اكيد حد بيقشر بصل جنب منه :_Alshmokh11:
عرض للطباعة
صديقي العزيز المهندس احمد ...
واحشني جدا .. و واحشني كل الناس الحلوة اللي هنا .. وواحشني الموضوع بتاع نور من يوم ما ابتدي ...
حادخل في الموضوع علطول...
بعض كلمات .. و مطلوب من حضرتك تقوللي ماذا تعني هذه الكلمة بالنسبة لك
-شهر رمضان
- سيراتو اوتوماتيك
- تمبرا
- الصديق الوفي
- الحب
- نايل موتورز
- اوباما
- دول الخليج
- الخيانة
- التلفزيون
- السياسة
- كلية الهندسة
- مدام أحمد اسماعيل
* مش عارف حد سألك السؤال ده و اللا لأ ...بس ما معني su الموجودة في اسمك ؟
* اذا كنت من سكان القاهرة ... ايه المنطقة اللي بتحبها و تحب تسكن فيها ... و ايه المكان اللي نفسك تسيب القاهرة و تروحه .. و ايه البلد اللي نفسك تعيش فيها لو مكانتش مصر ؟؟
* احمد اسماعيل لما يكون متضايق ( ربنا مايجيبش ضيق ) بيعمل ايه .. بيروح فين .. بيتصرف ازاي ؟
* ايه معني التكنولوجيا بالنسبة ليك .. و هل ليها اثر سلبي او ايجابي علي حياتك ... و ايه اكثر تطبيقاتها اللي بتستخدمها في حياتك ؟
*اذا بصيت بصة علي الشباب الايام دي .. ماذا تري .. هل الجيل مبشر بالخير و اللا ... و هل فيه مشاكل معينة يعانيها الشباب هذه الايام تحتاج الي حلول جذرية ؟
* الرضا عن النفس .. بيتحقق امتي عند احمد اسماعيل ؟
* ان شاء الله حتجيب عربية جديدة قريبا .. تتمني تركب ايه ... ؟
........................
اقعد أزأز في دول لحد ما اظبطلك كام سؤال تانيين :)
دمتم بخير
انا جيت :Oc_sun1[1]:
اسفه اتأخرت عن افتتاح الحلقة وفي البداية احب ارحب بحسن خليل صديقنا العزيز اللي غايب بئالو كتير
ودلوقت احلى ترحيب بضيفنا الجديد اللي استناناه كتير
http://www.myoneplan.net/vb/images/s...2e642f2149.gif ahmed_su http://www.myoneplan.net/vb/images/s...2e642f2149.gif
اسمح لي اقدم لك احلى باقة ورد
http://upload.7bna.com/uploads/d0075a9362.jpg
طبعا بما انك بلدياتي اول حاجة احب اسألك عنها هي عروس الصعيد (( المنيا )) ماذا تمثل لاحمد اسماعيل
ياترى تتمنى تعيش فيها لو لقيت فرص عمل مناسبة ولا شايف ان القاهرة افضل
حضرتك اصلك من قرية ولا المدينة نفسها؟؟ ولومكنتش من قرية .. تتمنى لو تقدر تقيم فترة في احدى قرى المنيا الجميلة
ربيت ابنائك على حب اصولهم الصعيدية ونميت فيهم الانتماء لبلدهم .. ولا الموضوع مش بالك؟؟
حضرتك قلت في مشاركة في موضوع تاني ان زوجتك اعجبت بالمنيا .. ياترى ممكن يكون عندها رغبة في الاقامة الدائمة هناك؟؟ ولا بتكتفي بالفسحة
جيت القاهرة وانت عندك كام سنة .. ولا مولودهنا اساسا؟؟
بتروح المنيا كام مرة في السنة؟؟
ايه اكتر حاجة بتحبها في نايل موتورز ؟؟ وتعتقد ايه سر ارتباطنا الغريب بالمنتدى ده بالذات؟؟
بدون ردود دبلوماسية عايزة 5 اسماء لاعضاء بالمنتدى اقربهم الى قلبك
في مين من الاعضاء متعرفتش عليه شخصيا وتتمنى تشوفه ؟؟ برضو عايزة اسماءءءءءءءءء
ايه رأيك في القسم الاجتماعي .. في اعضاء مش قليلين ضد وجوده في منتدى متخصص بالسيارات.. تقولهم ايه
لو كنت ادمن للمنتدى هتغير فيه ايه؟؟ اكيد اول حاجة هتغير كريم منير هههههههههه
كلمة مش موجزة عن كل عضو
شنوري - كريم منير - احمد ابراهيم - حسن خليل - bee
حضرتك اكيد تابعت معانا بعض من الحلقات السابقه .. ياترى في سؤال معين اتسأل لضيف اتمنيت انه ميجيش في بالي ولا بال حد من الاعضاء علشان مش عايز تتسأله؟؟
بما ان حضرتك تزوجت زواج تقليدي
تنصح الشباب الاعزب بالزواج التقليدي ام الزواج عن حب
ممكن الرجل يحب اكثر من امرأة في وقت واحد
ايه اللي ممكن يقتل الحب في قلب الرجل
من وجهة نظرك ممكن في ظروف معينة انسان يحب شخص ويكرهه في نفس الوقت .. مثال....
