الله عليك يا موتو
حلقتك خفيفة وحلوة
وإجاباتك مقنعة
أنا بقى عندى كام سؤال حنين
أهلا بيك بودي باشا :flowers:
1_ إنت معاك سيريون :auto:وربنا يباركلك فيها . طيب قبل السيريون كنت بتفكر فى حاجة تانيه ولو آه , إيه اللى خلاك ترجح السيريون ؟
كنت بقارن بين السيريون و البونتو و الجيتز و الأفيو .. إستبعدت الأفيو بسبب إني مبحبش السيدان و محبيتهاش أوي من جوة يعني مكنش فيه كمياء بيني و بين العربية إلي جانب إن الأوبشنز كانت قليلة .. الجيتز إستبعدتها لأن 1600 هتستهلك بنزين كتير و سمعت إن ثباتها مش قد كدة إلي جانب سمعة غبور باشا اللي سابقاه .. فضلي البونتو و السيريون .. انا كان نفسي في موديل جديد يكون ملوش تاريخ في مصر بحيث أحس العربية جديدة فعلاَ و ده رجح السيريون أكتر إلي جانب إني حبيتها جداَ كشكل و إمكانيات و عجبني قعدتها و شكل العدادات المختلف قلت بس هي دي .. و الحمد لله إختياري لم أندم عليه
2_ إيه عربية أحلامك بعد السيريون ؟:driving:
ميني كوبر .. و نفسي أجيب FJ Cruiser للسفاري و الصحراء
3_ قرار بتندم إنك إتخذته فى يوم من الأيام:g: ؟ وليه ؟ وقرار ندمت برضه بس إنك مخدوتش ولمت نفسك عليه :011::banghead:؟
الصراحة قرار إني أبعد عن الصحافة .. انا عموماَ اما إشتغلت في الصحافة كنت عارف إني مش هكمل فيها كمجال شغل إنما الصحافة كانت بتخليني أقراَ و أدور و يبقالي معارف كتير و كنت hyper active طول الوقت إنما من ساعة ما بعدت عنها و انا حاسس إني عايز أرجع لأيامها بس المشكلة إني مش جاهز حالياَ فا ربنا يسهل .. القرار التاني .. إكتشفت إني عندي ميول لقسم الإعلان أكتر من قسم التليفزيون و انا أيام التخصص كنت بجاهد نفسي عشان أتخصص إعلان بس كنت منبهر أكتر بقسم التليفزيون و الستوديوهات و الجو ده .. بس عامة ملحوقة و انا علي باب التخرج خلاص
4_ أمنية حياتك ؟ عايزين 3 أمنيات بتتمناهم من قلبك :k8:
1- أكون مبسوط بشكل عام و أبعد عن الإحباط يعني ناجح في الشغل و إجتماعياَ
2- أسجل ألبوم كامل مع الباند اللي بلعب فيها حتي لو محدش هيعرفه بس نسجله و أديه للناس اللي أعرفها يعني
3 - ألاقي نصي التاني :k1:
5_ صفه فيك دايمآ بتقابلك إنتقادات عليها :ANSmile23:؟ وصفة فيك من صفاتك والكل بيشكر فيها:thumbsup: ؟
صفة بينتقدوني عليها هي إني عنيد جداَ و لو صممت علي حاجة خلاص مش بغير رأيي ولا بالطبل البلدي .. صفة الناس بتشكر فيها هي إني مش من الناس اللي بتوقف الدنيا و بحب الحركة .. يعني انا من النوع اللي لو كلمتني الساعة 3 الفجر قلتلي انا مخنوق و عايز أروح إسكندرية أقعد عالبحر شوية مثلاَ هقولك يالا بينا و في خلال نص ساعة هتلاقيني عالبوابات .. فيه ناس عشان تتحرك من مكانها بتعمل دراسة جدوي للموضوع
6_ مطربك وممثلك المفضل ؟
مفيش مطرب أو باند مفضل لأني بحب الموسيقي عموماَ بس من اللي بحبهم جداَ فريدي ميكيري من باند "كوين" و بوب مارلي و معظم الروك أند روك القديم مرورا بإلفيس و البيتلز و ليد زيبيلين و كدة .. من العربي بحب عبد الحليم حافظ خاصة أغاني الjazz بتاعته و بحب عمرو دياب و سميرة سعيد
ممثلي المفضل عالمياَ توم هانكس و بروس ويليس و روبين ويليامز .. بس انا بحب الأفلام ال unrated الأي كلام الخفيفة كدة زي 10 things i hate about you مثلاَ .. أو فيلم إجتماعي درامي زي كاست أواي مثلاَ و فيه فيلم بعشقه لروبين ويليامز و هو dead poets society
7_ إغنيه بتحس بنفسك جواها ؟ ( على فكرة أنا بحب السؤال ده آوى )
أغنية ل queen إسمها pain is so close to pleasure
جامدة جداَ ممكن تلاقي الكلمات بتاعتها علي جوجل :)
8_رأيك الفلوس والمرتب أهم ولا وضعك البرستيجى فى الوظيفة , وبتحب الأعمال الحرة ؟
مش موضوع برستيج بس لو فيه وظيفة بمرتب أقل و راحة نفسية أكتر هاخدها أكتر من اللي بمرتب أعلي .. و طبعا أحب الأعمال الحرة بس في الإعلام صعب .. بس عامة i like to be my own boss :smartass:
اما بالنسبة للبرستيج .. هو مهم بس مش من الأولويات
9_ بتشجع كوووورة :k33:؟ وبتشجع مين ؟ :k36:
أهلاوي صميم .. بحب الكورة بس مش مجنون يعني بس بروح الستاد و أقعد عالقهوة أتفرج عالشمابيونز ليج .. من برة مصر بشجع مانشستر the red devils بتوع إنجلترا
10_ رأيك الشخصى فى برنامج من القلب للقلب ؟ ورأيك فى مقدمة البرنامج ؟ وإيه الأفكار اللى ممكن تضيفها للبرنامج:thinking: ؟
برنامج جامد جداَ قرب الأعضاء من بعضها و خلا فيه جو جميل بينهم و المذيعة طبعاَ مفيش كلام عليها متمكنة من أدواتها و تينها و شوكها كويس بس مفترية :devil: اللي ممكن يتضاف للبرنامج إن كنبة التين الشوكي بتاعة الحج أحمد تتنجد سفنج .
أتمنى إنى أكون زائر خفيف عليك
:smartass: