الموضوع: تجربتي مع الضمان و توكيل سكودا

السلام عليكم .
انا حبيت اكتب تجربتي مع مركز وهدان و التوكيل فرع المقطم علشان ممكن حد يستفيد منها .
من حوالي 10 ايام رحت مركز وهدن لصيانه العربيه (130000 كم ) بعد ما سلمتهم العربيه بساعتين اخبروني ان مروحه تبريد الداتير بايظه و مش شغاله . انا زعقت شويه لأني كنت متاكد من انها سليمه . و قلتلهم عموما هيا في الضمان لأني مشتريها من عندكم .

المهندس شاف سجل العربيه وتاكد من كلامي وان المروحه لسه في الضمان . قالي طيب سيب العربيه وتعالي بعد 3 ايام لأن معندهمش مروحه ( علي فكره هو قال نفس الكلام قبل ما يعرف انها في الضمان )

المهم سبتها و كلمتهم بعد يومين قالولي القطعه جابوها و هايركبوها . بعد ساعه كلموني و قالوا انهم لازم يرجعوا المروحه تاني التوكيل لأنها جت على اساس انها شراء مش استبدال في الضمان .

المهم علشان ما طولش . بعد كده قالولي ان المروحه مش موحوده و هاتاخد 25 يوم علشان تيجي . رحتلهم قالولي كلم المركز الرئيسي في القطاميه لو لقتها اشتريها و احنا هانردلك الفلوس .
كلم مسئول المبيعات في القطاميه قالي مش موجوده . فوت يومبن وخليت شخص تاني يتصل بفرع القطاميه . قاله موجوده و لذياده التاكيد خليت صديقي يمليه شاسيه العربيه علشان منع اي غلط .

المصيبه بقي في اللي جاي لما رحت فرع القطاميه اكدلي تاني ان المروحه موجوده . لما جيت اكتب الفاتوره قلتله خلي الفاتوره باسم فرع وهدان 6 اكتوبر علشان اخد فلوسي منهم . انا قلت كده و الراجل ركبه عفريت وقالي انت ماقلتليش كده من الأول .
رديت عليه و انت مالك انا هاشتري و ادفع الفلوس بس طلعلي الفاتوره بالأسم اللي انا عايزه . المهم الموظف غاب و رجع كتبلي الفاتوه بالمروحه الصغيره مش الكبيره المهم انا اخذت بالي و قلتله قالي الكبيره مش موجوده .


انا بقي اتجنينت . رحت قدمت شكوه فيه و اتصلت بعد كده بالشكاوي بتاعت سكودا و قدمت شكوي في فرع المقطم و بعت ميل للشكاوي في التشيك و ههدت ان هاروح حمايه المستهلك .

تاني يوم لقيت فرع وهدان بيكلمني و بيقول ان فرع القطاميه طلب يجيب المروحه من السكندريه و هاتخلص خلال يومين . وفعلا الحمد لله استلمت العربيه النهارده