الداء ده بأه حاجة خارجة عن الارادة
انا حاولت على اد مقدرت بس الطبع غلاب
وكويس انه طلع في شوية ورد مش كله شوك ههههههههه
عرض للطباعة
حازم بك ....
طالما انت بقي طلعت زميل مهنة ... نتوصى بيك في الاسئله :devil:
لو ح تختار بين الوظيفة والعمل الحر .... ح تختار اية ؟؟؟ ولية ؟؟
لو انت مش محاسب كنت نفسك تكون اية ؟
لو رجع بيك الزمن لورا...... كمت اتجوزت في نفس سنك اللي اتجوزت فيه ؟والا كنت اتأخرت شوية ؟
لو شغلك اضطرك تتنقل القاهرة .... تقدر تعيش فيها بزحمتها وضجيجها ؟؟
مش شايف ان حبك لفيروز بيتناقض مع حبك لتامر ونانسي ودياب ؟
انت بتشتغل في جهه شبه حكومية .... اية رأيك في الاداء الحكومي .... اقصد المؤسسات الحكومية ؟؟؟وهل يوجد منطقية و موضوعية في الرسوم اللي بتحصلها الحكومة علي كل حاجة .... حتى الركنة في الشارع ؟؟
كفاية كدة المرة دي
حازم باشا مش ملاحظ اني سألتك اكتر من سؤال ينطبق عليك كأني عارفه معلومات عنك
زي الاغنية _ زي سؤال احتكار بضاعه ... تفسر الحكاية دي بأيه خصوصا لو عرفت انها اتكررت مع ضيوف غيرك:smartass:
حازم باشا فهمت من اجابة سيادتك انك خريج تجارة القاهرة يعني عيشت في القاهرة فترة
ايه رأيك في فرق كبير بين طباع القاهريين وطباع اهل الفيوم؟؟
طيب المقارنه لصالح مين؟؟
فاكر مين من دكاترة الكلية ؟؟ اصل انا خريجة نفس الكليه
دخلت تجارة عن رغبة حقيقية ولا مضطر بسبب المجموع؟؟
انت مع او ضد الزواج المبكر للشاب والفتاة؟؟
لوبنتك جالها عريس ابن حلال وكويس من كل النواحي وعايز يتمم الزيجة قبل ما تكمل تعليمها هتوافق؟؟
المارد رجع إلي القمقم :o
حازم باشا حضرتك مشرفنا فعلا .... و اجابات حضرتك تنم عن شخصية واعية و ناضجة ... اسمحلي أسألك ٣ اسئلة متسجلين بإسمي في برنامج نور باشا بس ربنا يستر و نور باشا ما تطردنيش بعد كده من مقاعد المتفرجين
١ - تعرف إيه عن كندا ... بلد و سياسة و ثقافة ..إلخ
٢ - كرة القدم هل هي من هواياتك ... لو آه إيه الفرق اللي حضرتك بتحبها محليا و عالميا
٣ - إيه آخر كتاب قريته حضرتك و إيه الكتاب اللي نفسك تجيبه و إيه الكتاب اللي عايز تقراه تاني
تقبل تحياتي :)
* البلاد اللى زرتها كانت بالترتيب ليبيا والمانيا وفرنسا والسودان والسعودية ثم ليبيا مرة ثانية
* الفيوم منخفض جميل يبعد عن القاهرة 80 كم اهل الفيوم ومش علشان انا منهم - فيهم من الطيبة احيانا المبالغ منها وفيهم مايمكن ان نسميه الشهامة ولكن ايضا فيهم من العصبية بمعنى التعصب احيانا كثيرة
مدينة هادئة نوعا ما الخضرة فيها اكتر من التصحر اللى اصبح يغلب على اماكن كتيرة فى مصر - ومش عارف ازاى رغم وجود النيل-
تعتبر من الاماكن ذات الطابع السياحى او اذا جازت التسمية السيحة الهادئة، بمعنى انها تصلح للاستجمام
لو عينت وزير داخلية اول قراراتى هو اعادة النظر فى ضوابط وشروط الالتحاق لكلية الشرطة ومحاولة تطهير الوزارة ممن يمكن ان يسموا بضباط ليسوا منضبطين بمعنى وضع ضوابط جديدة بمفاهيم جديدة اكثر تطورا واكثر انسانية لقياس اداء ونفسية ضباط الوزارة
اعتقد ان مايمكن ان يجعلنا على خريطة العالم احترام آدمية وانسانية المواطنين او مايسمونه مجرد اسم حقوق المواطنة والاهتمام بالبحث العلمى بشكل حقيقى - محاولة القضاء على الفساد بكل اشكاله - سياسيا واقتصاديا واجتماعيا
ياصاحبى العدل الاجتماعى باختصار شديد
الاهتمام بالفن الفن الجميل
الاهتمام بالتاريخ
المشكلة ان اللستة طويلة جدااااااااااااا
لو هاختار بين الوظيفة والعمل الحر وانا بالمصادفة باجمع بين الاثنين ده هايتوقف على الظروف الموضوعية او الآنية بمعنى انه حاليا وفى ظل ظروف السوق والانهيار الاقتصادة الوشيك وحالات الاحتكار الشديدة انا مضطر ان احتفظ بعملى الوظيفى
اما لو حيدنا هذه الاعتبارات كنت اتمنى ان اعمل حرا فأنا اعشق الحرية على كل المستويات رغم انى بالتأكيد احب عملى جدا كل انواع عملى الوظيفى منها والحر
العمل الحر ياصديقى تسطيع ان تبحر فيه كا تريد تستطيع ان تبدع فيه تخرج كل ملكاتك وامكانياتك وصدقنى الحكاية مش بس مكسب ورأس مال
ولكن للاسف ظروف السوق ولانى مسئول عن اسرة احبها واسعد جدا لسعادتهم وتلبية رغباتهم فمضطر احافظ على العمل الوظيفى بجانب عملى الخاص الى حين..
