أهلا و سهلا يا ميكي باشا .... يا ريت تحضري اسئلة من الجامدة ديه لحلقة نور باشا إن شاء الله
عرض للطباعة
بييييي :D
*ايه الحاجه الي عملتها وندمان عليها ؟؟
حاجات كتير قوي ... أنا بطبعي نفس لوامة ... النهارده مثلا ندمان اني ما لحقتش أكلم أهلي بالتليفون .... بس الحمد لله ما فيش حاجة كبيرة ندمان عليها في حياتي سواء حاجة عملتها أو ما عملتهاش ... ربنا يديمها نعمة
اكتر حاجة نفسي أغيرها طريقة صرفي للفلوس أنا فعلا مصرف جدا
*والحاجه الي نفسك تعملها ؟؟
نفسي أحج لبيت الله
*مين مثلك الأعلى .. ؟؟؟
غير سيدنا محمد صلى الله عليه و سلم ما فيش حد معين.... بس ساعات أشوف حاجة في حد أحبها و أحاول أعمل زيها ....يعني تقدر تقول مثلي الأعلي تبقى شخصية اعتبارية فيها مجموعة من أحسن صفات الناس اللي حواليا
*اكتر مغنى بتحبه ؟؟
هي فرقة إنجليزي اسمها Iron Maiden
في العربي عبد الحليم حافظ
*اكتر ممثل ؟؟؟
ما فيش حد مستمر .... يعني أجنبي من دستين هوفمان لشوارزنجر لميل جيبسون لتوم هانكس لاريك بانا لجورج كلوني حاليا
عربي أحمد مظهر ...أحمد رمزي ...أحمد زكي ....أحمد حلمي .....كلهم أحمد :)
*أكتر عربية بتحبها وربنا يوعدك بيها ؟؟
كتيير .... اللي داخلة دماغي قوي انفنتي FX و أودي S4
طلعت خدعة يا برو باشا .... لو شفته في المعركة سمعه Slipknot
community و العياذ بالله كانت بتفكرني بمادة في المدارس على أيامي كان اسمها تربية قومية ... مش عارف لسه موجودة و لا لأ .... طبعا أنا قاعد هنا أرد و الناس نيام و سايب المنتدى ما أعرفش عنه حاجة ..... شوية و أخش أنام و الناس تصحي .... الحمد لله أول يوم خلص :D
متقلقش يا شيكو باشا ... إمبارح كان تسخين بس ... اليوم التانى عادة بيبقى ضعف الأسئلة فى الكم و الكيف و اللماذا و كل حاجة :biggrinjester: ... فإعمل حسابك ترجع من الشغل بدرى :sifone:
السلام عليكم و رحمة الله و بركاته
انا عندي كام سؤال لحضرتك كده يا دكتور شيكو
و ان شاء الله تبقي اسئلتي خفيفه علي حضرتك
اصل دمي تقيل اليومين دول و خايفه العدوي تنتشر بسببي في المنتديhttp://www.nilemotors.net/Nile/images/icons/icon7.gif
1_من وجهة نظر حضرتك ايه هو اهم اختراع في العصر الحديث؟
2_مين اكتر شخص عندك دموعه غاليه عليك؟
3_لو معاك مصباح علاء الدين و طلعلك منه الجني و قالك اتمني تلات امنيات ياتري هيكونو ايه؟
4_هل بتثق في كل اصدقائك و لا في اصدقاء محتفظ بيهم علي سبيل التعود بس مش بتثق فيهم ثقه كاملة؟
5_لو انت ممثل و جاتلك بطولة فيلم تحب نوعيه الفيلم دي تكون ايه ؟ و ليه؟
6_لو جاتلك رسالة مكتوب فيها (بحبك)هتكون ردة فعلك ايه؟ و ياتري هتحاول تدور علي صاحبه الرسالة؟
7_ ايه هي الصفه اللي بتكرهها جدا في الناس بس هي في نفس الوقت فيك؟!!!!!!!