لو عندك بنت وارتبطت عاطفيا بشاب كويس من كل النواحي هتوافق على زواجهم ولا هتعمل زي بعض الصعايدة اللي لسه موجودين وترفضه لمجرد ان كان بينهم عاطفة بريئة؟؟
ايه اكتر 5 صفات ممكن تلفت انتباهك في امرأة سواء صفات شكلية او صفات في الشخصية
http://www.myoneplan.net/vb/images/smilies/786.gif
لكل انسان ذكريات معينة يتمنى نسيانها .. ياترى سيادتك تتمنى تنسى ايه؟؟
ايه كتر حاجة بتحس انك مخنوق منها؟؟
ياترى سيادتك ممكن تطلع اسرارك الشخصية جدا لحد ولا بتحب تحتفظ بيها لنفسك .. ولو بتحب تطلعها لحد مين هو ؟؟؟
جات عليك اوقات كنت تبكي وتضحك في نفس الوقت؟؟
اوصف لنا نفسك بذكر 5 صفات حميدة و 5 صفات سيئة من وجهة نظرك
ياترى بتتقبل نقد الاخرين ليك بصدر رحب ولا بتتضايق
بتحاول تصحح عيوب انت شايفها في نفسك او الاخرين شايفنها فيك .. ولا لأ
كنت قلقان قبل بداية الحلقة من الاسئلة المحرجة ولا مش بيهمك؟؟
ايه اكتر سؤال سألته لك حسيت انك محرج تجاوبه بصراحة وياترى جاوبته بصراحة
كنت متوقع سؤال معين مني ومجاش في الامتحان
أأأخ .. كده وقعنا في الغلط ...
عذرا يا نور باشا .. كنت فاكر ان الحلقة بدأت علشان كده حطيت الاسئلة .. :shyy:
و شكرا علي الترحيب الجميل
صديقي العزيز المهندس احمد ...
واحشني جدا .. و واحشني كل الناس الحلوة اللي هنا .. وواحشني الموضوع بتاع نور من يوم ما ابتدي ...
أبو على فينك ياراجل مختفى ليه وحشنى بجد حمد لله على السلامة ياراجل
حادخل في الموضوع علطول...
بعض كلمات .. و مطلوب من حضرتك تقوللي ماذا تعني هذه الكلمة بالنسبة لك
-شهر رمضان
بستناه من السنة للسنة - به جرعة كبيرة من العبادة وتهذيب النفس - والتقرب لله بالطاعات
والدعاء - ربنا يبلغنا رمضان ويتقبل منا يارب - بالاضافة للجو الروحانى وتجمع العائلة على مائدة
الافطار شعور لا يضاهيه شعور
- سيراتو اوتوماتيك
تجربة مش بطالة - مع انى كنت خايف من الكورى - بس الحمد لله ... دى جاية بعد الاستخارة
- تمبرا
مفتقدها بجد .... كان لى بها احساس غريب ملوش وصف معين بس هى حاجة كده....
مش حسسها فى السيراتو بالرغم من اختلاف العمر والحداثة ....