لو مش محاسب كان انفسى اكون مهندس هذا على مستوى المهنة اما لو كان السؤال كان نفسى امارس ايه فقط بمعنى اكون ايه وفقط كان نفسى اكون شاعر..
لا كنت اتجوزت بدرى شوية كمان وده لعدة اسباب اولا لانى كنت بحب قوى وكان لازم اتجوزها كى استمتع بحبى معها ثانيا لانى مارست حرية الحب ومارست الاستقلالية واستمتعت جدا بأولادى - وهم اصدقائى- فى سن مبكر.
لو اضطررت لانتقل للقاهرة هاكون سعيد جدا لانى اعشق القاهرة بكل مافيها وكل تفاصيلها بحواريها الضيقة وشوارعها ، بناسها، بمقاهيها ، القاهرة بالنسبة لى عشق خاص وعلى فكرة انا قضيت فى القاهرة ثمان سنوات متصلة من بداية دراسة الكلية وبعد التخرج لمدة ثلاث سنوات كان اول شغلى فى القاهرة وزوجتى من القاهرة وبالتالى انا لا اغيب عنها اسبوعيا فى القاهرة.
حبى لفيروز لا يتناقض مع حبى لنانسى وعمرو دياب لانى مؤمن بأنه لايمكن الوقوف عن نقطة واحدة وخاصة فى الفن والا لما كانت جاءت فيروز وكنا زمانا واقفين عند الخلعى مثلا او عبد الحى وانا ارى نانسى وعمرو مثلا على سبيل المثال نقلة جميلة فى عالم اصبح الجميل فيه نادر جدا وعلى فكرة انا ذكرت انى حتى وانا اسمع مايسمى بالجديد فتظل فيروز ومنير والحجار هم دائما الجديد بالنسبة لى
اما عن تامر فالحكاية انى قلت علشان اولادى بيحبوه فابضطر اسمعه معاهم احيانا وخاصة فى العربية رغم محاولاتى الكثيرة معاهم ولكن للاسف هم جزء مما نحياه ومضطر احترم رغباتهم.
تسألنى عن الاداء الحكومى؟ !!! وهلى يوجد اساسا اداء حكومى
هذا اداء بالمصادفة كل مايعن اليهم ويخدم مصالح طبقة محددة واشخاص محددين يتخذ بيه قرار
لايوجد اداء حكومى اصلا حتى نقيمه وفى هذا رد على باقى السؤال.
انا مش عارف افسر ده بأيه طبعا انما اظن انه يمكن يخلينى افسرك انتى
بمعنى اظنك وانتى بتسألى او بتحضرى الاسئلة بتحاولى تتعرفى على الشخصية من مشاراكته - ملفه الشخصى - سنه - اقامته - ولكن الى حد اختيار حاجة زى الاغنية مثلا او مسألة التجارة والاحتكار
الحقيقة كل اللى اقدر اقوله انك موهوبة ورما تمتلكين حاسة خاصة اهنيك ويمكن احسدك عليها.
مافيش فرق كبير بين طباع القاهريين واهل الفيوم لان الفيوم بالتحديد مثلا اقرب للجيزة من شبرا اذا قيست بعامل الوقت بمعنى انى انا مثلا باكون فى القاهرة يمكن يومين او ثلاثة فى الاسبوع على الاقل وزوجتى من القاهرة - وكتير من الفيوم متجوزين من القاهرة والعكس - فقرب المكان صنع مايمكن ان نسميه ذوبان فى الطباع يعنى الحكاية مختلفة شوية عن بحرى او الصعيد
مافيش اختلاف كبير حتى على مستوى اللهجة
وانا فيومى الموطن واحبها لان بها اهلى واصدقائى واولادى وقبل ذلك قبر امى
وفى نفس اللحظة انا قاهرى الهوى والمصاهرة بها حبى الاول وحبى المستمر بها تفتح وعى ، وبها بدأ حلمى ومنها تعرفت على حدود العالم مواطن الجمال.