8_توصف شكلك العام بايه؟
9_ابه اكبر كذبة كدبتها بحياتك؟
10_ حاسس ان في شيء ناقص في حياتك؟
11_ايه اكبر قرار اخدته في حياتك و بعد كده ندمت عليه؟
12_ايه احلي ذكري في حياتك كلها؟
13_ايه اكتر صفة بتشدك للمراة؟
14_كم تجربة مرهقه عاطفيا مريت بيها؟
15_ايه رايك في الحب قبل الزواج؟ بتأيده و لا لا؟
16_من وجهة نظرك ...ايه اكبر عيب في الرجال؟
17_ايه هي الظاهرة اللي بتنتقدها في المنتدي؟
18_مين الشخص اللي تتمني يختفي من علي وجه الارض؟
و كفايه كده اكيد دوشت حضرتك باسئلتي http://www.nilemotors.net/Nile/images/icons/icon7.gif
و ميرسي ليك مقدما
حلقة أكثر من رائعة دكتور شيكو.....:k49:
و أنا برده زيك بأقول مافيش طب فى مصر عشان اللى موجودين فى البلد مش عايزين الطاقات تظهر على السطح و لو انت مجتهد و عايز تتميز يحطه ألف و ألف طوبة فى طريقك فيجيلك احباط و واكتئاب(زى اللى عندى كدة:ANSmile23:) بس صدقنى المصرى متميز بطبعه ، هو بس تتوفرله الامكانيات و أكبر دليل على كدة ان كل الدكاترة المتميزين فى الدول الأوروبية و أمريكا و كندا هم مصريين.
ربنا يبارك فيك و فى مسز شيكو و يُعطيك خيرى الدنيا و الآخرة.
و عليكم السلام و رحمة الله و بركاته ... العفو يا بوسي باشا ....ده التلاثي DNB بقى حديث الساعة في المنتدي :D
1_من وجهة نظر حضرتك ايه هو اهم اختراع في العصر الحديث؟
الشبكة العنكبوتية
2_مين اكتر شخص عندك دموعه غاليه عليك؟
أمي و مراتي و أختي
3_لو معاك مصباح علاء الدين و طلعلك منه الجني و قالك اتمني تلات امنيات ياتري هيكونو ايه؟
يرجع المصباح (١) و ما يطلعش منه تاني أبدا ( ٢) و يسلم لي على علاء و أخوه ( ٣ ) ;)
4_هل بتثق في كل اصدقائك و لا في اصدقاء محتفظ بيهم علي سبيل التعود بس مش بتثق فيهم ثقه كاملة؟
اذا كنت ما باثقش في نفسي ثقة كاملة و ديه حقيقة ... ازاي أثق ثقة كاملة في أي حد تاني :)
5_لو انت ممثل و جاتلك بطولة فيلم تحب نوعيه الفيلم دي تكون ايه ؟ و ليه؟
فيلم ديني عشان أحاول أخد حسنات
6_لو جاتلك رسالة مكتوب فيها (بحبك)هتكون ردة فعلك ايه؟ و ياتري هتحاول تدور علي صاحبه الرسالة؟
حطلع على مسز شيكو مباشرة ... لو منها و ده غالبا حاحتفظ بالورقة لو مش منها على ال-shredder على طول
7_ ايه هي الصفه اللي بتكرهها جدا في الناس بس هي في نفس الوقت فيك؟!!!!!!!
دائم النصح للاخرين .... بعيش في دور الأخ الأكبر كتير
8_توصف شكلك العام بايه؟
Teddy Bear
9_ابه اكبر كذبة كدبتها بحياتك؟
قعدت افكر جامد يا بوسي باشا ما لقتش أي كذبة كبيرة ... أخر مرة كدبت كان في مطعم تيك اواي صيني قلت للراجل إن إسمي جيمي علشان هشام صعب عليهم قوي
10_ حاسس ان في شيء ناقص في حياتك؟
ناقصني أحج و يا رب ربنا ييسره السنة الجاية إن شاء الله
11_ايه اكبر قرار اخدته في حياتك و بعد كده ندمت عليه؟
ما فيش و الحمد لله .... يا رب يديمها نعمة .. قولي أمين :)
12_ايه احلي ذكري في حياتك كلها؟
يوم تخرجي من كلية الطب بترتيب و يوم جوازي
13_ايه اكتر صفة بتشدك للمراة؟
طريقة تفكيرها
14_كم تجربة مرهقه عاطفيا مريت بيها؟
خمسة :o
15_ايه رايك في الحب قبل الزواج؟ بتأيده و لا لا؟
ما دام في حدود الدين و الأخلاق يبقى بأيده
16_من وجهة نظرك ...ايه اكبر عيب في الرجال؟
العند و المكابرة
17_ايه هي الظاهرة اللي بتنتقدها في المنتدي؟
كثرة الجدال و افتراض صحة الرأي الشخصي المطلقة
18_مين الشخص اللي تتمني يختفي من علي وجه الارض؟
كتييير قوي يا بوسي باشا ... ربنا يغفر لي بقى :)