- الصديق الوفي
نادر ...بس موجود
- الحب
من غيره الدنيا ملهاش لازمة
- نايل موتورز
أدمان ...عمرى ما ارتبط بموقع او منتدى طول هذه المدة او بالكثافة دى لتواجدى يوميا
بس اظن الارتباط بالناس اللى مشكلة المجتمع الافتراضى لنيل موتورز حصل بينا وبين بعض
الفة .... واغلب الموجودين مع اختلاف اعمرهم واتجاهتهم الفكرية الا انهم بينهم حاجة مشتركة
وهى حب افادة الاخرين .
- اوباما
مش متفائل بيه اوى- هى امريكا دولة ليها سياستها ولازم رئيسها يطبق هذه السياسة مش
ماشى بدماغه وان اختلفت طرق تنفيذ هذه السياسة من رئيس الى اخر (بس بالنسبة لى اى حد غير جورج بوش هيكون افضل بكثير)
- دول الخليج
بحسدهم ... مش على غناهم بس على النظام والرقى اللى بقوا فيه وخذ للمرورعندهم مثل
وكمان اهتمام حكمهم بمواطنيه مقارنة بحالنا والذى صرنا اليه من هرجلة وهمبكة وقلة قيمة
ودى مش مشكلة حكم وحكومة بس دى مشكلة الشخصية المصرية للا سف الشديد .
- الخيانة
ربنا يكفيك شرها
- التلفزيون
ما بقتش اشوفو من فترة زمانية طويلة
- السياسة
متابع لها من بعيد لبعيد
- كلية الهندسة
كانت هدف والحمدلله اتحقق
- مدام أحمد اسماعيل
ربنا يبارك فيها
* مش عارف حد سألك السؤال ده و اللا لأ ...بس ما معني su الموجودة في اسمك ؟
هنا فى المنتدى محدش سئلنى ....
معنى SU ده ليه حكاية ..... فيه هواية اسمها هواة الراديو Radio Amateur
يعنى سعدتك بتمتلك راديو لاسلكى ارسال واستقبال وتحادث به اصدقاء يمتلكون نفس الهواية
من مختلف انحاء العالم ولهم اتحاد دولى واقليمى وكل واحد ليه رمز نداء يبقى مميز بيه عن
غيره وعلشان تحصل عليه بتتقدم لامتحان صغير شفوى وتحريرى لمرفق الاتصالات وبعد مابتنج
بيطلعلك رخصة بها رقم ندائك التعريفى والبلاد مقسمة كل بلد ليه كود .. وكود مصر هو SU
وكود الهواة هو (1 ) يبقى وبعدين اول حرفين من اسمك يبقى الكود بتاعى كما يلى su1-AI
وينطق وانت بتعرف نفسك (اس يو وان الفا انديا ) يبقى اللى بيسمعك يعرف انك من من مصر
والفا انديا هو اختصار اسمى احمد اسماعيل ... وبيقت لما اسجل فى كل المنتديات بحط الاختصار ده
وجعت دماغك مش كده ؟؟!!!
* اذا كنت من سكان القاهرة ... ايه المنطقة اللي بتحبها و تحب تسكن فيها ...
ايوه انا من سكان القاهرة ... واتولدت وعشت فى الجيزة لحد ما اتجوزت وعديت الجانب الاخر
من النيل ... علشان كده بحب الجيزة مش علشان حاجة مجرد ارتباط نفسى ... نفس اسكن على النيل فى اى حتة
و ايه المكان اللي نفسك تسيب القاهرة و تروحه .. و ايه البلد اللي نفسك تعيش فيها لو مكانتش مصر ؟؟
اى مكان فيه خضرة وهدوء على اطراف القاهرة ....
لو دولة عربية يبقى فى المدينة المنورة اطهر ارض ...ولايمكث فيها غير الطيبين (المدينة تلفظ خبائثها)
لو دولة اجنبية تبقى فرنسا .