من داكترة الكلية - طبعا ان مش عارف انت خريجة دفعة كام انما انا خريج 1988 واذكر مثلا الدكتور عبدالمنعم محمود - د. رفعت المحجوب، د. عاطف عبيد، د. السباعى، وقبل كل ذلك د. بلبع وخاصة انى درست معاه سنتان ثالثة ورابعة ويمكن كانت الدفعة الوحيدة اللى درسلها بلبع سنتين. وكنت طبعا مجموعة (أ).
انا دخلت كلية تجارة علشان المجموع رغم انى كنت جايب مجموع يؤهلنى للهندسة وكان نفسى ادخلها ولكن فى هذه السنة حصل لخبطة مش فاكر فعلا تفاصيلها حاليا انما المؤكد ان ماحدث ادخلنى كلية التجارة - وبعد ان دخلتها اكتشفت انى لها.
انا مع واكيد وضرورى وحتما مع الزواج المبكر للشاب والفتاة طبعا مش مبكر جدا انما كمان مش الثلاثينات وانا اظن انه لولا الظروف المادية لما كانت هناك اصلا اى مشكلة فى الزواج المبكر واكن اصبح هو الاصل.
حكاية لو بنتى جالها عريس دى انا مش فاهمها قوى - يعنى جالها هو انا عارضها فى سوق الجواز - الحكاية مش عرض وطلب وبنتى او اى بنت مش سلعة تنتظر الى انى يأتى من يقبلها.
انا لو سمحتى ممكن اعدل السؤال ونقول لو ان هناك شخص وجد فى بنتى ووجدت فيه ما يمكنهم من استمرار حياتهم وطبعا يكون مقبول بالنسبة لى ومقبول بالنسبة لى لايعنى انه معاه فلوس كتير مثلا انما رجل بمعنى ان أأمن على بنتى فى عشرتها معاه بالتأكيد هارفض .هههه هارفض فقط حتى تنهى تعليمها وبعدين هى حرة بالتأكيد حرة اذا ماكان هذا الرجل ... رجل.
د. شيكو اولا انا مش عارف ليه كل الاخوة مصممين ينادونى بحضرتك
انما المشكلة ان اجابة السؤال الاول والثانى هاتكون مختصرة جدا
بالنسبة لكندا فى الثلاث عناصر اللى حضرتك ذكرتهم - بلد وسياسة وثقافة- تقريبا معرفش عنها حاجة لكن كل معلوماتى عنها جغرافية طبعا وانها الوجه الاخر لامريكا العظمى ولكنه اعتقد ليس بنفس القبح كما انها كانت ولا اعلم ان كانت لازالت ام لا ، اقول كانت مكان جميل للهجرة المنتجة.
اما السؤال الثانى فللاسف انا معلوماتى ضحلة جدا فى كرة القدم ولا اعرف عن الفرق العالمية اى شىء يمكن اعرف الاهلى والزمالك والفريق القومى فى متشاته الافريقية واتابعها من حس وطنى او اجتماعى او بالاحرى حس جماعى الكل فرحان ، الكل مهتم الكل يشجع - وفى النهاية مصر بتلعب. صدمة طبعا حكاية انى ماليش فى الكورة بس هى دى الحقيقة.
اما عن القراءة فآخر كتاب قريته ولم انتهى منه يعنى معايا حاليا هو رواية يعقوبيان لعلاء الاسوانى، والكتاب اللى نفسى اجيبه هو كل المطبوعات الموجودة فى معرض القاهرة الدولى للكتاب ، اذا كانت الحكاية نفسى ، انا نفسى اقتنى كل كتب العالم وانا لدجى مكتبة اظن انها جيدة تحتوى يمكن على 1500 عنوان، اما الكتاب اللى ناوى اشتريه فورا بمجرد نزوله او مصادفتى له هو الاعمال الكاملة للشاعر الجميل محمود درويش - رحمه الله- وهو موجود فى السوق فعلا بس انا اللى مكسل شوية. لان مالدى لدرويش هو اغلب دواوينه ولكنها غير مجتمعه وينقص منها بعض الدواوين.
الكتاب اللى عايز اقراه تانى هو كتاب عبد الناصر والعالم لمحمد حسنين هيكل. وه كتاب تم تاليفه من مدة طويلة وقريته اكتر من خمس مرات ولكنى اظن انه من الكتب التى يجب ان تقرأ باستمرار لانه فى كل مرة تقرأه فيه تكتشف اشياء وترى اشياء وتستطيع فهم اشياء على الساحة السياسية حاليا لها اساس منذ هذا الزمن.
very good iedia
بجد فكرة جميلة جدااااا
وإن شاء الله فى تطور مستمر