من هـــــــــــــــو من هـــــــــــــــو mexmarine؟؟؟
محمد عبد السلام .. ضابط لاسلكى أعمل على السفن التجاريه وحاليا على حفار بترول بحرى:helpsmilie: من هو اعز انسان الى قلبك ؟ من المنتدى؟وخارج المنتدى؟
حقيقى انا لسه جديد فى المنتدى و معرفش حد كتير فى المنتدى, و اتمنى انى اتعرف على اصدقاء جدد ( كان بقلظ زمان يعلق على جدد دى دايما فى برنامج ماما نجوى)D; خارج المنتدى اعز ما لى هى زوجتى و اولادى
هل هناك عضو منقطع تتمنى عودته..؟؟
أ.سبعاوى هههههههه مش عارف ليه بس هو كان كاتب كده انه زهقان
من الذي يثير دموووع mexmarine؟
طفل محروم
ماهى اصعب ذكرى بقلبmexmarine
وفاة والدى رحمه الله
دعوه صادقه لمن تهديها؟
اولادى
ماذا تعــــني لك الحـيـاه؟
محدش عارف حاجه بس هى بنعيشها بحلوها ومرها و لما ينقضى اجلنا بنموت .
و الله الانسان ده ضعيف جدا و غلبان جدا
ماهــــو الامتحـان الاصـــعب في الحـيـاه بالنسـبه لك؟
توفير حياه امنه و سعيده لى و لاسرتى من بعدى
ماذا تـمثــــل لك الاســـــــــره؟
كل شيئ ووجع دماغى و قلبى و سعادتى الغامره
ما هو طموحك؟ وهل حققت جزء منه ؟ ام انك تسير لتحقيقه؟
نفسى اشتغل فى اسكندريه اللى هى بلدى و بتمثل لى الاستقرار بس نصيبي انى فى البحر من 91 و حتى الان و بالنسبه لعملى ان شاء الله سأغير الكارير قريبا للأحسن بي فى نفس مجال البترول و كده ممكن اخذ اسرتى معى لو استقريت فى بلد عربى
ما هي أكبر خيبة أمل تعرضت لها في حياتك ؟؟
كنت على سفينه و غرقت فى تركيا سنة 98 و حسيت بخيبه امل شديد فى الربان اللى كنت واثق فيه اكثر من نفسى(هو كان روسى و كان زى والدى لكنها كانت غلطته حينها لكن الحمد لله مفيش حد جرى له اى مكروه و الحمد لله و ام الاشاده بى من زملائى لسرعة انقاذهم بسرعة اتصالات الانقاذ
اذكر موقف حصل معك يضحك
كنت فى روسيا و كنا فى كافيتريا وواحد صاحبى كان معى كان تعبان جدا و صممت يخرج معى و تقيئ فى الكفيتريا وتعب جامد جدا و خلال محاولتى افاقته جالى مدير الكفيتريا و قالى مفيش ولا عامل عاوز يمسح مخلفات صاحبك و لازم انت تمسحها و جاب لى مكنسهD: و طبعا رفضت و زعقت فجبولى بودى جارد حوالى مترين فى متر عرض و الناس دى للأسف ما بتتكلمش قلت له انا جاى معاك ههههه و تم المسح على اكمل وجه
ايه برجك ؟ وايه ايجابياته وسلبياته ؟
انا موالديد 22 يوليو و لحد النهارده مش عارف انى الاسد او السرطان ... مشكله
ايه أهم شي بحياتك ؟
أمى و أسرتى
ايه أمنيتك المستقبلية ؟
الستر و الله الستر فقط
ايه اكثر الصفات اللي تكرهها في شخصيتك ؟!
مش هقول الطيبه الزائده و الكلام ده بس انا مبحبش فى نفسى التسرع الزائد
ايه اكثر الصفات اللي تحبها في نفسك ؟!
الحمد لله رب العالمين حب زملائى لى و مدحهم لى بيبين ان لى صفات كويسه كحب الناس
بيت شعر تحسه قريب منك
when I'm right nobody remember,
when I'm wrong nobody forgets
حقيقى صحيح....
انا سعيد جدا بموضوعك الرائع فعلا:thinking: