معاذ باشا.. النور نورك يا دكتور و نور السائلين الأعزاء :)
و الله يا معاذ ياخويا الموضوع معقد جدا. انا من فترة ليست بالطويلة كنت فعلا باقضي كل وقتي تقريبا اللي في البيت قدام شاشة الكمبيوتر و تحديدا النت، منتديات و مدونات و فيس بوك و سيرش على حاجات تقع داخل دائرة اهتمامي. مؤخرا بدأت أشد نفسي شد من قدامه لما الاقي نفسي فاتحة خمسين ويندو و باعمل خمسين حاجة في وقت واحد و بافضل أقول لنفسي يا بنتي fooooooooocus.. ركزي في حاجة واحدة، خلصيها و بعدين أدخلي على غيرها. كمان بقيت بحاول أسيطر على شغفي الشديد بنايل موتورز و أحط قواعد للتواجد فيه، يعني من الآخر مش بطاوع نفسي على كل حاجة نفسي تقوللي اعملها ع النت، الموضوع بدأ يتقنن شوية مؤخرا، خصوصا اني لقيت ان النت بدأ يطغى على حاجات كتير كنت باعملها زمان، زي القراءة مثلا، عشان كده نزلت وسط البلد الأسبوع اللي فات و اشتريت كتابين ناوية ألزم نفسي بالانتهاء من قرائتهم قبل معرض الكتاب ما يبدأ ان شاء الله.