طلب تسعير لعربيتى الانترا
السلام عليكم يا جماعة
انا نويت ابيع عربيتى بعد حوالى شهر من دلوقتى و كنت عايز استشيركم اعرضها بكام.
العربية الانترا موديل 2008 اول فئة اوتوماتيك وكيل عاملة 142 الف كم.
الكماليات: زجاج كهرباء، مرايات كهرباء، تكييف، سنترلوك، ريموت، انذار، راديو سى دى، وحدات رفع.
العربية اول يد و فابريكة دواخل و خوارج، كل الصيانات المهمة معمولة فى التوكيل بالفواتير.
كاوتش بريدجستون يابانى و بطارية جافة جايبهم من حوالى سنة.
العربية موتور و فتيس و صالون بحالة ممتازة، بس للامانة فى بعض النقاط اللى حابب اوضحها:
- انا كنت مرة راجع غلط و خبط الجنب اليمين ورا فى حاجز اسمنتى خبط العجلة (الخبطة باينة فى الصور)، و رحت صلحتها فى التوكيل بالفواتير، غيروا المقص.
- كلاطش التكييف كان باظ و رحت صلحته فى ورشة محمد سعيد فى المعادى
- البربيز كان وقعت عليه حاجة من العمارة اتشرخ جامد فغيرته. و البربريز الجديد برضه اتخبط بس المرة دى شرخ صغير فلحمته.
فى برضه حاجات بسيطة اوى بس اقوله بالمرة:
- زرار الزجاج الكهربائى بتاع السائق احيانا بيعلق.
- الكاسيت برضه ساعات زرايره بتعلق.
بالنسبة للرخصة فهى تنتهى تقريبا فى نوفمبر 2014.
يا ترى اعرضها على كام، و اعرضها امتى لو انا مش هبيع قبل شهر؟
اسيبكم مع الصور، و شكرا مقدما:
http://nileup.com/up/uploads/nilemotors_14109869271.jpg
http://nileup.com/up/uploads/nilemotors_14109869272.jpg
http://nileup.com/up/uploads/nilemotors_14109869273.jpg
http://nileup.com/up/uploads/nilemotors_14109870411.jpg
http://nileup.com/up/uploads/nilemotors_14109870412.jpg
http://nileup.com/up/uploads/nilemotors_14109870413.jpg