* احمد اسماعيل لما يكون متضايق ( ربنا مايجيبش ضيق ) بيعمل ايه .. بيروح فين .. بيتصرف ازاي ؟
عادة اتجه الى ربنا بالصلاة والدعاء...... او بافضل اسوق العربية من غير هدف الى ان يتغير مودى
* ايه معني التكنولوجيا بالنسبة ليك .. و هل ليها اثر سلبي او ايجابي علي حياتك ... و ايه اكثر تطبيقاتها اللي بتستخدمها في حياتك ؟
طول عمرى من وانا طفل صغير غاوى تكنولوجيا واللى كانت متوفر وقتها الراديو الترنزوستر
وكنت اهيم به وبوظت يمكن مائة راديو منهم على مدار سنين الطفولة وحتى الان اهيم بالرديو
الترنزوستر ولو انه بقى اى سى وامتلك اكثر من 12 جهاز باشكال مختلفة فتقدر تقول كل ماهو
يدور فى فلك الالكترونيات والكمبيوتر والانترنت والسيارات تلقينى راشق على طول وكذلك اغلب قرائتى فى هذا المجال
واعتقد ان الاكثر استخداما هى الانترنت فبها انت معاك كنوز العلم والمعرفة و الترفيه كمان
اثرها سلبى على ماعتقد من ناحية الارتباط العائلى الذى قل بدرجة كبيرة لانى اغلب ان ماكنش
معظم الوقت على الانترنت وخصوصا من بعد ماجبت لاب توب فبقى معايا فى كل حتة حتى فى الحمام :shyy:
*اذا بصيت بصة علي الشباب الايام دي .. ماذا تري .. هل الجيل مبشر بالخير و اللا ... و هل فيه مشاكل معينة يعانيها الشباب هذه الايام تحتاج الي حلول جذرية ؟
والله الشباب مظلوم لانه بيفتقد القدوة الجيدة وطلع على مفاهيم بتقلل من قيم العمل والاجتهاد وبتعلى من
قيمة الهمبكة و والتهليب وشغل الثلاث ورقات وبالتالى مافيش امه بتتقدم بالهجص بتتقدم بالشغل
واثابة المجتهد - حل - انا مش متفائل بأن ياتى حل فى القريب العاجل وخاصة ان اكثرمن جيل
اتربى على المفاهيم المغلوطة واللى صعب جدا انها تتصلح الا على مدار سنوات طويلة جدا
وساعات بحس انى ظلمت ولادى ان جبتهم للدنيا - ربنا يستر
* الرضا عن النفس .. بيتحقق امتي عند احمد اسماعيل ؟
لما بساعد حد وخاصة اذا كان محتاج المساعدة وارى فى عينه نظرة الارتياح - ومش شرط مساعدة مادية
ببقى مبسوط منى قوى وبدعى ربنا دائما ان يوفقنى فى قضاء حوائج الاخريين .
* ان شاء الله حتجيب عربية جديدة قريبا .. تتمني تركب ايه ... ؟
اتمن ان اركب النجمة الفضية (مرسديس)
........................
اقعد أزأز في دول لحد ما اظبطلك كام سؤال تانيين :)
أزأز ... والله ايدى وجعتنى من كتر الاجابة - الواحد عاوز كى بورد تكتب اللى يجى على البال مش بالصوابع.
دمتم بخير
ربنا يكرمك :36_3_10[1]:
دا العشم برضه يا احمد بيك
وعموما انا اطالب المحكمه بوقت راحه للمدعي عليه يمتد حتي منتصف الليل حيث انه قد ترك مقر عمله وتوجه تحت الحراسه المشدده لمقر سكنه ليتمتع بهدوء اطفاله ورومانسيه البيت المصري الاصيل
حيث ان اصابعه الرقيقه قد اصابها الارهاق من الاجابه علي اسئلتكم (ال يعني بيفحت في الصخر علشان يجاوب)
وفي انتظاره
فاصل ونواصل
ما شاء الله يا هندسة ... اجابات جميلة و اضافت قيمة للاسئلة :)
الشئ الجميل ان الواحد بيعرف حاجات جديدة عن الاعضاء .. و انا سعيد اني عرفت موضوع su و كان اقصي توقعاتي فيه انه يكون مرتبط باسمك او اسمك شخص قريب .. لكن الموضوع طلع كبير ...
شكرا لك يا بشمهندس .. تعبناك معانا .. لحد ما الباقيين ييجوا يتعبوك هما كمان :)