram ... فيه اعلي و فيه اقل

اجمد حاجة في الاجهزة دي ان كلها ssd و ده بيخلي سرعة النظام ممتازة الwindows بيقوم في ثانيتين

طيب الاسعار ياباشا؟ ومنين اشتريهم؟؟؟

**samehafez** · 18-09-2014 04:33 AM

احسن حاجة تجيب من علي ebay الsurface pro فيه منه 2 و 3 و الرينج من 400$ ل 1600 $حسب الهارد و البروسيسور و الرامات
الاسوس فيه منه i5 و فيه i7 و رينجه من 900 ل1200 دولار ... اللي هتختاره زود عليه 1500 جنيه شحن و جمارك و هيبقي ارخص مما لو اشتريته من مصر .

**الفجر** · 18-09-2014 06:01 AM

المشاركة الأصلية كتبت بواسطة samehafez

احسن حاجة تجيب من علي ebay الsurface pro فيه منه 2 و 3 و الرينج من 400$ ل 1600 $حسب الهارد و البروسيسور و الرامات
الاسوس فيه منه i5 و فيه i7 و رينجه من 900 ل1200 دولار ... اللي هتختاره زود عليه 1500 جنيه شحن و جمارك و هيبقي ارخص مما لو اشتريته من مصر .

يا ساتر 1200 دولا + مصاريف شحن 1500 جنية !!!!! ومع ذلك مصر كمان اغلى؟؟؟

لية هو تمنة كام فى مصر؟؟؟

**samehafez** · 18-09-2014 10:44 PM

طبقاً لموقع egprices ال i5. ب 11الف ده اللي هو تمنه برة 900$ و عليهم ال1500 جنيه تقريبا هيقف عليك ب8500 جنيه ارخص الفين ونص من مصر و لو فكرت تحيب i7 من برة هيبقي سعره بسعر الi5 اللي في مصر .... بس الاحسن هو microsoft surface pro بيديلك مجال واسع من الامكانيات و الاسعار بطرازين pro2 و pro3 و وزنه خفيف اعتقد اتقل حاجة 900جم. و انت حر تنقي مساحة التخزين اللي تناسبك و الرامات و البروسيسور و شكله جامد جدآ

**h_shahin** · 19-09-2014 12:33 AM

انا عندى asus t100 و ده ناب مزود بلوحة مفاتيح ب بروسيسور أتوم باى تريل
سعرة 3000 جنية و ذاكرة 32 جيجا و يتضمن أوفيس منزلى

جميل لتصفح النت و البريد و الشات و الأعمال الخفيفة السريعة و وزنه 1 كيلو جرام

و فيه منه موديل بهارد 500 جيجا و سعره حوالى 3400 جنيه
فى رأيى إنه ظريف جدا و هو التاب الوحيد اللى اغنانى عن الاب توب معظم الوقت
عيبه إن ذاكرته صغيرة
و معالج لا يصلح لتشغيل البرامج القوية
و مفيش منه موديل بشريحة و لكنه يقبل مودم اليوإس بى بسلاسه